Hechos 17:17 - Dios Iwene

¹⁷ Jo̧kwaobetjö̧ judío jojodö yötjawejunö tebachö judío jojodökwö, ju'wedö Diosnö ösödadökwö yötja̧li̧ a̧ja̧kwö atadijetö Pabloma. Ja̧danö, comunidad ö'wejebi ju'wi möle jwiinö 'yi̧jetö Pabloma, jobe ichadökwö yötja̧li̧ a̧ja̧kwö atadobö.

Hechos 17:17 Referans Kwoze

Hechos 13:16

Jejenö jö̧a̧liawö̧ Pabloma a̧laibö, Jau yötawocha, jö̧ba̧lö, ömamu kabebijetö. Baikwö yöbawijetö: —Chömöledö israel jojodönöbi, ja̧danö, ju'wedönöbi, israel jojodöböködönö, Diosnö otiwanö yebabinö omukwatadönöma yötawa. Yötawi̧ma a̧ja̧kwaduwi.

Hechos 9:20

Ikenama Sauloma te'ada̧lökönö jobetjö judío jojodö yötjaweju okwa Jesús jawa yöbawijetö. Jo̧ba Jesúsma, Dios Itji̧, jö̧ba̧lö, yöbawijetö.

Lucas 12:3

Jau chömöledö, ju'wedö tja̧ja̧kwokonö yöka̧laduwi̧ma, tupakwö okobe deinö tja̧ja̧kwobö yötjawakobe, ja̧danö okwasȩko̧nö ja̧nö tjo̧'omanö yöka̧laduwi̧ma a̧petutjö labinö yötjawakobe okobe deinö tja̧ja̧kwobö. Jo̧kwajabetjö̧ fariseo jojodö dötölatajanö tjomukwati̧danöma kwomukwataduwa chömöledö. Wamenö kwi̧sebaduwi̧danö okwanöbi otiwanö omukwatö kwö̧jaduwo— jö̧ba̧lö yöawinobe iteda öba̧ja̧di̧ waisachadönö, fariseo jojodö tjomukwati̧danöma omukwatökönaduwi jö̧ba̧lö.

Marcos 16:15

Ikenama Jesúsma jö̧ba̧lijetö jobadönö: —Wetaduwakwö. Böjȩ okobe jwiinö 'ya̧duwi Dios otiwa jawa wene okobe deinö Dios otidinawö̧nö yökawaduwo.

Proverbios 8:34

Bakwo̧, ju'wi mölȩkwena ötjö yötawi̧ a̧ja̧kwobö chejube ichö, apjude ö'öbönö ja̧nö te'ada̧lo̧nöma, labebö yötawakwujusa. Jo̧bama o̧'wo̧ ösöwanö jo̧ ötjö yötawi̧ a̧ja̧kwö ösödobetjö̧.

2 Timoteo 3:5

Jobadöma wamenö Diosnö ösödadödanö tjichejekwakobe Timoteo, jo̧kwaijayonö jejenö tjichejekwijayonö, okwanö tjöpöjödakobe, Dios ujulu jwia jö̧ba̧lö. Jobadötjö 'da̧bachibö ja̧wi Timoteo,

2 Timoteo 3:2

Jojodöma idödada ösödabikwawö tjö̧jakobe, ja̧danö jwaikwöda balada tjösödakobe, ja̧danö otiwadösa jö̧ba̧lö tjomukwatakobe, ja̧danö ju'wedötjö bajalekwönönöbedösa jö̧ba̧lö tjomukwatakobe. Ja̧danö, ju'wedönö sulabenö yötja̧lakobe, ja̧danö tjabe'dodönö tja̧ja̧kwökakobe, ja̧danö iyawa edö otiwanö iyajabe jö̧ba̧löma tjösödökakobe, ja̧danö Diosnö omukwatökönö sulabenö ja̧bö tjö̧jakobe.

Hechos 10:2

Ja̧danö, Cornelioma Diosnö ösödö ji̧abijetö. Jo̧babi jo̧ba ömöledöbi Diosnö otiwanö yebabinö omukwatö ji̧abijadötö. Jo̧bama judío jojodötjö tju̧kwa jwibadönö pjabatiabijetö. Ja̧danö, Cornelioma kabatökönö Diosnö abebö ji̧abijetö.

Hechos 13:43

Ikenama ba̧jekwadö, tjo̧wi̧, jejutjö a̧ja̧kwö kabatibö labebajadöma Pablo, Bernabé tjökömanö 'yi̧jadötö, ba̧jekwadö judío jojodötjöbi, judío jojodödanö ju̧kwadötjöbi. Ikenama Pablo, Bernabé jobadö tjo̧'wo̧ ösöwachibanö tjomukwatobö yöba̧lijadötö jobadönöma: —Chömöledö, Dios lȩlö̧jino edö pjaati̧ma omukwataduwi. Jejenö omukwatö kwö̧jaduwo—yöbawijadötö.

Hechos 13:50

Jo̧kwaijayonö Antioquíanö ju̧kwadö judío jojodötjö la'aka luwedöma ina öpöjödijadötö Pablonö, Bernabénö. Tjo̧'wo̧ sulinö edö yöba̧lijadötö jobenö ju̧kwadö ya̧dö la'aka luwedötjö ju'wedönöma Pablonö, Bernabénö tjölabobö. Jobadö ya̧döma judío jojodöböködö Diosnö ösödadöma. Ja̧danö, ömadö la'aka luwedötjö ju'wedönöbi yöba̧lijadötö, Pablonö, Bernabénö tjölabobö. Jejenö yötja̧liawö̧ jobadöma jwiinö labijadötö. Ikenama ju'wedönöbi yöba̧lijadötö, Pablonö, Bernabénö tjölabobö. A'dewö lododönö, jö̧ba̧lö, labinö yöba̧lijadötö. Jejenö yötja̧liawö̧ jobadöma Pablonö Bernabénö jobetjö a'dewö lobijadötö.