Hechos 10:46 - Dios Iwene

⁴⁶ Jobadöma Cornelionöbi, Cornelio ömöledönöbi, Diosnö tjösödobe ju'wedö tjiwenenö, jobadö wajwitji̧ tjiwenenö tja̧ja̧kwajobetjö̧ jejenö omukwatijadötö, Dios O̧'wo̧ Luwo̧ma tebachibö öjamatajabe jobadönöma, jö̧ba̧lö. Ikenama Pedroma jö̧ba̧lijetö:

Hechos 10:46 Referans Kwoze

Hechos 19:6

Ikenama Pabloma, ojwenö ubu̧datajawö̧nö, ömamu 'bibeba̧lö Diosnö aebena Dios O̧'wo̧ Luwo̧ma tebachibö jamatijetö jobadö tjo̧'wo̧ luwo̧duwinö. Tebachibö öjamatajawö̧ma wainö ökwöinö yöba̧lijadötö. Ja̧danö, Dios iwenebi yöbawijadötö.

Hechos 2:4

Ikenama jobadönö okobe deinö Dios O̧'wo̧ Luwo̧ma tebachibö jamatijetö. Tebachibö öjamatajawö̧ma ju'wedö tjiwene wajwitjijayonö yöbawijadötö. Ja̧ yötjawi̧ma Dios O̧'wo̧ Luwo̧da pjabatijetö, ju'wedö tjiwenenö yötjawobö.

Marcos 16:17

Ja̧danö, ötjönö tjo̧'wo̧ wana̧ladöma, Diosma iteda ujulu tji̧sebobö pjaatakobe. Ja̧ ujulu tji̧sebi̧ma biya̧: Ötjö chiminö jojodö tjo̧'wo̧ luwo̧nö sulabedönö a'dewö lotjakwedö, ja̧danö, ju'wedö tjiwene wajwitjijayonö yötja̧lakwedö,

Hechos 2:11

Ökwödötjö ju'wedöma Creta nijitjö, ju'wedö Arabia nijitjö ichinadö. Jejenö, ökwödöma böjȩtjö okobe jwiinö ichinadöma ökwödö diwenekwena da̧ja̧kwa. Jobadö, Dios ujulunö yötjawobe da̧ja̧kwa diwenekwena —jö̧bekwa̧lijadötö.