Hechos 1:13 - Dios Iwene

¹³ Ikenama Jerusalénnö ichibö jobadö tjabeju mösȩko̧nö, idöda tjabȩko̧nö tebachijadötö. Jobadöma bidö: Pedro, Juan, Jacobo, Andrés, Felipe, Tomás, Bartolomé, Mateo, Alfeo itji̧ Jacobo mikwo̧, Simón, jo̧bama romano jojodönö öpöjödo̧, Jacobo itji̧ Judas mikwo̧.

Hechos 1:13 Referans Kwoze

Hechos 20:8

Ökwödöma mösȩko̧nö döba̧ijatö, la̧pa̧la̧yu̧bi̧ya ba̧jekwa o̧yu̧ dewȩko̧nö.

Lucas 22:12

Ja̧danö, jejenö abebö kwa̧ja̧kwaja̧duwökwema ökwödönö tebatö isȩko̧ öba̧ja̧dakobe, ejutjö mösȩko̧ma. Jȩko̧ma nöȩko̧ kwedaduwakobe, jobe otiwanö dukwobö ida̧ökö otidö tjujuninȩko̧ma. Jȩko̧tjö kwakwawa kwotidaduwo, makö jobetjö dukwobö— jö̧ba̧lö yöawinobe.

Marcos 14:15

Ja̧danö, jo̧bada ökwödönö i̧sebakobe i̧sȩko̧ma, mösȩko̧. Jȩko̧ma nöȩko̧, mesasötekwöbi ba̧kwawa ökiyakwöbisȩko̧. Jobetjöda kwakwawa kwotidaduwo ökwödö dukwakwa̧ma— webijetö Jesúsma.

Marcos 2:14

Ikenama jobetjö ȩwa̧jö, Jesúsma Alfeo itji̧, Leví mikwo̧nö edijetö, la'aka luwo̧ balada emajitjena bo̧nö. Jo̧bama la'aka luwo̧ balada emajiena otido̧. Jo̧banö edö jwöbijetö: —¡Ötjökwö ichi!— jö̧ba̧lö jwöbijetö. Jejenö jwöökwe Levíma a̧laibö 'yi̧jetö Jesúskwö.

Santiago 1:1

Chömöledö, Cristotjö chö̧ja̧wo̧dö dokwa. Ötjö Santiago böja kwialusöjanö wȩyudö yötawa ökwödö judío jojodönö, Israelbetjö labebinadö jelobebi, jelobebi ju̧kwadönöma. Ötjöma Dios ömöayo̧sa. Ja̧danö, Duluwo̧ Jesucristo ömöayo̧sa ötjöma. Böja kwialusöja weta ökwödönö Jesúsnö ösödadönöma.

Hechos 12:17

Jejenö jwötjeba̧liökwe Pedroma ömamu kabebijetö jobadönö, Ö'wainö ju̧kwaduwi, jö̧ba̧lö. Ikenama Duluwo̧ pjaataja̧ma yöbawijetö, weajökwe ángelma ka̧lena ba̧kwawejutjö öbibö laebaja̧ma. Ikenama webijetö: —Yökawaduwo Jacobonöbi, ju'wedö Jesúsnö ösödadönöbi— webijetö. Ikenama jejutjö labebijetö Pedroma jelobe 'ya̧nö.

Hechos 2:38

Jejenö abebö tja̧ja̧kwiökwe Pedroma atadijetö: —Chömöledö, ökwödötjö, bakwo̧nökwena sulabenö kwomukwataduwi̧ma kabatibö balewachaduwi. Ja̧danö, ojwenö ubu̧datobö abebaduwi, Jesucristonö kwo̧'wo̧ kwöwana̧laduwi̧ i̧sebö. Jejenö ja̧baduwi, Dios ökwödö sulabe kwujuna̧laduwi̧ söbebö loakobetjö̧. Jejenö ja̧köbaduwenama Dios O̧'wo̧ Luwo̧ma tebachibö öjamatakobe ökwödönö— yöbawijetö Pedroma—.

Judas 1:1

Ötjö böja wȩyudö webo̧ma, Judassa, Jesucristo ömöayo̧sa, ja̧danö ju'wibi Jacobo öjawo̧sa. Ja̧danö, böjanö wȩyudö wetawö̧ma bidö, Dios jwöinawö̧nö, ju'wibi Dabe'do Dios ösödawö̧nö, ju'wibi Jesucristo tjöbeba̧lö ite'ada̧lawö̧nö.

Gálatas 2:9

Jau chömöledö, Jacobobi, Pedrobi, Juanbi ötjönö tjöwaisinobe, Pablobi Jesús webawo̧ jö̧ba̧lö. Jau chömöledö, jobadöma Jesúsnö ösödadötjö inesö luwedödanö tjö̧jinobe, ja̧danö jobadöma edö tjöwaisinobe ötjönö, isabenö judío jojodöböködönö yöawo jö̧ba̧lö Dios otiwanö weinökwe Pabloma jö̧ba̧lö. Jejenö tjöwaisobetjö̧, jobadöma ötjönöbi Bernabénöbi dömamiju döwaisobekwöchobe jawaomiju detjatinobe, bakobe Dios wei̧ otidadösa jö̧ba̧lö. Ja̧danö, jobadö judío jojodönö yöbawö tjö̧jonö, ökwödöma judío jojodöböködönö yödawobö tjösödinobe.

Gálatas 1:19

Ja̧danö, jobe Pedronö edö chi̧'yenama, ju'wedö Jesús webawedönö chedijökötö, jobadötjö sule Pedronöda, Duluwo̧ Jesús yöne öjawo̧ Jacobonöda chedijatö.

Hechos 15:13

Ikenama jobadö yöbawö katjatena Jacoboma jamatö jö̧ba̧lijetö: —Chömöledö, a̧ja̧kwaduwitjö.

Hechos 4:19

Jejenö lȩtjebijayonö Pedro, Juan jö̧ba̧lijadötö: —Dios öba a'otjö, jweinö ja̧dakwa̧ma ¿diya̧da? ¿Dakwö kwomukwataduwa? Ökwödöma, Jesús jawama yökawaduwoko, jö̧ba̧lö, weköbaduwobe, jo̧kwaijayonö Diosma wainö webo̧, yödawobö. Kwomukwataduwena ¿diya̧tjö ja̧dakwa̧da?

Hechos 4:13

Ja̧danö, Pedro, Juan otiwanö yebabökönö yötjawiawö̧ la'aka luwedöma a̧ja̧kwö jö̧ba̧lijadötö, idödada: —¿Tajijö? Bidöma jo̧kwada jojodö, waisachöködö. ¿Dakwö waisinö yötjawajö?—jö̧ba̧lijadötö. Ikenama jobadönö edö omukwatibijadötö, Aaa, Jesúskwö kwebachö ju̧kwiabinadö, jö̧ba̧lö.

Hechos 2:14

Ikenama Pedrokwö, ju'wedö a̧li̧nösamutjö bakwo̧nö Jesús webawedökwö jamatijadötö. Pedroma ja̧nö, labinö yöbawijetö jobe ju̧kwadönö: —Chömöledö judío jojodöbi, okobe deinö bena Jerusalénnö ju̧kwadöbi, otiwanö a̧ja̧kwaduwitjö, bemi baledaja̧ yötawonö kwöwaisachibaduwanö.

Juan 21:2

Jesús öba̧ja̧di̧ waisachadötjö ju'wedöma jobe, Tiberias tjolanö tjö̧jinobe. Jobadöma bidö: Simón Pedro, Tomás, Morocho ötjabökwe, Galilea niji Caná comunidad jojo Natanael mikwo̧, Zebedeo itji̧mu du̧ju̧taja, ju'wedö öba̧ja̧di̧ waisachadö du̧ju̧taja jobe tjö̧jinobe.

Juan 18:17

Ja̧danö, jobujuma Pedronö abebö ja̧ja̧kwinobe: —¿Ökwöma nu'yibö tjichejebajökwe ömöayo̧köbiji̧?— abebö ja̧ja̧kwökwe: —Ötjömaökö— atadinobe Pedroma.

Juan 11:16

Jemi ikena Tomás, Morocho ötjabökwema jö̧a̧linobe ju'wedö Jesús öba̧ja̧di̧ waisachadönö, a̧li̧nösamutjö bakwo̧nö: —Jesúskwö di̧'yaduwo jo̧bakwöda debö di̧'yakobetjö̧— jö̧a̧linobe.

Marcos 14:33

Ikenama Jesúsma öba̧ja̧di̧ waisachadötjö wa̧medukwanö, Pedronö, Jacobonö, Juannö öbibö 'yi̧jetö jemi tupakwö. Ikenama Jesúsma jwiinö o̧'wo̧ tjo̧bekwibanö baibijetö. Öba̧ja̧di̧ waisachadönö jö̧ba̧lijetö:

Marcos 9:2

Ja̧ jö̧a̧lina tupakwö jelemutjö bakwöta möle baledajena Jesúsma iteda öba̧ja̧di̧ waisachadötjö wa̧medukwanöda öbibö mö'ösa'o möa'obe nöchijetö, Pedro, Jacobo, Juannöda. Nöchajadö Pedro, Jacobo, Juan Jesúsnö tjeda̧lonö omönanö jelo̧danö babibijetö Jesúsma.

Marcos 5:37

Ikenama, Jesúsma okobe deinö jojodönö itekwöda tji̧'yobö öbibökönö, wa̧medukwanöda öbibö 'yi̧jetö, Pedro, Jacobo, Jacobo öjawo̧ Juan mikwadönöda.

Mateo 9:9

Jobetjö labeibö Jesúsma kweachinobe, ja̧danö jelo̧ Mateo mikwo̧nö edinobe, la'aka luwo̧ itea balada impuesto ötjabi̧ balada emajibo̧nö. Mateo otidobe mesasötenö ö̧bobe edinobe, ja̧danö Jesúsma Mateonö weinobe: —Ötjö chökömanö ichi, chöba̧ja̧di̧ waisacho̧ baibanö— jö̧ba̧lö. Jejenö weökwe, Mateoma a̧laibö Jesús ökömanö ichinobe.

2 Juan 1:1

Jesústjö chö̧ja̧wo̧dö dokwa. Ötjöma Jesúsnö ösödadö tjuluwo̧sa, ja̧danö te'ada̧lakwawa jojosa. Ja̧danö, böjanö wȩyudö yötawa ökwödö Jesúsnö ösödadö ko̧ko̧kwa̧ladönö, Dios omudawö ujuninawö̧nöma. Ja̧danö, chö̧ja̧wo̧dö yötawaduwakwö. Ökwödönö ile nibebo̧sa bakwainö Dios yöawi̧, isabenö ji̧ iwenema dösödobetjö̧. Ja̧danö chö̧ja̧wo̧dö ötjödamaökö, okobe deinö Dios isabenö ji̧ yöawi̧ ösödadöma ökwödönö ile nitjebobe.

1 Corintios 15:7

Ja̧danö, ikenama Jacobonö öwawachinobe, ikenama okobe deinö Jesús webawedönö öwawachinobe.

Juan 14:22

Jejenö yöawiökwe, jelo̧ Judas, Judas Isacariotemaökö, abebö a̧ja̧kwinobe: —Chuluwo̧ ¿tajawedö kwi̧sekwakwa̧da ökwödönöda, ju'wedö böjȩnö ju̧kwadönö i̧sekwökönö?—jejenö abebö a̧ja̧kwiökwe: