Hechos 16:27 - Dios Iwene

²⁷ Ikenama te'ada̧lakwawa jojoma wiluibö okobe jwiinö apjudebiya po̧duwaibajobe edijetö. Jo̧kwaiökwe, ¡Ayö!, chuluwedöma ötjönö kwabö lotjakwo̧sa, beju okwa ba̧jadöma latjebajabe, jö̧ba̧lö, itedada bulatakwawö lootö jö̧ba̧lö emijetö kwölöte'o.

Hechos 16:27 Referans Kwoze

Hechos 12:19

Ja̧danö, la'aka luwo̧ Herodesma, Pedro dei̧ wene yötjawi̧ a̧ja̧kwö webijetö guardia jojodönö Pedronö tjisakwobö. Jobadöma tjisakwemi deijetö Pedroma. Deiökwe Herodesma abeba̧lijetö Pedronö te'ada̧lakwawa jojodö guardianöma ¿Dakwö baledaja̧da? jö̧ba̧lö. Ikenama, Bidöma otiwanö te'ada̧löködö, jö̧ba̧lö, webijetö ju'wedönö kwabö lotjobö jobadönöma, Pedroma jobadötjö döibajobetjö̧. Ikenama Herodesma Judeatjö labebö jelobe 'yi̧jetö, Cesareabe, ja'yubeda lekwe ö̧jobö.

Mateo 27:5

Ikenama Judasma tjiyina balada jobe Dios eju okwa nijibe ikwö loinobe, ja̧danö jobetjö labebajo̧, nubawö ö'wö baibinobe.

1 Reyes 16:18

Jejenö balediökwe, Zimrima edö öwaisachibinobe, chöpöjojo Omrima chitebo Tirsa comunidad ujuluwajabe, jö̧ba̧lö, jokwajabetjö̧ inesö la'aka luwo̧ eju okwa, 'diinö tjöekwemi okwa tebachö, o̧do juwö lobö, itedada juwawö loinobe.

2 Samuel 17:23

Ja̧danö, pebibajadö, Davidbi jo̧bakwö kwebachadöbi tupakwö Majanayin comunidadbe tji̧'yinobe. Ja̧danö, Ajitofel waisanö lȩebaja̧ Absalon a̧ja̧kwiökökwe, Ajitofelma öwaisinobe, Davidnö ujuluwobö omukwati̧ waekwakobe jö̧ba̧lö. Jo̧kwajabetjö̧ ajwi bulu oma'anö wanawaka wanajo̧, bulunö wa̧nö ȩwa̧jinobe itebo comunidad Guilobe. Jobe ichibö, woaja̧ ikena jawa ömöledönö weinobe, ö'wö batibaja̧ ikenama chitea jawa baikwö ja̧baduwi jö̧ba̧lö. Ikenama, webajo̧, nubawö ö'wö baibinobe. Ikenama ömöledöma Ajitofelnö tjödinobe, abe'donö tjödinemi ötölanö. Ja̧danö, Absalonma israel jojodö ölakwabikwawa jojodökwö Jordan ojwe peibinobe, Davidnö lubö.

Jueces 9:54

Jejenö balediökwe, Juluwanö ö'wö batibakwo̧sa jö̧ba̧lö, ömöayo̧ itea ölakwabikwawa jawa kwebato̧nö weinobe, —Juluwanö kwölöte'o do̧batö, kwabö lobitjö, biwa jikwawatjö debö chi̧'yapji. Jau, jejenö kwabö loköbobö wetakwö, jojodö ötjönö, –Jojosujuda kwabö lojinökwe, –jö̧ba̧lö otjapji jö̧ba̧lö. —Ja̧danö, weökwe, Abimelec ömöayo̧ma weaja̧danö Abimelecnö kwabö loinobe kwölöte'onö.

Hechos 16:28

Ja̧danö, jo̧banö edö Pabloma labinö jö̧ba̧lijetö: —¡Bulatakwawöma loköba! Edi, okobe deinö ökwödö beju okwanö ba̧jadöma bena dö̧baja. Ladekwokobe— jö̧ba̧lijetö.

Hechos 16:36

Jobadö guardia jojodöma ka̧lena ba̧kwawejunö ichibö te'ada̧lakwawa jojonö yötjawiökwe Pablonö yöbawijetö: —Tjo̧wi̧, lȩekwa yöawakwawa jojodöma wetjajabe ökwödönö latebobö. Jo̧kwaobetjö̧ labebaduwi, otiwanö da̧ja̧duwi— jö̧ba̧lijetö.