Génesis 9:22 - Dios Iwene

²² Ja̧danö, Noé itji̧ Camma, Canaán abe'do, eju tebachö abe'do kamisi jwibo̧ ö̧lobekwö edijetö. Edajo̧ labebijetö öpöedönö yöbawö, apetube ja̧dönö. Labebajo̧ma öpöedö Semnö, Jafetnö yöbawijetö tjabe'do 'dukwachökwe a̧do̧ jwibö ö̧lobema.

Génesis 9:22 Referans Kwoze

Proverbios 30:17

Ja̧danö, ju'wibi yötawa: Abe'donö obo̧ma, ja̧danö ojo'do weji̧ a̧ja̧kwö̧kö̧ma jwiinö sulabenö omukwato̧. Jo̧bama debö i̧'yobö jo̧be, ja̧danö wobajo̧nö yȩbadö pji̧yu̧ öbajalenö dodotjobö jo̧be, ja̧danö okobe jwiinö itebiyabi bo̧lö̧ tjukwökwe, sulabenö abe'donö obö, ojo'do weji̧ a̧ja̧kwökönö ö̧jobetjö̧.

Gálatas 6:1

Chömöledö, wanedö yötawa: Ökwödötjö bakwo̧ sulabenö ja̧bö meitjö̧ma, ökwödö Dios O̧'wo̧ Luwo̧ yöawi̧ a̧ja̧kwadöma jo̧banö dösölö̧jinö pjabatö kwa̧lapedaduwonö. Ja̧danö, jejenö kwa̧lapedaduwenama, omukwatönö kwö̧jaduwo, jo̧ba sulabenö ja̧i̧danö ökwödöbi ja̧köbaduwobö kwösödaduwapji jö̧ba̧lö.

1 Corintios 13:6

Ja̧danö, jojodönö ösödabikwawö ja̧kwawama, sulabenö jawa baledobö ösödökönö, otiwa jawa isabenö wene jawada ösödö ji̧.

Mateo 18:15

Tupakwö yöawinobe Jesúsma: —Chömöledö, Dios ömöledötjö bakwo̧ kwömöledöso̧ ökwönö sulabenö ja̧itjö̧ma, jo̧dawa'ye jo̧ba ö̧jobekwö 'ya̧wi, ja̧danö sulabenö ja̧aja̧ yökawonö. Ja̧danö, yökawi̧ a̧ja̧kwitjö̧ma, otiwena, kwömöledöso̧ yemidanö a̧laibobö pjakatobetjö̧.

Génesis 10:6

Ja̧danö, Noé itji̧ Cam i̧tji̧mu ömadöma bidö: Cus, Mizraim, Fut, Canaán.

Proverbios 25:9

Ja̧danö, ju'wibi jwebebö yötawa: Jelo̧kwö wene kwujuna̧lakwawaduwitjö̧ma ökwödöda jo̧dawa'ye yöka̧lakwawaduwobö jo̧be wene jwiinö söbekwö loköbaduwobö. Ja̧danö, yöka̧lakwawaduwonö yöka̧lökwema ju'wedö wajwitji̧ jawa ökwönö yöa̧lena, ju'wedönö yöka̧loko, jö̧ba̧lö. Isabenö yötawa: Ja̧ yöa̧laja̧ma ju'wedönö yöka̧loko.

1 Crónicas 1:8

Noé itji̧ Cam i̧tji̧mu ömadöma bidö: Cus mikwo̧bi, Egipto mikwo̧bi, Fut mikwo̧bi, Canaán mikwo̧bi.

Génesis 9:25

Jo̧kwaiökwe labijetö Noéma. Jo̧kwaobetjö̧ baikwö lȩekwa baledakwa̧ yöbawijetö: —Cam itji̧ Canaántjö tupadanö jojodöma lȩebakwawö̧, usulasedö batjibanö. Tjömöledö tjömöayedöda batjibanö otidö tjö̧jakwedö. Yelösöda, tjömöledö tjö̧mayedötjö nijakwönönö tjömöayedö batjibanö otidö tjö̧jakwedö Canaántjö tupadanö jojodöma— jejenö jö̧ba̧lijetö Noéma, Cam itji̧ Canaántjö tupadanö jojodönö lȩekwa yöba̧lö.

Génesis 9:23

Jejenö yöawiawö̧ Sem, Jafet sawana'wo nöa'wo sedatibö, tjo̧ma'a o̧pekwö e'ewö tebachibö muchebijadötö tjabe'donöma edökönö. Tjöba jalachibökönö tjabe'do ö̧lobekwöma edijöködötö jobadöma, tjabe'do kamisi jwibo̧ ö̧lobe sulabenö tjedibapji jö̧ba̧lö.