Hechos 10:30 - Dios Iwene

³⁰ Jejenö jö̧a̧liökwe Cornelioma yöbawijetö: —Belö ö'wejemu möle baledibajabe, babedajayena, bejutjö Diosnö atebijatö. Jejenö atebonö omönanö jelo̧ öwawachijatö ötjö chöba a'o, kamijido̧ dewado̧ salöado̧ 'dubawo̧.

Hechos 10:30 Referans Kwoze

Hechos 10:3

Ju'wi möle, ja̧wo̧ wöatena, ángelma öwaitjöda öwawachijetö Cornelionö, i̧'wi̧di̧danö. Ja̧danö, ángelma Cornelio eju okwa tebachö jwöbijetö: —Cornelio—jwöbijetö.

Hechos 1:10

Ikenama ina, Jesús öba̧ja̧di̧ waisachadöma mölejȩkwö tjeda̧lonö ju'wedö ömadö du̧ju̧taja öwawachö jamatijadötö tjipjeanö, tjökamisi dewi̧ 'dubawadö.

Hechos 3:1

Ju'wi möle, Pedro, Juan, Dios ejube 'yi̧jadötö jojodö Diosnö abebö tebachajitjena.

Lucas 24:4

Ja̧danö, ¡tajijö! jö̧ba̧lö jobe tjö̧jonö, juluwanö ömadö du̧ju̧taja tjipjeanö tjöwawachibinobe, tjökamijido̧ salöinö dewado̧ 'dubawadöma.

Marcos 16:6

Yetjaibiökwe Dios weajökwe ángelma jö̧ba̧lijetö: —Yekabiduwa— jö̧ba̧lijetö—. Chöwaisa kwichaja̧duwama. Ökwödöma Jesús Nazaretso̧nö, towisa'onö bȩbö tjujuninökwenö edö kwichajaduwobe. Yötawaduwakwö: Jo̧bama benama deobe. Yemidanö tjeachajabe. Yemi edaduwi, jo̧banö ödinemi. Deobe. Yemidanö tjeachajabe— jö̧ba̧lijetö—.

Mateo 28:3

Jo̧ba ángel öbama böba idejati̧danö salöinö dejatinobe, ja̧danö ökamijido̧ma jwiinö dewinobe.

Daniel 10:12

Jejenö tjöbawö chö̧jiökwe, yöawinobe baikwö: —Daniel, yekabi, Diosma isabenö akebi̧ a̧ja̧kwobetjö̧. Jau Daniel, ökwöma Dios öba a'otjö, mikwawö̧kö̧sa̧ jö̧ba̧lö, kwedina jawa kwöwaisachibobö akebinobe Diosnö, ja̧danö ja̧ möletjö baikwö bajalenö, akebi̧ a̧ja̧kwo̧ Diosma, ja̧danö jejenö akebiökwe ökwönö yötawobö weajabe Diosma.

Hechos 10:22

Jejenö abebö a̧ja̧kwiawö̧ atadijadötö: —Duluwo̧ Cornelioma, ciennö guardia jojodö tjuluwo̧ma weatö ökwödönöma ökwönö öbibö di̧'yobö. Jo̧ba Duluwo̧ma otiwanö omukwatö jo̧. Diosnö otiwanö yebabinö omukwato̧. Okobe deinö judío jojodöma tjösödökwe Duluwo̧nöma. Dios weajökwe ángelma öwawachajo̧ webijetö Duluwo̧nöma ökwönö weobö, iteda ejube kwi̧'yobö, ökwö yökawi̧ a̧ja̧kwobö— yöbawijadötö.

Hechos 10:29

Jejenö chomukwati̧ chöbalewachinö ja̧inobetjö̧, öpöjödabökönö chichatö baima. Jo̧kwaobetjö̧, yöbawitjö, ¿Tajawedö chichobö kwa̧debinada?— jö̧ba̧lijetö

Hechos 10:31

Jo̧bama öwawachö jö̧a̧lijatö, baikwö: Cornelio, Diosma ökwö akebi̧ma a̧ja̧kwö omukwato̧, ja̧danö usula jojodönö pjakati̧bi edö omukwato̧.