Hechos 11:4 - Dios Iwene

⁴ Jejenö abebö tja̧ja̧kwiökwe, Pedroma yöbawijetö okobe jwiinö, ajayinö baledinatjö jemi tupakwö baledinama. Ja̧danö, yöbawijetö Pedroma, Dios jo̧banö öba̧ja̧dinama, tjöwaisachibobö judío jojodöböködönö baledinama.

Hechos 11:4 Referans Kwoze

Lucas 1:3

ja̧danö ötjöbi jejenö chiwȩyudobe ökwönö. Okobe jwiinö ja̧ Jesús ö̧jina wene jawa chöwaisachajabe, ajayitjö baikwö bajalenö, ja̧danö jweinö ajayitjö baikwö bajalenö ja̧ baledina wene chiwȩyudobö chomukwatobe ökwö Teófilo mikwo̧nö.

Hechos 14:27

Ida̧ökö kabatakwawajadöma ȩwa̧jijadötö. Jobe ȩwa̧jadöma jwöbijadötö okobe deinö Jesúsnö ösödadönöma tjuju̧kwobekwö ichö tjoko̧ko̧kwachobö. Ichö ko̧ko̧kwajadönöma yöbawijadötö okobe jwiinö Dios pjaatina, Jesúsnö yötjawonö pjaatina jobadönöma. Baikwö wanedö yöbawijadötö: —Chömöledö, Diosma apjude po̧ebinobe judío jojodöböködöbi Jesúsnö ösödadöma jweinö tjichibobö Diosnö— wanedö yöbawijadötö.

Proverbios 15:1

Salomón ju'wi jwebebö yöawakwawa jawanö wanekwachi̧ jawama baikwö laebobe: Wanedö yötawa: Bakwo̧ma sulabenö jwöeba̧lobe jelo̧nö. Ja̧danö, jwöeba̧lajökwema ¿di̧yatjö̧ atadakwawojobö jo̧beda, ¿labinö atadobökö̧, tjo̧'omanö ösödö atadobökö̧? Isabenö yötawa: Labo̧nö tjo̧'o̧manö ösödö ataditjö̧ma ölabiatjöma tjo̧'o̧manö söawena. Jobekwö baledökena labinö ataditjö̧ma. Jwöeba̧lökwema labinö ataditjö̧ma labo̧ma ölabikobe, ajayinö ölabiatjö̧ bajalekwönönö. Isabenö, labinö jwöbeba̧lo̧nö tjo̧'o̧manö ösödö tjatadobö jo̧be.

Marcos 4:34

Jobadö ba̧jekwadö ökömanö ichajadönö wanedö yöawakwawada yöbawiabijetö Jesúsma, yöbawöda, labebö lobökönö. Jo̧kwaijayonö iteda öba̧ja̧di̧ waisachadönöma, itekwödada babibö okobe jwiinö labebö lobö yöbawiabijetö.