Hechos 10:25 - Dios Iwene

²⁵ Ikenama Pedro, Cornelio ejunö teachakwo̧ ichenama Cornelioma u̧yu̧ju̧ko̧nö jamatö bȩko̧ko̧nö bȩbachibijetö, Pedronö ösödö.

Hechos 10:25 Referans Kwoze

Apocalipsis 19:10

Jejenö jö̧a̧litjö̧, jo̧ba ö̧jemi badeibö mebibö, chösödo jö̧ta̧lökwe: —Kwösöda ötjönöma, Diosnöda ösödi. Ötjöma ökwödanö, kwömöledödanö bakwainö Dios ömöayo̧sa, okobe deinö Jesús yöawina ösödadödanö. Ja̧danö, Jesús isabenö yöawina do̧batibö kwösödaduwobetjö̧ jo̧ba yöawina yökawaduwobe. ¡Diosnö dösödaduwo!—jö̧a̧lijatö ángelma.

Mateo 8:2

Ja̧danö, bakwo̧ i̧sȩdo̧ sulabo̧ma ichö, Jesús öba a'o bȩbachibö aebinobe: —Chuluwo̧, kwösöditjö̧ma, chi̧sȩdo̧ suli̧ waekwi̧ otiwanö baibobö pjakatena— jö̧ba̧lö.

Daniel 2:46

I̧'wi̧dikwina jawa yöawiökwe, Nabucodonosorma Daniel öba a'o öba nijakwö bamatö ösödinobe. Ja̧danö iteda ömöayedönö weinobe, iyawa juwö tjiyobö, ja̧danö omewi̧ jawa tjujuwobö, isabenö Danielma otiwanö yöawajabe jö̧ba̧lö.

Daniel 2:30

Ja̧danö, kwi̧'wi̧dikwina yötawijayonö, ötjönö omukwatökönuwi: Aaa, Danielma ju'wedö böjȩnö ju̧kwadötjö bajalekwönönö waiso̧obetjö̧ yöbawo̧ jö̧ba̧löma. Ju'wedötjö bajalekwönönö waiso̧bö̧kö̧sa, jo̧kwaijayonö Diosma ökwönö i̧sebobö jö̧a̧lobe, ja̧danö ökwö kwöwaiso jö̧ba̧lö, Diosma ötjönö iyajabe, omukwatö kwedina jawa kwöwaisakobetjö̧.

Mateo 14:33

ja̧danö jejenö balediawö̧, Jesús öba̧ja̧di̧ waisachadöma Jesúsnö ösödö yötja̧linobe: —Isabenö ökwöma Dios itji̧köba— jö̧ba̧lö yötja̧linobe.