Hechos 13:31 - Dios Iwene

³¹ Yemidanö tjeachaja̧ ikenama jo̧bakwö ajayinö Galileatjö labebö Jerusalénbe kwebachiabinadönö öwawachijetö. Ju'wi mölebi, ju'wi mölebi lekwe möle öwawachijetö Jesúsma. Öwawachinawö̧ma babema jojodönö jweinö yöbawadö, Jesús tjö̧jibinö pjaatina wenema— yöbawijetö Pabloma.

Hechos 13:31 Referans Kwoze

Hechos 1:3

Ja̧danö, Jesúsma, usula emawö wobajo̧ yemidanö tjebachajo̧ma öwawachibijetö iteda öba̧ja̧di̧ waisachadönö, iteda yöawi̧ yötjawobö weawö̧nöma. Tjöwaisachibobö, ¡Edaduwi, Duluwo̧ yemidanö tjeachajinobe, ina 'yaba̧lo̧!, jö̧ba̧lö öwawachibijetö jobadönöma. Yemidanö tjeachajina tupakwöbi, cuarenta möle jenanö Jesúsma öwawacha̧liabijetö jobadönöma. Öwawachajawö̧nö Jesúsma Dios jawa yöbawijetö, Dios La'aka Luwo̧ ö̧jena wenema.

Lucas 24:48

Jejenö laebobe tjiwȩyudinama chömöledö, ja̧danö tjiwȩyudinadanö ökwödöma chöbaledina edajadö yökawaduwakwedöja.

Hechos 1:11

Jobadöma jö̧ba̧lijadötö: —Ökwödö Galilea jojodö ¿Tajawedö mölejȩbema eda̧lö kwuju̧kwaduwa? Jo̧ba Jesús tjo̧wi̧ mölejȩbe kaekwajabe. Ja̧danö, ökwödö kwuju̧kwaduwelö ȩwa̧jo̧ma yemidanö jejenö ichakwo̧—jö̧ba̧lijadötö jobadöma Jesús öba̧ja̧di̧ waisachadönöma.

Hechos 1:8

Jo̧kwaijayonö biya̧da, kwöwaisaduwobö yötawa. Ökwödöma Dios ujulu kwujuna̧laduwakobe, Dios O̧'wo̧ Luwo̧ ökwödö kwo̧'wo̧ luwo̧duwinö tebachibö öjamataja̧ ikena. Ja̧danö, ötjö yötawina wenema otiwanö yökawaduwakwedöja. Bemi Jerusalénnöbi, ju'wi okobe jwiinö Judea nijinöbi, Samaria nijinöbi yökawaduwakwedöja. Jelobe jelobebi böjȩ bakwameachibanö yökawaduwakwedöja— jö̧ba̧lijetö Jesúsma öba̧ja̧di̧ waisachadönöma.

Mateo 28:16

Jesús öba̧ja̧di̧ waisachadö a̧li̧nösamutjö bakwo̧bedöma Galilea nijibe tji̧'yinobe, ja̧danö 'ya̧jadö, Jesús yöawina'o mö'ösa'obe tji̧'yinobe.

Hechos 10:41

Öwawachinö ja̧ijayonö okobe deinö tjedobö ja̧bijökötö. Ökwödönöda, Jesús ö̧jina yödawobö Dios 'da̧batö ujuninawö̧nöda öwawachijatö Jesúsma. Jesús tjeachaja̧ ikenama du̧kwabi jo̧bakwö dukwijatö, ja̧danö, owöbi dowijatö jo̧bakwö.

Hechos 10:39

Ja̧danö, ökwödöma dedijatö Jesús otidobe, Jerusaléntjöbi, jelobe judíos tjuju̧kwobetjöbi. Ju'wibi yötawa: Jojodöma jo̧banöma ö'wöchinö ja̧bö towisa'onö bȩbö tjujunijatö.

Hechos 5:32

Ja̧danö, ökwödöma isabenö yödawa, ja̧ baledina jweinö yödawobe, dedinobetjö̧. Jelo̧bi Dios O̧'wo̧ Luwo̧bi, jweinö yöawobe Jesús ja̧inama. Jo̧bama, Dios weina ja̧badönö iyinökwema, jweinö yöawobe— jö̧ba̧lijadötö Jesús webawedöma.

Hechos 3:15

Ja̧danö, ökwödöma weköbaduwijatö ösötenö bȩbö tjujunobö Jesúsnö, ja̧kwawa iyo̧nöma, ö'wöchobö. Jo̧kwaijayonö chömöledö, Diosma ja̧bijetö yemidanö 'yaibajinö. Jo̧ba 'yabibajo̧nö dedinobetjö̧ jweinö yödawa.

Hechos 2:32

Ina yöbawijetö: —Dios yemidanö 'yaibajinö ja̧inökwema Jesúsda. Jweinö yödawa, ökwödöma jo̧banö yemidanö 'yabibajo̧nö dedinobetjö̧— yöbawijetö—.

Juan 15:27

Ja̧danö, ökwödöbi ötjönö yökawaduwakwedöja jojodönöma. Ötjökwö, ajayinö chotidina jamatö tupakwö kwö̧jaduwobetjö̧ ötjö jawa yökawaduwakwedöja.