Hebreos 13:17 - Dios Iwene

¹⁷ Ju'wi jawabi chömöledö. Dios iwene yöawakwawa jojodönö yötjawi̧ a̧ja̧kwö kwuju̧kwaduwo, Bidöma waisanö te'ada̧ladö do̧'wo̧ luwo̧nö da̧peachö di̧'yobö, jö̧ba̧lö. Chömöledö, bajaleapo möle baibena Diosma jobadönö yöawakobe, tjite'ada̧linawö̧nö otiwanö tjite'ada̧linojobö, otiwanö tjite'ada̧linokojobö, jö̧ba̧lö. Jo̧kwaobetjö̧ ökwödönö otiwanö te'ada̧lö pjatjatobö jö̧tja̧lobe. Jo̧kwaijayonö yötjawi̧ öpöjödö kwa̧ja̧kwaduwökötjö̧ma jobadö ökwödönö otiwanö pjatjatobö, kwöda̧peachaduwobö pjatjatoböma jwiena chömöledö. Jo̧kwaobetjö̧ jobadö yötjawi̧ a̧ja̧kwö kwuju̧kwaduwo chömöledö.

Hebreos 13:17 Referans Kwoze

1 Timoteo 5:17

Ja̧danö, Jesúsnö ösödadönö te'ada̧lakwawa luwedönö yötawa. Jesúsnö ösödadönö te'ada̧lakwawa luwedöma, otiwanö te'ada̧lö tjö̧jitjö̧ma, tjite'ada̧lawö̧ Jesúsnö ösödadöma jobadönö tjösödobö jo̧be, otiwanö jobadönö omukwatöbi, böjȩ tjö̧ji̧ jawa pjabatöbi. Ja̧danö, te'ada̧lakwawa luwedötjö nöinö Dios iwene yöbawö, nöinö Jesúsnö ösödadönö ba̧ja̧dö otidadönö isabenö tjösödobö jo̧be, otiwanö omukwatöbi, böjȩnö tjö̧ji̧ jawa pjabatöbi.

Hebreos 13:7

Chömöledö, kwomukwataduwo ökwödönö ajayinö Jesús yöawina wene yöbawinadönö, kwöwaisachibaduwinö pjabatinadönöma. Jobadö Diosnö tjo̧'wo̧ wana̧lö tji̧'yina kwomukwataduwo. Jobadöma okobe jwiinö tjö̧ji̧ma, wotjenanö baibanö, Diosnö tjo̧'wo̧ wana̧lö tji̧'yinobe. Chömöledö, jobadö tjö̧jinadanö ökwödöbi kwö̧jaduwo, Diosnö kwo̧'wo̧duwi wana̧lö. Ja̧danö, jobadö yöbawinadöma jweinö yötjawinobe Jesucristonöma.

1 Pedro 5:5

Ja̧danö ökwödö te'ada̧lakwawa luwedötjö ina möayedödanö ju̧kwadöma damöbedönö kwa̧ja̧kwaduwo. Ja̧danö, okobe deinö ökwödönö baikwö yötawa, möayedödanö te'ada̧lakwawa luwedönöbi, damö te'ada̧lakwawa luwedönöbi: Te'ada̧lakwawa luwedö kwö̧jaduwijayonö, labinö webökönö bakwo̧nökwena pjabatakwawö kwö̧jaduwo, chömöledö tjömöayo̧danöbo̧sa jö̧ba̧lö. Jau chömöledö, jejenö omukwatö kwö̧jaduwobö jo̧be, Dios iwene baikwö laebobetjö̧: Diosma otiwadösa jö̧ba̧lö omukwatadönö ölakwabikwawö ö̧jobe, jo̧kwaijayonö otiwadösa jö̧ba̧lö omukwatöködönö lȩlö̧jinö pjabato̧, jö̧ba̧lö.

Hechos 20:28

Ina yöbawijetö: —Ju'wi jawabi yötawa ökwödönö, te'ada̧lakwawa jojodönö. Kwö̧jaduwobema otiwanö kwite'ada̧laduwo, kwo̧'wo̧ luwo̧duwi juluwachibanö tupakwö kwi̧'yaduwobö Dioskwö. Ju'wibi yötawa. Ju'wedönöbi kwite'ada̧laduwo Diosnö ösödadönöma. Dios O̧'wo̧ Luwo̧ma ökwödönö 'da̧batö junijetö jobadönö kwite'ada̧laduwobö. Wanedö yötawa: O̧bȩja̧dönö te'ada̧lakwawa jojo a̧jwi̧mu tjöekwanö ite'ada̧li̧danö ökwödöma Jesúsnö ösödadönö kwite'ada̧laduwo. Kwite'ada̧laduwawö̧nöma ida̧ökö Dios ja̧inobe iteda i̧tji̧mu batjibinö. Diosma iteda itji̧ ökwösobu ebawö ö'wöchö imidawinobetjö̧, ida̧ökö Dios ja̧inobe jobadönöma iteda i̧tji̧mu batjibinö, iteda itji̧nö ösödadöma. Jobadönöma kwite'ada̧laduwo— yöbawijetö Pabloma.

1 Corintios 16:16

Ja̧danö, baikwö atebaduwakwö chömöledö: Jobadönö kwösödaduwo kwuluwedöduwi jö̧ba̧lö, ja̧danö ju'wedö jobadöjayedö Dios ömöledönö pjatjatotö jö̧ba̧lö otidadönöbi jejenö kwösödaduwobö atebaduwakwö chömöledö.

Filipenses 2:12

Jo̧kwajabetjö̧ ökwödönö yötawaja̧danö ja̧bö kwö̧jaduwo chösödawö̧ chömöledö. Isabenö belö ökwödökwö chö̧jayima, ötjö yötawi̧danö ja̧bö kwö̧jinaduwobe chömöledö, ja̧danö ja̧tjö bajalekwönönö babe jelobetjö wȩyudö yötawi̧ ja̧bö kwö̧jaduwo chömöledö. Ja̧danö, Diosnö otiwanö yebabinö ösödö, jwaikwöda Duluwo̧ Dios wei̧ ja̧bö kwö̧jaduwo, Dios kwö̧jibaduwinö ja̧ina kwi̧sebaduwakobetjö̧.

Éxodo 32:31

Jo̧kwaobetjö̧ Moisésma mö'ösa'o nöchajo̧, Isabenö Jo̧ ö̧jobekwö ichö jö̧ba̧lijetö: —Isabenö Jo̧, chömöledöma jwiinö sulabenö ja̧tjajabe, orotjö otikwa tjo̧'wo̧ jawa tjotidökwenö ösödö.

Filipenses 2:29

Jo̧kwajabetjö̧, jo̧ba kwiteboduwibe ichibenama, kwo̧'wo̧duwi ösöwachibanö kwösödaduwonö, Duluwo̧nö ösödo̧ dömöledöso̧ jö̧ba̧lö. Ja̧danö jo̧banöbi, jo̧bajayedönöbi otiwanö kwomukwataduwodönö.

Romanos 14:12

Ja̧danö, okobe deinö bakwo̧nökwena Dios öba a'otjö dö̧jakwedösa, jo̧bada ja̧dina yöawobö, otiwojobö, sulojobö jö̧ba̧lö. Jau chömöledö, dömöledönö yöbawöködösa, otiwadö tjö̧jojobö, sulabedö tjö̧jojobö jö̧ba̧lö, Duluwo̧ Diosda ja̧ yöbawo̧ma.

2 Tesalonicenses 3:14

Ökwödötjö bakwo̧ böjanö diwȩyudaja̧ma a̧ja̧kwökönö öpöjöditjö̧ma, jo̧banö kwedaduwo, a̧ja̧kwö̧kö̧ jö̧ba̧lö. Ja̧danö, jo̧bakwö bakobe kwö̧jaduwoko, tabakwö ö̧jakobetjö̧.

Hebreos 13:24

Chömöledö, debawö atebobe, Dokwa, jö̧ba̧lö, okobe deinö jobe ökwödönö Dios iwene yöawakwawa jojodönöbi, okobe deinö Jesúsnö ösödadönöbi. Ja̧danö Italiatjö ichinadöbi, Dokwa, jö̧ba̧lö, debawö atjebobe ökwödönöma.

Isaías 62:6

Chitebo comunidad Jerusalen, eda̧lö tjöbeba̧la̧dönö chujunajabe, tjöekwemi ja̧nö, Diosnö atjebakobetjö̧. Jau Jerusalen, mölebi, yö̧tebi baledibanö, wi̧inö jö̧könö, kabatökönö Diosnö abebö tjö̧jakwedö. Isabenö Jo̧ma Jerusalennö ju̧kwadönö pjaatakwa̧ jawa yöbawö ujunajabe, jo̧kwajabetjö̧ ökwödö jo̧banö abebadöma, ö'wachökönö, jwaikwöda yöbawö ujunina jawa omukwatibobö akebaduwo.

Filipenses 4:1

Ökwödöma chösödawö̧ chö̧ja̧wo̧döja, ja̧danö ökwödönö chedowe jö̧ba̧lö chomukwatobe. Ökwödönö omukwatö, cho̧'wo̧ ösöwanö chö̧jobe, ja̧danö ökwödönö omukwatö, chömöledö otiwadö jö̧ba̧lö chösödaduwakwö chömöledö. Ja̧danö, yötawaja̧danö, mölejȩbe jojodösa ökwödöma chömöledö, jo̧kwajabetjö̧ Duluwo̧kwö dötewinö ja̧nö, pjolachibökönö jo̧bakwö kwö̧jaduwobö jo̧be.

Filipenses 3:18

Jo̧kwaijayonö, ökwödö ja̧bö dö̧ji̧danö ja̧böködönöma, jobadö ja̧tji̧danöma ja̧bökönaduwi chömöledö. Ökwödönö yöbawiachinadanö, yemidanö budekwö yötawaduwakwö chömöledö, ju'wedöma Cristo towisa'onö midawö woina wene öpöjojodö tjuju̧kwobe,

Santiago 4:7

Jo̧kwaobetjö̧ chö̧ja̧wo̧dö, Ökwödöma luwedösa, jö̧ba̧lö, omukwatökönö, Dios ösödi̧da isakwö kwö̧jaduwo. Jejenö ja̧nö Awetjanö kwöpöjödaduwo, jo̧ba ösödi̧ ja̧bökönö. Jejenö jo̧banö öpöjödö, jo̧ba ösödi̧ ja̧bökönö kwö̧jaduwiökwe jo̧bama kwö̧jaduwobetjö döibajakwo̧.

Filipenses 1:4

Jau chömöledö, ajayinö Jesúsnö kwösödinaduwelö baikwöma, ba̧kwȩlö̧jatebö otiwa jawa wene yötawobö otiwanö pjakatinaduwobe. Jo̧kwajabetjö̧, ba̧kwȩlö̧jatebö Diosnö atebenama, cho̧'wo̧ ösöwanö atebobe ökwödönö.

Lucas 16:2

Yötja̧liökwe, uluwo̧ma itea te'ada̧lakwawa luwo̧nö jwöinobe, ja̧danö jo̧banö yöa̧linobe: Sulabenö ja̧köbaja̧ cha̧ja̧kwajabe chömöayo̧. ¿Tajawedö sulabenö kwotidaja̧da? Jejenö sulabenö kwotidobetjö̧, tupakwö chitea te'ada̧lakwawa luwo̧ kwotidobö jwiobe. Jo̧kwajabetjö̧ chitea wȩyukwöja otidi, ikena te'ada̧lakwawa luwo̧ma chitea öwaisobö, jö̧ba̧lö weinobe ömöayo̧nö.

Proverbios 5:13

¿Tajawedö jwebebö yötjawi̧ cha̧ja̧kwinököjö? Ja̧danö ¿tajawedö ö'wiyakwawönö chomukwatinököjö?—yöka̧lakobe—.

1 Samuel 8:19

Jo̧kwaijayonö, jejenö jweinö inesö la'aka luwo̧ ja̧akwa̧ yöawijayonö, yebaiböma tjomukwatakwawinokobe, dujunoko jö̧ba̧löma. Samuel yöawi̧ tja̧ja̧kwobö tjöpöjödinobe israel jojodöma, ja̧danö baikwö tjatadinobe: —Jejenö baibitjö̧bi, yayonö inesö la'aka duluwo̧nö dösöda.

Génesis 16:9

Ikenama Isabenö Jo̧ Diosma, ángeldanö ichejekwö öwawachajo̧ma Agarnö webijetö: —Kwuluwuju jö̧jobekwö tjebachaji, Agar. Okobe jwiinö weji̧ma kwa̧ja̧kwo— webijetö.

Filipenses 2:16

jobadönö ja̧kwawa wene i̧sebödanö yöbawö. Jejenö ja̧bö kwö̧jaduwitjö̧ma, Cristo ichakwa̧ möle badekwachenama, yöbawö chotidina chösödakwo̧sa, isabenö 'diinö otidö chö̧jina mikwawinobe jö̧ba̧lö. Jau chömöledö, chotidina mikwawi̧ kwi̧sebaduwobetjö̧, jejenö chösödakwo̧sa.

Efesios 5:21

Chömöledö, ökwödöma, bakwo̧nökwena, kwömöledöduwi wetji̧ a̧ja̧kwö kwö̧jaduwo, Cristonö otiwanö, yebabinö kwomukwataduwobetjö̧.