Hechos 16:1 - Dios Iwene

¹ Ikenama Pablo, Silas 'ya̧jadöma Derbenö ichibijadötö. Jemi ikenama jobetjö labebö 'ya̧jadö Listranö ichibijadötö. Jobe bakwo̧ ji̧jetö, Timoteo mikwo̧, Jesúsnö ösödo̧ma. Jo̧ba ojo'doma Jesúsnö ösöduju. Jobujuma judío jojosujujijayonö jilekwema, Timoteo abe'doma griegoso̧, judíoso̧bökö.

Hechos 16:1 Referans Kwoze

2 Timoteo 1:5

Timoteo, ökwönö omukwatö isabenö Dios yöawi̧ kwösödi̧ wene chomukwatiba. Jau, ajayinöma ökwö kwa'do̧ Loida mikwujuma, isabenö Dios yöawi̧ ösöduju jö̧jinobe, ja̧danö kwojo'do Eunicebi isabenö Dios yöawi̧ ösöduju jö̧jinobe. Ja̧danö chedemi ökwöbi jobadö tjösödi̧danö isabenö ösödo̧ja Timoteo.

1 Timoteo 1:2

Ja̧danö, böja kwialusöja chiwȩyuda ökwönö Timoteo. Ökwöma ötjöda chitji̧danöbo̧ja bakobe Jesúsnö ösödö dö̧jobetjö̧. Dabe'do Diosnöbi, Duluwo̧ Cristo Jesúsnöbi ateba, mikwa jwiinö otiwa jawa iyö ökwönö pjatjatobö, ja̧danö lȩlö̧jinö edö ökwönö pjatjatobö, ja̧danö kwo̧'wo̧ luwo̧nö wene jwiinö kwö̧jobö pjatjatobö.

1 Tesalonicenses 3:2

Timoteonö wedijatö ökwödönö edö i̧'yobö. Jo̧ba Timoteoma do̧'wo̧ luwo̧nö döjawo̧, ja̧danö Dioskwö otidö Cristo jawa otiwa jawa wene yöbawö jo̧ jo̧bama. Jo̧banö wedijatö kwo̧'wo̧ luwo̧duwi kwujuluwachibaduwanö tupakwö pjaatobö, ja̧danö Jesúsnö ösödö kwö̧jaduwi̧ pjaatobö,

1 Corintios 4:17

Ja̧danö, jejenö ötjö ja̧bö chö̧ji̧danö ja̧bö kwö̧jaduwo jö̧ba̧lö, chitji̧danöbo̧ chösödökwe Timoteonö wetajabe ökwödönö pjaatobö chömöledö. Jau chömöledö, bakobe Jesúsnö ösödö dö̧jobetjö̧, ötjöda chitji̧danö ichejekwobe Timoteoma, ja̧danö jo̧bama jwaikwöda Duluwo̧ wei̧ ja̧bö jo̧. Jo̧bama ökwödönö pjaatakobe, Cristonö ösödö chö̧ji̧ kwomukwatibaduwobö. Jau chömöledö, okobe deinö ko̧ko̧kwö tjö̧bajitenia Cristonö ösödadönö yötawenama, bakweminö Cristonö ösödö ja̧kwawa yötawobe. Ja̧ chöba̧ja̧di̧ jawa kwomukwatibaduwobö pjaatakwo̧ Timoteoma.

Hechos 18:5

Ja̧danö, ju'wi möle Silás, Timoteo Macedoniatjö labebö Pablo ö̧jobekwö 'yi̧jadötö, Corintobe. Tjichibaja̧ ikena jemi tupakwöbi Pabloma ba̧kwȩlö̧jatebö yöbawöda yöbawiabijetö. Yöbawiabijetö, Jesúsda Dios weinökwema, jö̧ba̧lö. Dö̧jibinö pjabato̧ma Jesúsda, jö̧ba̧lö, yöbawiabijetö Pabloma judío jojodönöma.

Hechos 17:14

Jejenö yötjawiawö̧ jobe ju̧kwadöma, Jesúsnö ösödadöma Pablonö lȩlö̧jino edö öbibö 'yi̧jadötö tjolabe, jelobe webö lotjobö. Jo̧kwaijayonö Silas, Timoteo, jobadöda ju̧kwibijadötö Bereanö.

2 Tesalonicenses 1:1

Ötjö Pablo mikwo̧sa, ja̧danö Timoteokwö Silvanokwö böja kwialusöja chiwȩyuda ökwödö Tesalónica comunidadnö ju̧kwadötjö Dabe'do Diosbi, Duluwo̧ Jesucristobi tjömöledönö.

Colosenses 1:1

Ötjöma Pablo mikwo̧sa, ja̧danö Diosma iteda ösödi̧danö ötjönö 'da̧batö ujuninobe, Cristo Jesús webawo̧ batibanö. Döjawo̧ Timoteokwö, böja kwialusöja chiwȩyudaduwakwö,

Filipenses 2:19

Chömöledö, Duluwo̧ Jesús ösöditjö̧ma, ja'yubeda lekwajabetjö Timoteonö wetobö chösöda, ökwödö kwiteboduwibe pjabatö i̧'yobö. Jejenö chomukwatobe, kwiteboduwibetjö ȩwa̧jenama, ökwödönö a̧ja̧kwö cho̧'wo̧ ösöwachibanö chö̧jakobetjö̧.

Romanos 16:21

Ju'wedöbi ökwödönö dokwa atjebobe. Timoteoma ötjökwö otidobe, ja̧danö jo̧ba Timoteoma ökwödö Roma jojodönö dokwa aebobe, ja̧danö chömöledö judío jojodö Luciobi, Jasónbi, Sosípaterbi ökwödö Roma jojodönö dokwa atjebobe.

Hechos 14:6

Jejenö tjomukwatijayonö Pabloma, Bernabéma, ju'wedö ja̧ tjomukwati̧ yötjawiawö̧ jelobe döbibajijadötö, Licaonia nijibe. Jobe comunidades, Listra mikwenabi, Derbe mikwenabi, jobe ö'öböbi yöbawiabö kwebachijadötö,

Hebreos 13:23

Ju'wibi kwöwaisaduwobö chösöda, döjawo̧ Timoteonöma. Jo̧banöma latjebinobe ka̧lena ba̧kwaweju okwatjö. Ja̧danö, chö̧jobekwö juluwanö ichitjö̧ma jo̧bakwö chi̧'yena ökwödönö edö.

1 Timoteo 1:18

Jau chitji̧ Timoteo, Dios yöawi̧ yöbawadöma ökwönö yötjawinobe, ja̧bö kwö̧jakwa̧, ¿jö̧tö? Ja̧danö, jobadö yötjawinadanö ja̧bö kwö̧jobö weta. Ja̧danö, ökwönö yötjawina omukwatö, yötjawinadanö Dios wei̧ ja̧bö kwö̧jo. Ja̧danö, guardia jojo tjöbeba̧lö ö̧ji̧danö, tjöbeba̧lönö otiwa jawa wene a̧'dȩlanö te'ada̧lö kwö̧jo, sulabenö yöbawadö otiwa jawa wene balewö lobö, isa̧ökö weneda yötjawapji jö̧ba̧lö.

1 Tesalonicenses 1:1

Ötjö Pablo mikwo̧sa, ja̧danö Timoteokwö Silvanokwö böja kwialusöja chiwȩyuda ökwödö Tesalónica comunidadnö ju̧kwadötjö Dabe'do Diosbi, Duluwo̧ Jesucristobi tjömöledönö. Dios ökwödönö lȩlö̧jinö edobö dösöda, kwo̧'wo̧ luwo̧duwi ösöwachibanö kwö̧jaduwobö.

Filipenses 1:1

Ötjö Pablobi, Timoteobi Cristo Jesús ömöayedösa, ja̧danö Timoteokwö ja̧nö böja kwialusöja wetaduwakwö, okobe deinö ökwödö Filipos comunidadtjö Dios ömöledö Cristo Jesúskwö dötewadönö, ja̧danö ökwödötjö Jesúsnö ösödadönö te'ada̧lakwawa luwedönöbi, pjaatakwawa luwedönöbi.

Hechos 19:22

Jejenö jö̧ba̧lö i̧'yakwa̧ abönö webijetö ömöledönö, du̧ju̧tajanö, Macedoniabe tji̧'yobö, Timoteonöbi, Eratonöbi. Tji̧'yonö Pabloma ji̧bijetö Asia nijinö, ja'yube lekwe.

2 Timoteo 3:11

Ja̧danö, ötjönö sulabenö ja̧tji̧ kwedajabe, ja̧danö usula chemawi̧ kwedajabe, ¿jö̧tö? Jau Timoteo, Antioquíatjöbi, Iconiotjöbi, Listratjöbi ötjönö sulabenö ja̧tjina kwedijatö, isabenö usula chemawinö jwiinö sulabenö ja̧tjinobe ötjönö, ¿jö̧tö? Ja̧danö, ju'wibi kwedijatö Timoteo, okobe jwiinö ja̧tjö chö̧jibinö pjaatinobe Duluwo̧ma, ¿jö̧tö?

1 Tesalonicenses 3:6

Ja̧danö, Timoteoma ida̧ökö edö ȩwa̧jabe, ja̧danö otiwa wene yöawajabe ökwödönö, Tesalónicanö ju̧kwadöma Jesúsnö ösödö tjö̧jobetö jö̧ba̧lö, ja̧danö tjömöledönö ösödabikwawö tjö̧jobetö jö̧ba̧lö. Ja̧danö, ökwödönö yöawajabe, kabatökönö ökwödönö otiwanö kwomukwataduwi̧ma. Ja̧danö, ökwödönö dedobö nöinö dösödi̧danö, bakweminö ökwödönö kwedaduwobö kwösödaduwi̧ wene yöawajabe.

2 Corintios 1:19

Jau chömöledö, Jesús webawo̧ chö̧jobetjö̧, jo̧ba jweinö jö̧a̧li̧danö yöta̧lobö jo̧be. Baikwö yötawa: Jesús jawa wene ökwödönö yödawina wenema dötölatajanö laebokobe, ¿jö̧tö? Jau chömöledö, ötjöbi, Silasbi, Timoteobi Dios itji̧ Jesucristonö yödawijatö ökwödönö, ¿jö̧tö? Jo̧bama jweinö jö̧a̧li̧danö ja̧bo̧, dötölatajanöma yöba̧lö̧kö̧, ¿jö̧tö?

2 Corintios 1:1

Dokwa chömöledö. Ötjöma Pablosa, ja̧danö iteda ösödi̧danö Diosda 'da̧batö ujuninökwesa, Cristo Jesús webawo̧ batibanö. Chömöledö, döjawo̧ Timoteokwö ja̧nö, böja kwialusöja wȩyudö weta ökwödö Dios ömöledönö, Acaya nijitjö Corintio comunidadnö ko̧ko̧kwö ba̧jadönöbi, ju'wedö Acaya nijinö ju̧kwadönöbi.

1 Corintios 7:14

Jo̧kwaijayonö, bakwo̧ Jesúsnö öpöjödo̧ma ilekwo Jesúsnö ösödujukwö ja̧kwawa öpöjöditjö̧ma, ja̧danö bakwuju Jesúsnö öpöjödujuma jilekwe Jesúsnö ösödo̧kwö ja̧kwawa jöpöjöditjö̧ma, jo̧kwada, ölakwabikwawö tjö̧japji jö̧ba̧lö 'da̧bachibö tji̧'yena. Jau chömöledö, ölakwabikwawa jwiinö dö̧jobö jwöinobe Diosma. Ja̧danö, Jesúsnö öpöjödadö tji̧lȩkwa̧mu Jesúsnö ösödadökwö tjö̧jobö tjöpöjöditjö̧ma, 'da̧bachibö tji̧'yena. Jo̧kwaijayonö tji̧lȩkwa̧mukwö tjö̧jobö tjösöditjö̧ma, otiwa, jobadönö katjatiboko Jesúsnö ösödadöma. Ja̧danö, bakwuju Jesúsnö ösöduju jilekwema Dios ömöledöso̧danö ichejekwo̧, ja̧danö bakwo̧ Jesúsnö ösödo̧ ilekwoma, Dios ömöledösujudanö ichejekwuju. Jau chömöledö, jejenö jo̧be, jobadö tji̧tji̧mu Diosnö öpöjödadö tji̧tji̧mudanö tjichejekwapji jö̧ba̧lö. Ja̧danö, Dios ömöledödanö tjichejekwobetjö̧, tji̧tji̧munöbi edö ösödo̧ Diosma, chömöledödanöbedö jö̧ba̧lö.

Hechos 14:21

Ja̧danö, Derbenö ja̧nö yöbawiabijadötö otiwa jawa wenema. Yötjawiawö̧ jobe ju̧kwadöma ba̧jekwadö, Jesúsma dö̧jibinö pjabato̧, jö̧ba̧lö, ösödö do̧batö emijadötö Jesúsnöma. Ikenama Pablo, Bernabé yemidanö tjebachajijetö Listranö, ikenama Iconionö, ikena Antioquíanö, Pisidia nijinö Antioquíanö.

Hechos 14:1

Ikenama Pablo, Bernabé Iconionö ichibajadöma judío jojodö yötjawejunö tebachijadötö. Tebachajadö Dios iwene jweinö yöbawijadötö. Jweinö yötjawiawö̧ jojodöma tjo̧'wo̧ luwo̧nö tjösödinö a̧ja̧kwö, Jesúsma dö̧jibinö pjabato̧, jö̧ba̧lö, ösödö do̧batö emijadötö Jesúsnöma. Ba̧jekwadö, judío jojodöbi judío jojodöböködöbi Pablo, Bernabé yötjawi̧ a̧ja̧kwö Jesúsnö ösödö do̧batö emijadötö, Jesúsma dö̧jibinö pjabato̧, jö̧ba̧lö.

1 Corintios 16:10

Chömöledö, Timoteoma kwiteboduwibe ichibena, ja̧danö jobe ichibitjö̧ma, dösölö̧jinö kwösödaduwonö, yebabökönö ökwödökwö ö̧jo jö̧ba̧lö. Jau chömöledö, ötjö otidö chö̧ji̧danö, jo̧babi Duluwo̧ wei̧ otidö ö̧jobetjö̧, dösölö̧jinö kwösödaduwonö.

Filemón 1:1

Ötjö böja kwialusöja webo̧ma Pablosa, Cristo Jesús wei̧ ja̧bö chö̧jobetjö̧ ka̧lena bo̧sa. Döjawo̧ Timoteokwö ja̧nö böja kwialusöja wȩyudö wetaduwakwö dösödökwe ökwödökwö bakobe otido̧ Filemón mikwo̧nöbi,