Hechos 11:3 - Dios Iwene

³ — Pedro ¿Tajawedö sulabenö tebachö jobadökwö kwukwinada? ¿Tajawedö judío jojobö̧kö̧ eju okwa tebachö jobadökwö kwukwinada, Pedro?— öpöjödö abebö a̧ja̧kwijadötö.

Hechos 11:3 Referans Kwoze

Hechos 10:28

Tebachajo̧ Pedroma jobadönö yöbawijetö: —Ökwödöma kwöwaisaduwa ökwödö judío jojodöma judío jojodöböködökwöma tebachöbi dö̧jokobe. Ökwödö duju̧kwobö weawa weokobe ökwödönöma judío jojodöböködökwö dö̧joböma. Jo̧kwaijayonö Diosma ja̧ chomukwati̧ omukwatökönö chöbalewachinö ja̧inobe. Bakwo̧nöbi, Sulabo̧, dö̧jobö lȩebökwe, jö̧ba̧lö, chomukwatokobö ja̧inobe Diosma.

Gálatas 2:12

Baikwö Pedro ja̧ina wene yötawa chömöledö. Ajayinöma, Pedroma Antioquíanö ja̧nö, Jesúsnö ösödadötjö judío jojodöböködökwö ba̧nö ukwinobe, bidöbi Dios ömöledö jö̧ba̧lö. Jemi ikenama, ju'wedö, judío jojodötjö Jacobo weinawö̧ma Antioquíabe tjichibinobe. Jobadö tjichibenama, Pedroma, Aaa, judío jojodöböködökwö ba̧nö chukwobe edö tjölabena jö̧ba̧lö, judío jojodöböködökwö kwakwawama kaatibinobe, judío jojodönö yeabobetjö̧.

Lucas 15:2

Jejenö a'dewö loiököwö̧, fariseo jojodöbi Moisés iwȩyudina ba̧ja̧dadöbi tjo̧'wo̧ sulinö yötja̧lakwawinobe Jesúsnö: —Bite Jesúsma sulabedö tjichobö ösödo̧, ja̧danö ju'wibi jobadökwö sulabenö kwo̧— jö̧ba̧lö, Jesúsnö öpöjödö yötja̧lakwawinobe.

2 Juan 1:10

Ja̧danö chö̧ja̧wo̧dö, lȩtebaduwakwö. Cristo yöawina öpöjödadö, jelobekwö yöbawö ichadönö tekataduwoko kwejuduwi okwa. Ja̧danö, ja'yubebi ösödö yöka̧laduwoko jobadönöma.

1 Corintios 5:11

Jo̧kwaijayonö, ja̧ chiwȩyudinama, baikwö jö̧ba̧lö chiwȩyudijatö: Jesúsnö ösödadösa jö̧ba̧ladötjö jejenö sulabenö ja̧badötjö 'da̧bachibö kwö̧jaduwo. Jau chömöledö, Jesúsnö ösödadösa jö̧ba̧ladötjö ilekwobökujukwö ja̧bö jo̧tjöbi, ja̧danö Jesúsnö ösödadösa jö̧ba̧ladötjö iteda nöinö emotö jö̧ba̧lö isakwo̧tjöbi, ja̧danö Jesúsnö ösödadösa jö̧ba̧ladötjö o̧'wo̧ jawa ösödö jo̧tjöbi, ja̧danö Jesúsnö ösödadösa jö̧ba̧ladötjö ju'wedönö sulabenö yöba̧lö jo̧tjöbi, ja̧danö Jesúsnö ösödadösa jö̧ba̧ladötjö 'dukwachinö owa̧lö jo̧tjöbi, ja̧danö Jesúsnö ösödadösa jö̧ba̧ladötjö naukwabinö jo̧tjöbi 'da̧bachibö kwö̧jaduwo jö̧ba̧lö chiwȩyudijatö. Jau chömöledö, Jesúsnö ösödadösa jö̧ba̧ladötjö ju'wedö jejenö sulabenö ja̧bö tjö̧jitjö̧ma, jobadötjö 'da̧bachibö kwö̧jaduwo, kwanöbi jobadökwö ba̧nö kwökönö.

Hechos 10:48

Ikenama webijetö jobadönö ojwenö tjubu̧datobö, Jesucristonö tjösödi̧ tji̧sebobö. Ikenama ojwenö bu̧datijadötö, Pedro weaja̧danö. Ikenama, jobe ju̧kwadöma ösödö abebijadötö Pedronöma: —Juluwanöma ȩwa̧jökönuwi, ökwödökwö ja̧wi ja'yubeda lekwe, jö̧ba̧lö— abebijadötö.

Hechos 10:23

Jejenö yötjawiökwe Pedroma jobadönö tebatijetö eju okwa, jejunö tjabobö ja̧ yö̧tema. Ja̧danö, ju'wi dewachö Pedroma wilubö 'yi̧jetö jobadökwö. Ju'wedöbi ichijadötö Jopenö ju̧kwadö, Jesúsnö ösödadöma.

Mateo 9:11

Jejenö tjichiawö̧, fariseo ötjabiwö̧ jojodöma Jesús öba̧ja̧di̧ waisachadönö abebö tja̧ja̧kwinobe: —Kwuluwo̧duwima, ¿tajawedö idö sulabedö luwo̧ itea balada emajibadökwöbi, ju'wedö sulabenö ja̧badökwöbi ukwobeda? Jejenö sula— jö̧ba̧lö abebö tja̧ja̧kwinobe.

Juan 18:28

Ja̧danö, ju'wi dewachö judío jojodö la'aka luwedöma Jesúsnö öbibö tji̧'yinobe Caifás ejubetjö Roma la'aka luwo̧ Pilato ö̧jobekwö. 'Ya̧jadöma jobe ichibö judío jojodötjobetjö̧ Pilato, judío jojobö̧kö̧ eju okwa tetjachinokobe, sulabedö batjibapji jö̧ba̧lö. Judío jojodö pjiesta tjujuni̧ möle baibena tjukwakobetjö̧ tetjachinokobe, Dios öba a'otjö sulabedö batjibapji, jö̧ba̧lö.

Hechos 10:32

Babema kwömöayedönö webi Jopebe tji̧'yo, bakwo̧ Simón mikwo̧nö, ju'wi imi Pedro mikwo̧nö öbibö tji̧'yo baikwö icho. Jo̧bama jelo̧ Simón mikwo̧kwö, chi̧wo̧dö tji̧sȩdi̧ju jawa otido̧kwö ö̧jobe, nöödö ojwe ö'öbösejunö. Jejenö weijatö Diosma ötjönöma.