Hebreos 9:21 - Dios Iwene

²¹ Ja̧danö Dios ejunöbi, okobe jwiinö Dios eju okwa jawanöbi tjökwösobutjö liliobö weinobe.

Hebreos 9:21 Referans Kwoze

Éxodo 29:36

Ja̧danö, bakwöta mölekwena bakaya itji̧ ina möayo̧nö kwabö, ö̧kwö̧la̧ 'wibebö loköbo, ötjönö juwö kwiyakwo̧nöma. Ja̧ juwö kwiyi̧ma Aarón, Aarón i̧tji̧mu̧ tjusuli̧ söbebö loti̧ wanekwachobe. Ja̧danö, ja̧pjonö juwö kwiyobetjö̧ japjo juwö iyawapjoma chedemi, Suli̧ jwiyapjo, jö̧ba̧lö, chedobe. Ikenama oliva o̧tesobu juwö iyawapjo wame tokebo, bipjoma wainö chujuna, Diosnö juwö iyawapjo baibanö, jö̧ba̧lö.

Éxodo 29:12

Ikenama, kwötö'a bajalenö ökwösobunö dobeba̧lö juwö iyawapjo ö'wejemu 'do̧'do̧kwenia jawa ö'yekiya ichejekwi̧ jawanö dukebo kwötö'anö. Ja̧danö, ökwösobu ji̧bajobuma japjo la'akanö sa̧köbo.

Éxodo 29:20

'Bitjeba̧lonö obejanö kwabö, ö̧kwö̧la̧ 'wibebö loköbo ökwösobu pa̧la̧ka̧'donö jȩbatö. Ikenama kwötö'a bajalenö ökwösobunö dobeba̧lö Aarón, Aarón i̧tji̧mu̧ tjölakiyusa̧do̧ tjöwaisobekwöchobe 'dukebo, ja̧danö tjötö'a jwaibö'a jukwi̧tenianöbi tjöwaisobekwöchobe. Ja̧danö tjömasapa tjötö'a jwaibö'a ju̧kwitenianöbi 'dukebo. Ji̧bajobuma juwö iyawapjonö sa̧sa̧köbo okobe jwiinö a̧tjȩapjo.

Éxodo 24:6

Ja̧danö, Moisésma tjö̧kwö̧la̧ 'witjebajawö̧ tjökwösobutjö ja'ö deja'di̧ju nöi̧ o'di̧junö tochawajo̧ wainö junijetö. Ja̧danö, otochaja̧ okobe u'yukwajobu tjökwösobuma juwö iyawapjonö sa̧sa̧bijetö.

Éxodo 40:9

Ikenama tjoekwa o̧tesobuma emibö sa̧sa̧köbaduwo chejubi, ja̧danö okobe jwiinö cheju okwa ju̧kwi̧nöbi. Jejenö, jeju, jeju okwa ju̧kwi̧, Isabenö Jo̧ 'da̧batö ujunina ji̧ma, jö̧ba̧lö, kwi̧sebaduwakobe.