Hechos 16:40 - Dios Iwene

⁴⁰ Ikenama Pablo, Silas, ka̧lena ba̧kwaweju okwatjö latjebajawö̧ma Lidia jejube 'yi̧jadötö, Jesúsnö ösödadönö edö. Jeju ichö Jesúsnö ösödadönö tjomajade tjujuluwachibanö yötja̧laja̧ ikena Filipostjö labebijadötö.

Hechos 16:40 Referans Kwoze

Hechos 16:14

Ja̧danö, bakwuju, Lidia mikwujuma, Tiatiratjö ichinuju jö̧bijatö. Jobujuma sawana'wiju ö̧'dö̧wi o'wiju, nöinö mikwawi̧ o'wo iyuju, mikwanö jö̧ba̧lö. Ja̧danö, jobujuma judío jojosujubököjujayonö judío jojodö ja̧tji̧danö ja̧bö juju. Jobujuma, Pablo yöawi̧ a̧ja̧kwö jwiinö jösödijatö, Diosma jo̧'wo̧ luwo̧nö jösödinö pjaatinobetjö̧.

Hechos 14:22

Jobe comunidadkwena 'ya̧nö Jesúsnö ösödadönö pjabatö yöbawijadötö, Kwo̧'wo̧ luwo̧duwi juluwachibanö tupakwö kwi̧'yaduwo, jö̧ba̧lö. Jesúsnö kabatibökönö kwö̧jaduwo. Ja̧danö, jo̧banö omukwatö kwö̧jaduwo, jö̧ba̧lö, pjabatö yöbawijadötö. Jobadönö jö̧ba̧lijadötö: —Chömöledö ¿wajwiköbaduwiji̧? Ökwödö Jesúsnö ösödadöma, usula demawobö jo̧be. Isabenö ökwödöma usula emawadösa. Ökwödöma Dios webö ö̧jena ja̧nö, do̧'wo̧ ösöwachibanö duju̧kwenanö baibanö, usula emawadösa— jö̧ba̧lijadötö.

Hechos 4:23

Ja̧danö, latjebajawö̧ma tjömöledö Jesúsnö ösödadö tjuju̧kwobekwö ȩwa̧jijadötö. Jobadönö yöbawijadötö okobe jwiinö Diostjö jojodötjö ö'weje la'aka pjabatadö yötjawaja̧bi, damö yötjawaja̧bi.

Hechos 16:2

Ju'wedö Jesúsnö ösödadöma ösödijadötö Timoteonöma, Otiwanö omukwatö jo̧, jö̧ba̧lö. Listranö ju̧kwadöbi, Iconionö ju̧kwadöbi Jesúsnö ösödadöma ösödijadötö Timoteonöma.

Hechos 1:15

Ju'wi möle jobadö tjoko̧ko̧kwena, ciento veinte jenanö ju̧kwijadötö. Pedroma jobadö tjö'da̧denö jamatö yöbawijetö: