Hechos 16:35 - Dios Iwene

³⁵ Ju'wi dewachö lȩekwa yöawakwawa jojodöma ömöayedö guardia jojodönö webijadötö ka̧lena ba̧kwawejube 'ya̧nö, te'ada̧lakwawa jojonö wetjobö Pablonö, Silasnö laebobö.

Hechos 16:35 Referans Kwoze

Hechos 5:40

Jejenö jö̧a̧liawö̧ la'aka luwedöma Gamaliel yöawaja̧danö ja̧bijadötö. Jesús webawedönöma yemidanö tetjachobö jwöbijadötö. Tebachajadönö kwakwaböda kwakwabijadötö 'diasonö. Kwakwabajadö webijadötö jobetjö latjebobö, La'akatjöda Jesús ö̧jina yökawaduwoko, jö̧ba̧lö.

Hechos 4:21

Jejenö jö̧tja̧liawö̧, la'aka luwedöma Pedronö, Juannö, Inia tjötjobö wedo, jö̧ba̧lö, omukwatijadötö. Jo̧kwaijayonö jejenö wetjobö jwibijadötö, jojodöma tjöpöjödobetjö̧. Okobe deinö jobe ju̧kwadöma kwebachö̧kö̧nö otiwanö baibanö otidinobetjö̧ Diosnö ösödijadötö. Jo̧bama, ömasapiya otiwanö baibajökwema, cuarenta o̧biya tupakwö juna̧lijetö. Lekwe kwebachökönö ji̧nanö otiwanö baibinobetjö̧ jojodöma Diosnö ösödijadötö. Jo̧kwaobetjö̧ la'aka luwedöma inia tjötjobö webökönö, labebijadötö Pedronö, Juannö. Jobadönö yemidanö, Jojodönö yökawaduwoko, jö̧ba̧lö, lȩbebö labebijadötö.

Lucas 12:11

Ju'wibi yöawinobe Jesúsma: —Ja̧danö, ötjönö kwösödaduwobetjö̧, ökwödönö do̧batö öbibö tjujunena, judío jojodö ba̧nö tja̧ja̧kwa̧leju jojodö tjöba a'otjöbi, lȩekwa luwedö tjöba a'otjöbi, la'aka luwedö tjöba a'otjöbi. Ja̧danö tjöba a'otjö junajadö, ökwödönö sulabenö yötja̧lena, bidöma sulabedö jö̧ba̧lö. Jejenö baledenama kwo̧'wo̧ tjo̧kekwaduwa chömöledö, ¿dakwö datadakwajö? ¿taji yöda̧lakwajö? jö̧ba̧löma, Dios O̧'wo̧ Luwo̧da kwatadaduwakwa̧ pjaatakobetjö̧.

Hechos 16:34

Ikenama te'ada̧lakwawa jojoma Pablonö Silasnö tebatijetö eju okwa tjukwobö. Tebachö Pablonö, Silasnö kwakwawa iyö mesasötenö junijetö, ¡Jö̧jö̧ kwaduwi! jö̧ba̧lö. Ja̧danö te'ada̧lakwawa jojobi, ejunö ju̧kwadöbi tjo̧'wo̧ ösöwobe ji̧jadötö, Babema Diosnö dösödadösa, jö̧ba̧lö. Ikenama tjebachajijadötö ka̧lena ba̧kwawejube.

Hechos 16:36

Jobadö guardia jojodöma ka̧lena ba̧kwawejunö ichibö te'ada̧lakwawa jojonö yötjawiökwe Pablonö yöbawijetö: —Tjo̧wi̧, lȩekwa yöawakwawa jojodöma wetjajabe ökwödönö latebobö. Jo̧kwaobetjö̧ labebaduwi, otiwanö da̧ja̧duwi— jö̧ba̧lijetö.

Hechos 16:38

Jejenö atadiawö̧ guardia jojodöma Pablo yöawi̧ yöbawijadötö lȩekwa yöawakwawa jojodönöma. Jobadöma a̧ja̧kwö yebabijadötö, ¡Ayö! jobadöma romano jojodö, jö̧ba̧lö.

Josué 4:17

Weökwe, Josuema tjö̧'da̧de pjabatadönö weinobe, —Tjowita, Jordan ojwetjö labebaduwi, —jö̧ba̧lö.