Hebreos 10:4 - Dios Iwene

⁴ Jo̧kwaobetjö̧ chömöledö döwaisobö jo̧be, Pakaya, chiwo tjökwösobuma pjaatinokobe jojodö tjusuli̧ söbebö loobö, jö̧ba̧lö. Jo̧kwaobetjö̧ jojodöma ina Dios öba a'o sulabedöda tjuju̧kwobetjö̧ yemidanöbi, yemidanö Diostjö jojodötjö ö'weje la'aka pjabato̧ma jojodö tjusuli̧ midö iyobö weinobe.

Hebreos 10:4 Referans Kwoze

Hebreos 10:11

Ja̧danö, böjȩtjö Diostjö jojodötjö ö'weje pjabatadö, Levítjö tupadanö jojodöma, Dios ajayinö yöbawö ujunina wei̧ a̧ja̧kwö, yemidanöbi yemidanö, bakwöta mölekwena bakwainö iyiatjinobe. Jo̧kwaijayonö, ja̧ tjiyi̧ma jojodönö okobe jwiinö pjaatinokobe tjusuli̧ söbebö loobö.

1 Juan 3:5

Ja̧danö kwöwaisaduwa, Cristoma böjȩkwö ichinobe jojodö tjusula tjumusidi̧, Dios jojodönö lȩebobö tjumusidi̧ma imidawobö, jö̧ba̧lö. Jejenö Cristoma imidawinobe jojodö tjusuli̧ma, Dios söbebö loobö. Jau chö̧ja̧wo̧dö, Cristoma suli̧ jwibo̧obetjö̧ jo̧bada jojodö tjumusidi̧ midawinama.

Romanos 11:27

Ja̧danö, sulabe tjujuna̧li̧ söbebö lotenama, jobadönö isabenö pjatatakwa̧ wene yöbawö chujunocha, jö̧ba̧lö laebobe Dios iwene, Dios Israel jojodö tjö̧jibinö ja̧akwa̧ma.

Hebreos 10:8

Ja̧danö chömöledö, Cristo ja̧ yöa̧linama domukwataduwo. Ajayinö yöa̧linobe, Ökwö kwösödi̧ma jojodö ökwönö tjiyi̧maökö, kwabö tjiyökwenöbi, ju'wi tjiyi̧bi, jö̧ba̧lö. Jejenö tjiyobö weköbijayinö kwösödokobe, jö̧ba̧lö, yöa̧linobe.

Hebreos 9:9

Ja̧danö, Dios ajayinö yöbawö ujunina jawama, Dios böjȩtjö eju ji̧nejubi, okobe jwiinö jeju okwa ö'weje pjabatadö tjotidinabi ökwödönö wanedö yöawobe chömöledö. Ja̧ wanedi̧ jawama ökwödönö öba̧ja̧dobe babe dö̧ji̧. Isabenö ökwödönö öba̧ja̧dobe, Diostjö jojodötjö ö'weje pjabatadö tjiyinama mikwawokobe jojodö Dioskwö, wene jwiinö tjichibobö, jö̧ba̧lö. Ja̧danö, ö'weje pjabatadö tjiyi̧, jojodö tjiyökwe, ökwösöbu lilibö, ja̧danö ju'wi Diosnö ösödö tjiyi̧bi pjaatinokobe jojodönö, tjo̧'wo̧ luwo̧ okwanö. Diostjö jojodötjö ö'weje la'aka pjabato̧ma bakwöta o̧bakwena tebachiainobe Dios eju, okwasȩko̧nö Diosnö iyö. Jo̧kwaijayonö jo̧ba iyi̧ma la'akatjöda pjaatinokobe jojodö tjöwaisobö, Tjo̧wi̧ Dioskwö ichibadösa wene jwiinö, jö̧ba̧lö. Jojodöma ina tjo̧'wo̧ tjo̧bekwöda tjö̧jinobe, Ina wene juna̧ladösa. Dioskwö ichiböködösa, jö̧ba̧lö.

Juan 1:29

Ju'wi dewachö Juanma edinobe iteda ö̧jobekwö Jesús ichobe. Jesúsnö edö jö̧a̧linobe itekwöda ju̧kwadönö: —Edaduwi. Ite baikwö icho̧ma, Dios weinökwe obeja itji̧danö jo̧. Diosma jo̧banö ö'wöchinö midawö, jojodö tjusuli̧ söbebö loobö weinobetjö̧, obeja itji̧danö jo̧, ötjabökwe.

Marcos 12:33

Isabenö Dios okobe jwiinö wei̧tjö bajalekwönönö mikwawi̧ weawama, jweinö yöka̧laja̧danö laebobe Dios iwenetjö, Diosnö okobe jwiinö domajadenö, okobe jwiinö domukwati̧nö, okobe jwiinö dujulunö ile niekwama, jö̧ba̧lö. Ja̧danö ökwödö dömöledönö ökwödöda ile nidebi̧danö ile niekwama, jö̧ba̧lö, laebobe. Jweinö yökawajabe, Dios iwenetjö laebi̧ma. Ja̧ Dios iwenetjö weinama jwiinö mikwawi̧. Ja̧danö, juwö iyawedötjöbi, ju'wi jawa Diosnö iyawatjöbi bajalekwönönö mikwawi̧ ja̧ Dios weinama— jö̧ba̧lijetö Moisés iwȩyudina ba̧ja̧dakwawa jojoma.

Isaías 66:3

Jo̧kwaijayonö idöda tjösödi̧ jawa omudawö junadö inesö sulabenö ja̧awa ja̧tjobö ösödadönö, ösödö̧kö̧sa. Jobadönö baikwö yöta̧la: Pakayaso̧nö kwabö juwö ötjönö tjiyijayonö, ju'wibi jojodönö kwabö lobadö. Ja̧danö obejanö kwabö juwö ötjönö tjiyijayonö, ju'wedö o̧'wo jawa tjösödawönöbi ösödö, awili u̧lu̧me'a 'debatö iyadö. Ja̧danö trigoso̧pja̧ iyawa ötjönö tjiyijayonö, ju'wibi ju'wedö o̧'wo jawa tjösödawö̧nö kusi̧ ökwösobu iyadö. Ja̧danö chöba a'o omewi̧ jawa juwadöma, ju'wibi o̧'wo jawa ösödadö. Jau, —Diosnö ösödadösa, —jö̧ba̧lö tji̧sȩbijayonö, weti̧ a̧ja̧kwöködö, ja̧danö la'akatjöda tjiyi̧ chösödökakwo̧sa, —Otiwanö iyadö, —jö̧ba̧löma.

Hebreos 10:1

Isabenö chömöledö, böjȩtjö Diostjö jojodötjö ö'weje la'aka pjabato̧ iyi̧, ba̧kwöta o̧bakwena Dios wei̧ Moisés iwȩyudina a̧ja̧kwö iyi̧ma la'akatjöda pjaatinokobe jojodönö ba̧kwȩlö̧jatebö suli̧tjö dichawedö tjichibobö Dioskwö. Wanedö yötawaduwakwö chömöledö, jojodö tjo̧'wo̧ jawanö wanedöma: Jojo o̧'wo̧ jawama jojobö̧kö̧, ¿jö̧tö? Jojo ö̧ji̧ i̧sebijayonö o̧'wo̧ jawada jo̧be. Inesö jojobö̧kö̧. Chömöledö jejenö, jojo o̧'wo̧ jawama inesö jojobö̧kö̧ ji̧danö, jojodö Diosnö ajayinö tjiyinama inesö iyawa ji̧nökö. Ja̧ tjiyinama wanedöda wanekwachinobe ju'winö Diosnö iyakwa̧. Ja̧ ju'winö iyakwa̧ wanekwachinama Cristoda iyakwa̧. Isabenö chömöledö, Cristo iteda bakwötanöda iyawö dumusidi̧ imidawinobe ba̧kwȩlö̧jatebö ji̧nö, ökwödö, dusuli̧ma söbebö lobö.