Hechos 10:2 - Dios Iwene

² Ja̧danö, Cornelioma Diosnö ösödö ji̧abijetö. Jo̧babi jo̧ba ömöledöbi Diosnö otiwanö yebabinö omukwatö ji̧abijadötö. Jo̧bama judío jojodötjö tju̧kwa jwibadönö pjabatiabijetö. Ja̧danö, Cornelioma kabatökönö Diosnö abebö ji̧abijetö.

Hechos 10:2 Referans Kwoze

Hechos 10:4

Ja̧danö, Cornelioma jo̧banö edö jwiinö yebaibijetö. Atadijetö: —¿Tajida Chuluwo̧?— jejenö atadökwe ángelma jö̧ba̧lijetö: —Cornelio, Diosma ökwö akebi̧ma a̧ja̧kwö omukwato̧, ja̧danö usula jojodönö pjakati̧bi edö omukwato̧.

Hechos 10:22

Jejenö abebö a̧ja̧kwiawö̧ atadijadötö: —Duluwo̧ Cornelioma, ciennö guardia jojodö tjuluwo̧ma weatö ökwödönöma ökwönö öbibö di̧'yobö. Jo̧ba Duluwo̧ma otiwanö omukwatö jo̧. Diosnö otiwanö yebabinö omukwato̧. Okobe deinö judío jojodöma tjösödökwe Duluwo̧nöma. Dios weajökwe ángelma öwawachajo̧ webijetö Duluwo̧nöma ökwönö weobö, iteda ejube kwi̧'yobö, ökwö yökawi̧ a̧ja̧kwobö— yöbawijadötö.

Hechos 13:16

Jejenö jö̧a̧liawö̧ Pabloma a̧laibö, Jau yötawocha, jö̧ba̧lö, ömamu kabebijetö. Baikwö yöbawijetö: —Chömöledö israel jojodönöbi, ja̧danö, ju'wedönöbi, israel jojodöböködönö, Diosnö otiwanö yebabinö omukwatadönöma yötawa. Yötawi̧ma a̧ja̧kwaduwi.

Hechos 10:35

Bakwo̧, jelobe jo̧bi jelobe jo̧bi, Diosnö yebabinö omukwato̧nö Diosma otiwanö edobe—yöbawijetö—.

Hechos 10:7

Ikenama tjo̧wi̧ ángelma ȩwa̧jabe okobe Cornelioma ömöayedö du̧ju̧tajanö jwöbijetö tjichobö. Jelo̧, iteda ömöayedötjö guardia luwo̧nöbi, Diosnö ösödo̧nö ichobö jwöbijetö.

Apocalipsis 15:4

Duluwo̧ ¿tida ökwönö yebabö̧kö̧ma? Deobe. Sule ökwöda suli̧ jwibo̧köbobetjö̧ okobe deinö ökwönö omukwatö, Jwiinö otiwo̧, jö̧ba̧lö, jö̧tja̧lobe. Jelobebi jelobe ju̧kwadöma ichö tjösödakwedö ökwönöma, ökwö omukwatö weköbi̧ma jweinö webo̧ja, tjöwaisachibanö, jö̧ba̧lö lo̧tjobe cha̧ja̧kwijatö.

Hechos 18:8

Jobe Corintonö jo̧ma, judío jojoma, judío jojodö yötjaweju la'aka luwo̧ma, Crispo mikwo̧ma, Pablo yöawi̧ a̧ja̧kwö Duluwo̧nö ösödijetö, Jesúsma chö̧jibinö pjabato̧, jö̧ba̧lö. Ja̧danö, jo̧ba ejunö ju̧kwadöbi okobe deinö ösödijadötö Jesúsnöma. Ju'wedöbi ba̧jekwadö Corintonö ju̧kwadöma, Pablo yöawi̧ a̧ja̧kwö ösödijadötö Jesúsnöma. Ikenama ösödajadönö ojwenö bu̧datijetö Pabloma.

Hechos 13:26

Ina yöbawijetö: —Chömöledö, Abrahamtjö tupadanö jojodöbi, ju'wedö Diosnö yebabinö ösödadöbi a̧ja̧kwaduwitjö. Diosma yöbawijetö iteda otiwa jawa wene, ji̧kwa wenema ökwödönö, Israel jojodönö.

Lucas 2:25

Ja̧ mölema, bakwo̧ Simeón mikwo̧ma Jerusalénnö ö̧jinobe. Jo̧bama otiwanö ja̧bö ö̧jinobe, ja̧danö jwaikwöda Diosnö ösödö ö̧jinobe. Ja̧danö Dios weakwo̧ jö̧a̧linökwenö ösödinö te'ada̧lö ö̧jinobe, Juluwanö ichowe, juluwanö ökwödö Israel jojodönö dö̧jibinö pjaatowe, jö̧ba̧lö. Dios O̧'wo̧ Luwo̧ma Simeonkwö ö̧jinobe,

Daniel 6:16

Yötja̧liökwe, la'aka luwo̧ Daríoma weinobe Danielnö ikwö lotjobö, ja̧danö ikwö lotjakwa̧ abönö Danielnö yöa̧linobe: —Daniel, ba̧kwȩlö̧jatebö kwuluwo̧ Dios wei̧ a̧ja̧kwö jo̧ja, ja̧danö kwösödökwe Dios kwö̧jibinö pjaatobö chösödakwö— jö̧ba̧lö.

Santiago 1:5

Jo̧kwaijayonö chö̧ja̧wo̧dö, ökwödötjö bakwo̧, wene baledena ¿dakwö chö̧jobö jo̧bejö? jö̧ba̧lö wajwiköbitjö̧ma Diosnö akebobö jo̧be, Dios ösödi̧danö jwaikwö kwi̧'yi̧ kwöwaisobö. Isabenö chö̧ja̧wo̧dö, Diosma okobe deinö jo̧banö abebadönö, Pjatato, jö̧ba̧lö, ösödö pjabato̧. Ja̧danö, Diosma jo̧banö abebo̧nö la'akatjöda jö̧ba̧lö̧kö̧, Sulabo̧ja. Pjatatökö, jö̧ba̧lö. Jo̧kwaobetjö̧ chö̧ja̧wo̧dö, wene baledena jwaikwöda kwi̧'yaduwobö wajwiköbaduwitjö̧ma Diosnö akebaduwobö jo̧be, ökwödönö pjaatobö. Jo̧kwaijayonö akebaduwena Diosnö kwo̧'wo̧duwi wana̧lö akebaduwobö jo̧be, Diosma isabenö pjabato̧, jö̧ba̧lö. Jejenö Diosnö kwo̧'wo̧duwi wana̧lö akebaduwiökwe Diosma ökwödönö pjabato̧. Chö̧ja̧wo̧dö, Diosma pjabatö̧kö̧ jo̧banö o̧'wo̧ wana̧lökönö abebo̧nö, Diosma pjaatenawe, pjaatökena, jö̧ba̧lö, dötölatajanö omukwato̧nöma. Wanedö yötawaduwakwö, Diosnö o̧'wo̧ wana̧lökönö jo̧nö wanedöma: Jo̧bama ojwe balawa loi̧danö jo̧, jwa̧lȩ'epjo dobibajö ojwe nöinö balawa loi̧danö. Jo̧bama jelobekwö, jelobekwö 'yo̧, jwaikwöda 'yö̧könö.

1 Tesalonicenses 5:17

kabatökönö Diosnö akebaduwo,

Colosenses 4:2

Ba̧kwȩlö̧jatebö Diosnö abebö kwö̧jaduwo. Jau chömöledö, te'ada̧lönö ja̧nö, Diosnö abebö kwö̧jaduwo, ja̧danö, Otiwanö pjaatajabe, jö̧ba̧lö Diosnö ösödö akebaduwonö.

Hechos 22:12

Jobema, bakwo̧, Ananías mikwo̧ma, Dios wei̧ ja̧bö jo̧ma ö̧jijatö. Okobe deinö jobe ju̧kwadöma, judío jojodöma, Ananiásnö tjösödökwe, Otiwanö ja̧bö jo̧, jö̧ba̧lö.

Hechos 13:50

Jo̧kwaijayonö Antioquíanö ju̧kwadö judío jojodötjö la'aka luwedöma ina öpöjödijadötö Pablonö, Bernabénö. Tjo̧'wo̧ sulinö edö yöba̧lijadötö jobenö ju̧kwadö ya̧dö la'aka luwedötjö ju'wedönöma Pablonö, Bernabénö tjölabobö. Jobadö ya̧döma judío jojodöböködö Diosnö ösödadöma. Ja̧danö, ömadö la'aka luwedötjö ju'wedönöbi yöba̧lijadötö, Pablonö, Bernabénö tjölabobö. Jejenö yötja̧liawö̧ jobadöma jwiinö labijadötö. Ikenama ju'wedönöbi yöba̧lijadötö, Pablonö, Bernabénö tjölabobö. A'dewö lododönö, jö̧ba̧lö, labinö yöba̧lijadötö. Jejenö yötja̧liawö̧ jobadöma Pablonö Bernabénö jobetjö a'dewö lobijadötö.

Hechos 10:31

Jo̧bama öwawachö jö̧a̧lijatö, baikwö: Cornelio, Diosma ökwö akebi̧ma a̧ja̧kwö omukwato̧, ja̧danö usula jojodönö pjakati̧bi edö omukwato̧.

Hechos 9:36

Jobetjö Lidanö jejenö baledonö jelobe, Jope mikwobe, jobe jujuma, Tabita mikwujuma ö'wöchaju ö'wö babibijotö. Ja̧danö, jobujuma Jesúsnö ösöduju. Jobujuma, griego tjiwenenö Dorcas mikwuju. Jobujuma ina 'yajayi otiwanö pjabatö ji̧abijotö. Kabatökönö pjabatiabijotö usula jojodönö. Ja̧danö ö'wö baibajajunö ju'wedöma dichijadötö jobujunöma, wobajadönö dichajitjadanö. Dichajadöma mösȩko̧nö lödijadötö, Jojodö edö tjichakobe, jö̧ba̧lö.

Hechos 9:31

Ja̧ mölema okobe deinö Jesúsnö ösödadöma Judeanö ju̧kwadöbi Galileanö ju̧kwadöbi Samarianö ju̧kwadöbi otiwanö ju̧kwijadötö, usula emawökönö. Ja̧danö, Dios O̧'wo̧ Luwo̧ pjaatobetjö̧ Diosnö omukwatö tjo̧'wo̧ luwo̧nö ösödö juluwijadötö, tjo̧'wo̧ luwo̧ jawama. Ja̧danö, Diosnö otiwanö yebabinö omukwata̧lö ju̧kwijadötö. Ja̧danö, Dios O̧'wo̧ Luwo̧ pjaatobetjö̧ ba̧jekwachijadötö Jesúsnö ösödadöma.

Hechos 9:11

Ikenama Duluwo̧ma yöbawijetö: —A̧laibö 'ya̧wi mana, jweinö la̧ma mikwama lo̧bekwö. Ja̧ma ö'öbö jȩju, Judas ejube 'ya̧wi. Jobetjöma akebo Saulo mikwo̧nö, Tarso jojo kwedobö. Jo̧bama yada ja̧nö ötjönö aebobe—yöbawijetö—.

Lucas 18:1

Ju'wi möle Jesúsma iteda öba̧ja̧di̧ waisachadönö ba̧ja̧dö yöawinobe, me'dawachibökönö ba̧kwȩlö̧jatebö Diosnö atjebobö. Ja̧danö, ba̧ja̧dö, jobadönö wanedö yöawinobe baikwö:

Daniel 6:26

Ja̧danö, ökwödönö wȩyudö weta, yöbawö wetena bakwameachibanö okobe deinö jojodöma Daniel ösödökwe Dios öba a'otjö yebabinö tjö̧bawö tjösödobö jo̧be jö̧ba̧lö. Jo̧bama isabenö okobe jwiinö juluwo̧ Dios, ja̧danö ba̧kwȩlö̧jatebö ö̧jakwo̧. Jo̧ba yöbawö wei̧ma, ba̧kwȩlö̧jatebö yöbawö weakobe, la'akatjöda yöbawö wei̧ söbebö lötjökakobe, ja̧danö ba̧kwȩlö̧jatebö inesö la'aka luwo̧ ja̧nö yöbawö weakobe Diosma.

Daniel 6:20

Yöne ichibö, o̧'wo̧ tjo̧achö jwöinobe: —Yabalo̧ Dios ömöayo̧ Daniel, ¿ba̧kwȩlö̧jatebö wei̧ a̧ja̧kwö kwösödökwe Diosma, didibatjö kwö̧jibinö pjaatobö ujuluwaji̧?— jö̧ba̧lö.

Daniel 6:10

Danielma ja̧ weawa wȩyudö sello dobö ödina wene a̧ja̧kwinobe, ja̧danö a̧ja̧kwajo̧, ba̧kwȩlö̧jatebö abebajiadanö o̧do okwa tebachö Diosnö aebinobe. Jo̧bama ba̧kwȩlö̧jatebö mö̧sȩko̧ ventana po̧bebö, Jerusalénkwö edö Diosnö o̧'wo̧ wana̧lö abebiainobe, ja̧danö la'aka luwo̧ weaja̧ a̧ja̧kwajo̧, yayonö mösȩko̧nö uyu̧ko̧nö bamatö ventanasa'donö banö aebinobe, ju̧kwawökönö. Ba̧kwȩlö̧jatebö abebajiadanö, mölekwena wa̧pötakwanö jejenö Diosnö aebinobe, otiwanö pjabato̧ja jö̧ba̧lö.

Isaías 59:19

Jobekwö lȩebiawö̧, Isabenö Jo̧ imi omukwatö yetjaibakwedö, jawo̧ meajobekwö ju̧kwadöma. Ja̧danö jawo̧ laebobekwö ju̧kwadöbi dejatinö ujulu yetjaibakwedö. Jau, Dios lȩbebö ichakwa̧ma, juluwanö ujulunö ichakwo̧. Isabenö Jo̧ labinö pjubö, ojwe buluwanö labinö isuwobö wei̧danö, juluwanö lȩbebö ichakwo̧.

Diosnö ösödo̧ Job mikwo̧ usula emawina jawa 1:5

Jejenö ja̧biatjinobe Job itji̧muma, ja̧danö ba̧kwelöjatebö ba'ali tjujuni̧ mölebiya 'dö̧ibajenama, ikena möle ina yeayi a̧la̧ibinobe Jobma, ja̧danö itji̧mu bakwo̧nökwena tjusula dichö lootö jö̧ba̧lö, iyawa bakwonökwena kwabö juwö, jwiinö ubinö iyawa baibanö iyinobe Diosnö. Jobma omukwatinobe itedada, —Chitji̧muma Dios öpöjödi̧nö sulabenö ja̧tja̧jena, ja̧danö tjomajadenö sulabenö Diosnö tjomukwatajena, —jö̧ba̧lö omukwatinobe, ja̧danö jejenö omukwatö, iyawa kwabö juwö iyiainobe Diosnö, —Chitji̧munö tjusula söbebö loköbobö atebakwö, —jö̧ba̧lö.

Diosnö ösödo̧ Job mikwo̧ usula emawina jawa 1:1

Uz nijinö bakwo̧ ö̧jinobe, Job mikwo̧ma. Jobma otiwanö wene jwibo̧ ö̧jinobe, Dios ösödi̧danö ja̧bö ö̧jinobe. Otiwanö yebabinö omukwatö ösödinobe Diosnö, ja̧danö jwaikwöda suli̧ jawa öpöjödö ö̧jinobe, Dios öpöjödi̧ jö̧balö.

1 Reyes 8:43

Jejenö abebö tjichenama, mölejebe kwö̧jelö ja̧nö jobadö atjebi̧bi kwa̧ja̧kwobö atebakwö chuluwo̧. Jau chuluwo̧, okobe deinö jelobetjö ichajadö ökwönö atjebi̧ a̧ja̧kwö kwatadobö atebakwö, jejenö kwatadiawö̧ okobe deinö tjitebotenia jojodöma ökwönö tjöwaisakobetjö̧, –Isabenö juluwo̧ Isabenö Jo̧ma, –jö̧balö, ja̧danö ökwönö waisachibajadö, ökwönö yebabinö ösödö, weköbi̧ a̧ja̧kwö tjö̧jakobetjö̧. Jau chuluwo̧, jejenö jobadö atjebi̧bi kwatadiawö̧, ökwö kwömöledö israel jojodö ökwönö yebabinö tjösödi̧danö tjösödakwedö, ja̧danö tjöwaisakwedö, –Dios eju baibanö Salomon otidinejuma, isabenö Dios ö̧jeju, isabenö jobe Diosnö dösödobö jo̧be, –jö̧ba̧lö.

Josué 24:15

—Jau chömöledö, Isabenö Jo̧nöda kwösödaduwobö jo̧be, jo̧kwaijayonö, Isabenö Jo̧nö ösödö kwö̧jaduwobö kwöpöjödaduwitjö̧ma, babe möleda omudawö kwujunaduwobö jo̧be, kwösödaduwakwawö̧nöma, damötjö̧ kwa'dödö Eufrates mikwödö tupakwö tjö̧jena tjösidinawö̧maö̧kö̧, bemi niji ju̧kwadö amorreos jojodö tjösödawö̧maö̧kö̧. Jo̧kwaijayonö ökwödö israel jojodöma ju'wedö tjösödawö̧nöda kwösödaduwobö omudawö kwujunadwuitjö̧böbi, ju'wedönö la'akatjöda chösödökakwo̧sa chömöledö. Ötjöbi, yö̧ne chömöledöbi, jwaikwöda Isabenö Jo̧nöda ösödö dö̧jakwedösa, jo̧ba wei̧da a̧ja̧kwö, —jö̧ba̧lö yöawinobe Josuema, israel jojodönö.

Génesis 18:19

Isabenö, Abrahamnöda omudawö chujunijatö iteda i̧tji̧munöbi, jo̧batjö tupadanö jojodönöbi öba̧jadobö, ötjö weti̧ a̧ja̧kwö tjö̧jakobetjö̧, jweinö omukwatö, ötjö chösödi̧danö ja̧bö. Jejenö tjuju̧kwitjö̧ma ötjö chiwene Abrahamnö yöbawö chujuninadanö badekwachakobe— jö̧ba̧lijetö Isabenö Jo̧ Diosma, itedada.

Hechos 2:5

Ja̧ mölema Jerusalénnöma ju̧kwijadötö judío jojodöma, jelobetjöbi jelobetjöbi ichinadö. Jobadöma Diosnö ösödö ju̧kwijadötö.

Hechos 11:14

Jo̧ba Pedroma ökwödö kwö̧jibaduwinö pjaatakwawa wene yöawakwo̧, ökwönöbi okobe deinö kwejunö ju̧kwadönöbi, jö̧ba̧lö, yöawinobe ángelma Cornelionöma. Jejenö yöawijatö Cornelioma ökwödönöma— yöbawijetö Pedroma.

Mateo 25:17

Dos mil iyajökwebi ja̧danö, dos mil ujuna̧linatjö, waisanö otidobetjö̧ cuatro mil baibanö otidinobe.