Hechos 10:5 - Dios Iwene

⁵ Babema kwömöayedönö webi Jopebe tji̧'yo, bakwo̧ Simón mikwo̧nö öbibö tjichejebo, baikwö icho. Jo̧bama ju'wi imi Pedro mikwo̧.

Hechos 10:5 Referans Kwoze

Hechos 16:9

Jobe ichibajadö tjichibaja̧ yö̧te, Pabloma abemi i̧'wi̧dinö edijetö bakwo̧nö, Macedonianö jo̧nö. Jo̧ba Macedonianö jo̧ma o̧'wo̧ tjo̧bekwö aebobema a̧ja̧kwijetö: —Macedonia pebibö ichö pjabatidönö— aebobe a̧ja̧kwö 'wi̧di̧kwijetö Pabloma.

Hechos 15:7

Lekwe yötja̧lakwawaja̧ ikenama Pedroma jamatö jö̧ba̧lijetö: —Chömöledö, ökwödöma kwöwaisaduwa ötjönö baledinama. Ajayinöma, Jesús weina dotidobö yöba̧lakwawö doko̧ko̧kwena Diosma ötjönö 'da̧batö ujuninobe judío jojodöböködönö yötawobö otiwa jawa wenema, jobadöbi a̧ja̧kwö Jesúsnö tjösödobö.

Hechos 10:32

Babema kwömöayedönö webi Jopebe tji̧'yo, bakwo̧ Simón mikwo̧nö, ju'wi imi Pedro mikwo̧nö öbibö tji̧'yo baikwö icho. Jo̧bama jelo̧ Simón mikwo̧kwö, chi̧wo̧dö tji̧sȩdi̧ju jawa otido̧kwö ö̧jobe, nöödö ojwe ö'öbösejunö. Jejenö weijatö Diosma ötjönöma.

Hechos 9:38

Jobema, Jope mikwobema, Lida comunidadtjö ödöokobe, Pedro ö̧jobema. Jo̧kwaobetjö̧ Jesúsnö ösödadöma, ju'wedö yötjawi̧, Pedro Jopenö ö̧jobe, jö̧ba̧lö, a̧ja̧kwö webijadötö du̧ju̧tajanö jobekwö tji̧'yobö. Webijadötö: —Pedronö yöbawajaduwi baikwö icho juluwanö—webijadötö.

Hechos 9:36

Jobetjö Lidanö jejenö baledonö jelobe, Jope mikwobe, jobe jujuma, Tabita mikwujuma ö'wöchaju ö'wö babibijotö. Ja̧danö, jobujuma Jesúsnö ösöduju. Jobujuma, griego tjiwenenö Dorcas mikwuju. Jobujuma ina 'yajayi otiwanö pjabatö ji̧abijotö. Kabatökönö pjabatiabijotö usula jojodönö. Ja̧danö ö'wö baibajajunö ju'wedöma dichijadötö jobujunöma, wobajadönö dichajitjadanö. Dichajadöma mösȩko̧nö lödijadötö, Jojodö edö tjichakobe, jö̧ba̧lö.

Juan 1:42

Yöawaja̧ ikena öpöenö öbibö i̧'yinobe Jesús ö̧jobekwö. Ja̧danö, Jesúsma, jo̧banö edö jö̧a̧linobe: —Ökwöma Simón mikwo̧ja, Juan itji̧— jö̧a̧linobe—. Babema chimidakwö Cefas, jö̧ba̧lö— midö yöawinobe Jesúsma Simónnöma. Cefas, jö̧ba̧löma, inawa, jö̧ba̧lö, griego jojodö tjiwenenö.

Marcos 3:16

Jobadö ujuninawö̧ma bidö: Bakwo̧ma Simón. Simónnöma ju'wi imima Pedro, jö̧ba̧lö, midijetö Jesúsma.

Hechos 9:42

Ja̧danö, ja̧ baledi̧ma okobe deinö Jopenö ju̧kwadöma a̧ja̧kwijadötö. Jejenö a̧ja̧kwö ba̧jekwadö Duluwo̧ Jesúsnö ösödijadötö, Jesúsma dö̧jibinö pjabato̧, jö̧ba̧lö.

Hechos 9:43

Ikenama Pedroma ji̧bijetö lekwe möle Jopenö, jelo̧ ejunö, Simón mikwo̧ ejunö. Jo̧ba Simónma chi̧wo̧dö o̧bȩja̧dö tji̧sȩdi̧ju jawa otidiabijetö.

Hechos 10:18

Ja̧danö, ichibajadö abebö a̧ja̧kwijadötö, Simón, ju'wi imi Pedro mikwo̧, jejunö ö̧jojobö.