Hechos 10:17 - Dios Iwene

¹⁷ Ja̧danö, Pedroma ina ja̧ edaja̧ma, ¿Tajijö? jö̧ba̧lö, omukwatö ö̧jonö Cornelio weajawö̧ma tjöekwemi apjudenö ichibijadötö. Jobadöma, abönö ju'wedönö Simón eju jemi abebö a̧ja̧kwajadö Simón ejunö ichibijadötö.

Hechos 10:17 Referans Kwoze

Hechos 25:20

Ötjöma, ¡Ayö! ¿Dakwö weawa yötawobö, idödada tjo̧'wo̧ tjöwana̧li̧ jawama? Wajwita. Yötawökena, jö̧ba̧lö, chomukwatijatö. Jejenö omukwatö abebö cha̧ja̧kwijatö Pablonö. ¿Ökwöma kwösödiji̧ Jeruslalénbe wetoböma, jobetjöda judío jojodö ökwö ja̧köbina jwötjeba̧li̧ a̧ja̧kwö weawa yötawobö? abebö cha̧ja̧kwijatö.

Hechos 10:3

Ju'wi möle, ja̧wo̧ wöatena, ángelma öwaitjöda öwawachijetö Cornelionö, i̧'wi̧di̧danö. Ja̧danö, ángelma Cornelio eju okwa tebachö jwöbijetö: —Cornelio—jwöbijetö.

Hechos 9:43

Ikenama Pedroma ji̧bijetö lekwe möle Jopenö, jelo̧ ejunö, Simón mikwo̧ ejunö. Jo̧ba Simónma chi̧wo̧dö o̧bȩja̧dö tji̧sȩdi̧ju jawa otidiabijetö.

Hechos 5:24

Jejenö yötjawi̧ a̧ja̧kwö Dios eju te'ada̧lakwawa jojodö tjuluwo̧bi, ja̧danö, Diostjö jojodötjö ö'weje la'aka pjabatadöbi, ¿dakwö baledaja̧jö? ¿dakwö ja̧dakwa̧jö? jö̧ba̧lö, omukwatijadötö.

Hechos 2:12

Ja̧danö, okobe deinö jojodöma, Dios O̧'wo̧ Luwo̧ teachibajawö̧ yötjawobe a̧ja̧kwö: —Biya̧ma ¿dakwö jö̧ba̧lö ji̧jö?— jö̧bekwa̧lijadötö.

Juan 13:12

Ikenama, tjömasapiya dichö kabatö kamijido̧ 'dubawibö öba̧ja̧di̧ waisachadö tjö̧bajena yemidanö öbamatinobe. Ba̧nö yöawinobe jobadönö: —Ökwödö kwömasapaduwibiya chidichaja̧ wanekwachi̧ma ¿kwöwaisaduwiji̧?

Hechos 9:10

Ja̧danö, jobe Damasconö Jesúsnö ösödo̧ma, Ananías mikwo̧, ji̧jetö. Duluwo̧ma jo̧banö yöbawijetö i̧'wi̧di̧danö, baikwö: —Ananías— jwöbijetö Duluwo̧ma. Ananías atadijetö: —Chuluwo̧— atadijetö.