Hechos 13:34 - Dios Iwene

³⁴ Chömöledö, Diosma Jesúsnö yemidanö tjeachajinö ja̧bijetö yemidanö ö'wöchökönö. I̧lȩdo̧ okwa tjödajökwenöma, a̧tjȩo 'dolobökönö tjeachajinö ja̧bijetö Diosma. Ja̧ baledakwa̧ma Diosma ajayinö yöbawijetö iwenenö. Baikwö laebobe Dios iwenetjö: Davidnö yöbawö chujunina wenema, isabenö jo̧banöbi, jo̧batjö tupadanö jojodönöbi otiwanö pjatatakwo̧, jö̧ta̧li̧ wenema, jö̧ta̧li̧danö otiwanö pjatatakobe ökwödönöma, jö̧ba̧lö laebobe Dios iwenetjö, Dios Davidminetjö tupadanö jojodönöbi pjatatakobe, jö̧ba̧lö, jö̧a̧linama— yöbawijetö Pabloma—

Hechos 13:34 Referans Kwoze

Isaías 55:3

Teada̧lönö a̧ja̧kwalö, chöjobekwö kwichaduwo chömöledö. Otiwanö kwa̧ja̧kwaduwo, tupakwö 'yaka̧laduwakobetjö̧. Jau, ötjönö kwa̧ja̧kwaduwitjö̧ma, ökwödökwö bakobe dösölö̧jinö dö̧jakwa̧ jawa yöbawö chujunocha, 'dö̧ibajökö ji̧ yöbawö junawama. Jau, damötjö Davidnö yöbawö chujunijatö, jwaikwöda 'dö̧bibajökönö jo̧banö ösödö chö̧jakwa̧ma, ja̧danö ökwödönöbi Davidnö yöbawö chujuninadanö yöbawö chujunena.

Romanos 6:9

Chömöledö, döwaisa, Diosma Cristonö tjeachajinö ja̧inobe woawatjöma, ja̧danö, jemi tupakwö, yemidanö woökena Jesúsma. Babema woawama juluwokobe yelösöda jo̧banöma.

Hechos 13:37

Dios weakwo̧nö, Jesúsnö yemidanö tjeachajinö ja̧akwa̧da yöbawö wȩyudijetö Davidminema, Jesúsda 'doloböma wobökö, jö̧ba̧lö.

2 Samuel 23:5

Jobekwö yöawajabe Diosma, la'aka luwo̧ otiwo̧nö, ja̧danö, jejenö jo̧be, Dios öba a'otjö israel jojodönö yöbawö chö̧ji̧ma. Jo̧kwajabetjö̧, otiwanö israel jojodönö yöbawö chö̧jiökwe, Diosma isabenö ja̧akwa̧ wene yöbawö ujunajabe ötjönö, ba̧kwelöjatebö ja̧kwa̧ yöbawö junawama. Yöbawö ujuni̧ma, okobe jwiinö otiwanö labebö lobö yöawajabe, la'akatjöda balewö loawa jwii̧ wenema. Isabenö ötjönöbi chi̧tji̧mu tupadanö jojodönöbi pjaatakwa̧ wene yöbawö ujunajabe, ja̧danö ja̧ badekwachobö inesö chösödi̧ badekwachinö isabenö ja̧akwo̧ Diosma, la'akatjöda ökwödönö pjabatöma kaatakwawökakobe.

Hechos 2:24

Jo̧kwaijayonö Diosma Jesús yemidanö tjeachajinö ja̧bijetö, ö'wöchaja̧tjö ö̧jibinö ja̧bö. Diosma jejenö i̧sebijetö, Woawama yelösöda jwia Jesúsnöma, jö̧ba̧lö. Bakwo̧bi Jesús yemidanö tjeachajökönö ja̧bo̧ma deobe— yöbawijetö Pedroma—.

Hechos 13:30

Jejenö baledijayonö Diosma Jesúsnöma yemidanö tjeachajinö ja̧bijetö.