Hechos 1:14 - Dios Iwene

¹⁴ Jobadöma bakwainö omukwatö Diosnö abebö ju̧kwiabijadötö. Ja̧danö, ya̧döbi, Jesús ojo'do Maríabi, Jesús ö̧ja̧wo̧döbi jobadökwö Diosnö abebö ju̧kwiabijadötö ba̧kwȩlö̧jatebö.

Hechos 1:14 Referans Kwoze

Efesios 6:18

Ja̧danö chömöledö, ba̧kwȩlö̧jatebö Dios O̧'wo̧ Luwo̧ ökwödö kwo̧'wo̧ luwo̧duwinö öba̧ja̧da̧lonö a̧ja̧kwö akebaduwo Diosnöma, okobe jwiinö pjaataduwokwö. Kwö'wachibaduwoko chömöledö, Diosnö aekwama. Ba̧kwȩlö̧jatebö, ö'wachibökönö akebaduwo Diosnöma, iteda ömöledö babibadönöma pjaatobö.

Hechos 6:4

Ja̧danö, ökwödöma kabatökönö Diosnö abeböda, Dios iwene yöbawöda duju̧kwakwedösa.

Colosenses 4:2

Ba̧kwȩlö̧jatebö Diosnö abebö kwö̧jaduwo. Jau chömöledö, te'ada̧lönö ja̧nö, Diosnö abebö kwö̧jaduwo, ja̧danö, Otiwanö pjaatajabe, jö̧ba̧lö Diosnö ösödö akebaduwonö.

Hechos 2:42

Ja̧danö, jobadöma kabatökönö Jesús webawedö yötjawobe a̧ja̧kwöbi, Dios jawa yöba̧lakwawöbi ba̧jijadötö. Kwakwawa kwanöbi bakobe ba̧jijadötö. Jesús ö'wöchina omukwatö pan kwanöbi kwijadötö, ubasobu owöbi owijadötö. Ja̧danö, Diosnö abeböbi abebijadötö, bakobe ju̧kwadöma.

Romanos 12:12

Diosnö kwo̧'wo̧ wana̧lö, kwo̧'wo̧ luwo̧ ösöwanö omukwata̧lö kwö̧jaduwo, Diosma jö̧a̧li̧danö ja̧akwo̧ jö̧ba̧lö. Ja̧danö, wene baibenama, me'dawachibökönö kwö̧jaduwo. Ja̧danö, kabatökönö Diosnö abebö kwö̧jaduwo chömöledö.

Lucas 18:1

Ju'wi möle Jesúsma iteda öba̧ja̧di̧ waisachadönö ba̧ja̧dö yöawinobe, me'dawachibökönö ba̧kwȩlö̧jatebö Diosnö atjebobö. Ja̧danö, ba̧ja̧dö, jobadönö wanedö yöawinobe baikwö:

Mateo 21:22

Jau chömöledö, isabenö atebi̧danö iyakwo̧ Diosma jö̧ba̧lö jo̧ba ujulu ösödö akebaduwitjö̧ma, okobe jwiinö akebaduwi̧ma iyakwo̧— jö̧ba̧lö atadinobe.

Hechos 2:1

Ja̧danö, pjiesta möle, Pentecostés ötjabi pjiesta möle baibena okobe deinö Jesúsnö ösödadöma bakwejunö ko̧ko̧kwachijadötö.

Lucas 11:13

Jau chömöledö, ökwödöma sulabedököbaduwijayonö, kwi̧tji̧muduwinö otiwanö te'ada̧lö iyadöja, ja̧danö ökwödö sulabedöma kwi̧tji̧muduwinö otiwanö kwiyaduwitjö̧ma, mölejȩbe jo̧ Kwabe'doduwima ja̧tjö o̧penönö jo̧banö abebadönö ¿otiwanö iyökenaji̧? Iyo̧ chömöledö. Jau chömöledö, jo̧banö abebadönö Kwabe'do Diosma iteda O̧'wo̧ Luwo̧nö iyobe chömöledö— jö̧ba̧lö yöawinobe Jesúsma öba̧ja̧di̧ waisachadönö.

Hechos 2:46

Ju'wi möle jwiinö Jesúsnö ösödadöma bakwainö omukwata̧lö, Dios eju okwa tebachö ji̧abijadötö. Tjejubiyatjö kwanöbi tebachö ji̧abijadötö, tjo̧'wo̧ ösöwanö, sulabenö tjomukwati̧ jwiinö.

Lucas 24:53

ja̧danö, jobe Jerusalénnö ja̧nö, kabatökönö Dios eju a̧petunö ja̧nö Diosnö tjösödinobe, Otiwanö pjabato̧ja, jö̧ba̧lö.

Mateo 12:46

Jesús jojodö ko̧ko̧kwajadönö yöawonö, Jesús ojo'dobi, ö̧ja̧wo̧döbi a̧petube tjö̧jinobe, ja̧danö jo̧banö yötja̧lakwawobö tjösödinobe.

Lucas 24:10

María Magdalena mikwujubi, Juana mikwujubi, Jacobo ojo'do María mikwujubi, ju'wedö jobadökwö ju̧kwadö ya̧döbi i̧lȩdo̧tjö ȩwa̧jajadö Jesús webawedönö yötjawinobe,

Lucas 23:49

Jejenö baledinobe Jesúsnö towisa'onö nönö kwabö lotjinama, ja̧danö okobe deinö Jesús ömöledöma, Jesús ökömanö Galilea nijitjö ichajadö ya̧döbi ödökwönönö ja̧nö ja̧ baledi̧ tjeda̧linobe.

Marcos 16:1

Ju'wi möle yi̧bena, otikwökö möle baledaja̧ ikena, María Magdalenabi, Jacobo ojo'do Maríabi, Salomébi omeasobu emijadötö, Jesúsnö dubebö tji̧'yakwedö.

Marcos 15:40

Ju'wedö ya̧döma ödökwönönö ja̧nö eda̧lijadötö. Jobadötjö María Magdalena mikwuju, Jacobo, José ojo'do María mikwuju, ja̧danö, Salomé mikwuju ji̧jadötö.

Mateo 27:55

Jobe ja'yubenö ödökwobe ja̧nö, ba̧jekwadö ya̧dö, Galilea nijitjö Jesúskwö ichö pjabatinadöma baledi̧ tjeda̧linobe.

Lucas 24:33

Ja̧danö, iya̧da hora a̧laibö, Jerusalénbe tjetjachajinobe, Jesús webawedönö yötjawobö. Ja̧danö Jerusalénbe ichibö, Jesús webawedönö a̧li̧nösamutjö bakwo̧bedönöbi, jobadökwö bakobe ko̧ko̧kwajadönöbi tjöbadekwajinobe.

Lucas 8:20

Jo̧kwajabetjö̧ jelo̧ Jesúsnö yöawinobe: —Kwojo'dobi, kwö̧ja̧wo̧döbi a̧petube tjö̧jobe, ökwönö edö ichajadöma— jö̧ba̧lö.

1 Corintios 14:13

Jo̧kwajabetjö̧, baikwö yötawa: Ju'wedö tjiwenenö yöba̧lo̧ma, Diosnö aebobö jo̧be, ju'wedö tjiwenenö yöa̧li̧ma a̧ja̧kwöködönö labebö loobö pjaato jö̧ba̧lö.