Hechos 13:44 - Dios Iwene

⁴⁴ Ikenama, ju'wi semana judío jojodö tjotidökö möle baibena jojodö ba̧jekwadö, jobe ju̧kwadötjö obukwedöda tjö̧jibinö 'yi̧jadötö judío jojodö yötjawejube, Pablo Dios iwene yöawi̧ tja̧ja̧kwobö.

Hechos 13:44 Referans Kwoze

Isaías 60:8

Ju'wi baledakwa̧bi baikwö yötawa: Jwaibalawa lo̧bekwö edö, ojwiyo'wo pjolachö kweachi̧danö kwedaduwakwedöja, yunukudö ewa̧jö kötjobedanö ichejewi̧ma.

Isaías 11:10

Ja̧danö, ja̧ möle bandera ötjabi̧ jawa öwawi̧danö, Isai itji̧ tupadanö jojo la'aka luwo̧ma öwawinö öjamatakwo̧, okobe deinö bö̧jȩnö ju̧kwadöma joba ö̧jobekwö ko̧ko̧kwö tji̧'yakobetjö̧. Ja̧danö, öba a'o ichibajadö, tjitebotenia jojodöma jo̧banö abebö tja̧ja̧kwakwedö, otiwanö ja̧bö tjö̧jakwa̧ tjöwaisakobetjö̧. Ja̧ mö̧le, isabenö okobe deinö jojodöma jo̧ba itebo comunidad ösödö otiwanö tjomukwatakwedö, —Duluwo̧ itebo comunidadma dejatinö salöi̧ comunidad, —jö̧ba̧lö.

Génesis 49:10

Ina yöbawijetö: —Isabenö yötawa, Judá: Ökwötjö tupadanö jojodöma ba̧kwȩlöjatebö la'aka luwedö webö tjuju̧kwakwedö. Jejenö webö tjö̧bakobe bakwo̧, inesö la'aka luwo̧ ichenanö kabatö. Jo̧ba inesö la'aka luwo̧ma okobe deinö jojodö tjuluwo̧ ö̧jakwo̧— yöbawijetö Jacobma itji̧ Judánöma.

Mateo 8:34

Jejenö yötawawö̧, okobe deinö comunidadnö ju̧kwadöma labebö, Jesús ö̧jobekwö tjichinobe, ja̧danö jo̧banö atjebinobe, tjitebotjö laebajobö.

Hechos 13:14

Ikenama Pabloma, kwebachadökwö Pergetjö labebö Antioquía comunidadbe 'yi̧jetö, Pisidia niji Anitioquía comunidadma. Jobe Antioquíama ajayinö ö̧jinobemaökö, jelobe, ja̧danö, Antioquía mikwobe. Jobe ichibö Antioquíanö ji̧jadötö. Ikenama, judío jojodö tjotidökö möle baibena, yötjawejube 'yi̧jadötö. Jobe ichibö yötjaweju okwa tebachö bamatijadötö.