Hechos 16:2 - Dios Iwene

² Ju'wedö Jesúsnö ösödadöma ösödijadötö Timoteonöma, Otiwanö omukwatö jo̧, jö̧ba̧lö. Listranö ju̧kwadöbi, Iconionö ju̧kwadöbi Jesúsnö ösödadöma ösödijadötö Timoteonöma.

Hechos 16:2 Referans Kwoze

2 Timoteo 3:15

ja̧danö ju'wibi Dios iwene kwöwaisa, ina tjemu kwö̧jayi ökwönö tjöba̧ja̧dinobetjö̧. Ja̧danö, jejenö kwöwaisobetjö̧ 'diinö do̧ba̧lö kwösödobö jo̧be, chösödi̧ wenema isabenö wene jö̧ba̧lö. Jau Timoteo, ökwönö tjöba̧ja̧dina jawa Dios iwene jawama, waisanö kwomukwatobö ba̧ja̧dakwawa jawa tjöba̧ja̧dinobe, ¿jö̧tö? Ja̧danö, waisanö kwomukwatobö tjöba̧ja̧dinama, otiwa jawa wene waisanö kwomukwatobö pjaatinobe, Cristo Jesúsnö ösödö kwö̧jibobö, ¿jö̧tö? Jau Timoteo, jejenö waisanö kwomukwatobö pjaatinobe tjöba̧ja̧dinama, jo̧kwajabetjö̧ ja̧ laebi̧ kwöwaisachibinobetjö̧ isabenö wene 'diinö do̧ba̧lö kwö̧jobö jo̧be.

1 Timoteo 5:10

ja̧danö, wobekwinadötjö tjite'ada̧lakwawö̧ma sule jojodö, Bidöma otiwanö ja̧bö ji̧nadö, jö̧ba̧lö tjöwaisawö̧nöda. Ja̧ otiwanö ja̧bö tjuju̧kwina jawama baikwö yötawa: Otiwanö tji̧tji̧munö bötjatö, jelobetjö ichajadönö tjejunö tebatö, ju'wedö Jesúsnö ösödadö tjömöayujudanöbujusa jö̧ba̧lö pjabatö, usula emawadönö pjabatö, ja̧danö jwaikwöda okobe jwiinö otiwanö ja̧awa ja̧bö. Jejenö ja̧bö ji̧nadö ya̧dö tji̧lȩkwa̧munö wobekwinadönöda kwujuno, Jesúsnö ösödadö tjite'ada̧lawö̧, jö̧ba̧lö

Hebreos 11:2

Ja̧danö, damötjö ji̧nadötjö Diosnö ösödö ji̧nadöbi jejenö, Diosnö tjo̧'wo̧ wana̧lö tjuju̧kwinobe. Ja̧danö, jejenö tjo̧'wo̧ wana̧lö tjuju̧kwiökwe Diosma jobadönö ösödinobe, Bidöma ötjönö otiwanö ösödö ju̧kwadö, jö̧ba̧lö.

2 Timoteo 3:11

Ja̧danö, ötjönö sulabenö ja̧tji̧ kwedajabe, ja̧danö usula chemawi̧ kwedajabe, ¿jö̧tö? Jau Timoteo, Antioquíatjöbi, Iconiotjöbi, Listratjöbi ötjönö sulabenö ja̧tjina kwedijatö, isabenö usula chemawinö jwiinö sulabenö ja̧tjinobe ötjönö, ¿jö̧tö? Ja̧danö, ju'wibi kwedijatö Timoteo, okobe jwiinö ja̧tjö chö̧jibinö pjaatinobe Duluwo̧ma, ¿jö̧tö?

1 Timoteo 3:7

Ja̧danö, te'ada̧lakwawa luwo̧ baibanö otidakwo̧ma, ju'wedö Dios ömöledöböködöbi otiwanö tjomukwatökweda, jojodö sulabenö yötja̧liökwe Awetja ja̧ina 'daliwanö ö̧libapji jö̧ba̧lö.

Hechos 16:40

Ikenama Pablo, Silas, ka̧lena ba̧kwaweju okwatjö latjebajawö̧ma Lidia jejube 'yi̧jadötö, Jesúsnö ösödadönö edö. Jeju ichö Jesúsnö ösödadönö tjomajade tjujuluwachibanö yötja̧laja̧ ikena Filipostjö labebijadötö.

Hechos 14:21

Ja̧danö, Derbenö ja̧nö yöbawiabijadötö otiwa jawa wenema. Yötjawiawö̧ jobe ju̧kwadöma ba̧jekwadö, Jesúsma dö̧jibinö pjabato̧, jö̧ba̧lö, ösödö do̧batö emijadötö Jesúsnöma. Ikenama Pablo, Bernabé yemidanö tjebachajijetö Listranö, ikenama Iconionö, ikena Antioquíanö, Pisidia nijinö Antioquíanö.

Hechos 13:51

Ja̧danö, a'dewö lotjajawö̧ Pablo, Bernabé tju̧kwa sapatu pjusawijadötö, letiya. Ja̧ tjupjusawi̧ma i̧sebijadötö, Tjo̧wi̧, bidöma Dios iwene tja̧ja̧kwijayonö jwiinö tjöpöjödobe, jö̧ba̧lö. Ikenama jobetjö labebö Pablo, Bernabé Iconiobe 'yi̧jadötö.

Hechos 6:3

Jo̧kwaobetjö̧, chömöledö, ökwödötjö emö junaduwi jelemutjö du̧ju̧tajanö ömadönö, pjaatakwawa jojodönö, ja̧ iyawa webadö batjibinö. Jobadö emö kwujunaduwakwawö̧ma, Otiwanö omukwatö ju̧kwadö, jö̧ba̧lö, jojodö yötja̧lawö̧nöda emö kwujunaduwo. Ja̧danö, jobadö emö kwujunaduwakwawö̧ma waisanö omukwatadönöda kwujunaduwo. Ja̧danö, Dios O̧'wo̧ Luwo̧ öba̧ja̧dawö̧nöda emö kwujunaduwo. Emö kwujunaduwawö̧nö wedakobe jobadöda iyawa wetjobö.

1 Timoteo 5:25

Jojodö otiwanö ja̧tji̧bi ja̧danö. Ju'wedökwena otiwanö ja̧tjenama, juluwanö öwawobe, okobe deinö edö tjöwaisobö, otiwanö ja̧tjinobe jö̧ba̧lö. Ja̧danö ju'wedökwena otiwanö ja̧tjenama, juluwanö öwawokobe otiwanö ja̧tji̧ma, jo̧kwaijayonö juluwanö öwawököjayonö, tupakwö öwawakobe otiwanö ja̧tjinobe jö̧ba̧lö.

Hechos 1:15

Ju'wi möle jobadö tjoko̧ko̧kwena, ciento veinte jenanö ju̧kwijadötö. Pedroma jobadö tjö'da̧denö jamatö yöbawijetö:

Hechos 14:1

Ikenama Pablo, Bernabé Iconionö ichibajadöma judío jojodö yötjawejunö tebachijadötö. Tebachajadö Dios iwene jweinö yöbawijadötö. Jweinö yötjawiawö̧ jojodöma tjo̧'wo̧ luwo̧nö tjösödinö a̧ja̧kwö, Jesúsma dö̧jibinö pjabato̧, jö̧ba̧lö, ösödö do̧batö emijadötö Jesúsnöma. Ba̧jekwadö, judío jojodöbi judío jojodöböködöbi Pablo, Bernabé yötjawi̧ a̧ja̧kwö Jesúsnö ösödö do̧batö emijadötö, Jesúsma dö̧jibinö pjabato̧, jö̧ba̧lö.

Hechos 14:6

Jejenö tjomukwatijayonö Pabloma, Bernabéma, ju'wedö ja̧ tjomukwati̧ yötjawiawö̧ jelobe döbibajijadötö, Licaonia nijibe. Jobe comunidades, Listra mikwenabi, Derbe mikwenabi, jobe ö'öböbi yöbawiabö kwebachijadötö,

Filipenses 2:22

jo̧kwaijayonö Timoteonö kwöwaisaduwökwe, bakwo̧ iteda abe'dokwö otidaji̧danö, Timoteoma bakobe ötjökwö otiwa jawa wene otidajibo̧ jö̧ba̧lö.