Génesis 9:12 - Dios Iwene

^12-13 Ina jö̧ba̧lijetö: —Noé, ökwödönö chiwene yöbawö chujuni̧ chi̧sebi̧ma biya̧: Mayonö chönajabe mölejȩnö ö̧lobö. Jo̧ba mayoma i̧sekwobe ökwödönö yöbawö chujuni̧ chiwenema ökwödönöbi, ja̧danö, okobe deinö böjȩnö 'yaba̧ladönöbi. Ja̧danö, jo̧ba mayonö edinö kwomukwataduwakobe ötjö chiwene, La'akatjöda yemidanöma jwai balawa okwatinö webö söbebö lotökakobe jojodönöma, jö̧ba̧lö, yöbawö junö chiwenema— jö̧ba̧lijetö—.

Génesis 9:12 Referans Kwoze

Génesis 17:11

Jao, okobe deinö ömadönöma ja̧ sado̧ 'wibekwö loköbaduwobö weta. Ja̧danö, ja̧ 'wibekwö loköbaduwi̧ma i̧sebakobe, Diosma ökwödönö iteda iwene yöbawö ujuninobe, jö̧ba̧lö— yöbawijetö Diosma—

Éxodo 12:13

Ja̧danö, 'wibebö kwaköbaja̧duwawö̧ tjökwösobu apjudebiya dukebaja̧duwama ötjönö i̧sebakobe, beju okwa Israel jojodöda tjö̧jobe, jö̧ba̧lö. Ja̧ edinö ja̧ ejubiyama wame chöbaledocha, ökwödönö lȩbebökönö. Jejenö Egipto jojodönö jwiinö lȩbebö kwetachijayonö ökwödönö lȩtebima baledökakobe.

Éxodo 13:16

Ja̧danö, yemidanö yöta̧laduwakwö: Dios weina ba'ali kwujunaduwena Isabenö Jo̧ pjaatinama kwomukwataduwo. Ja̧ ba'ali kwujunabiduwakwa̧ma kwömamuduwinö kwöbaduwinö wȩyu̧dö lö̧dawobedanö ja̧kobe, Isabenö Jo̧ ökwödönö pjaatina kwomukwatakobetjö̧, iteda ujulunö Egiptotjö ladebinö.

Génesis 9:17

Ja̧danö, jojodöma jo̧ba mayonö edö tjomukwatakwedö ökwödönö yöbawö chujuni̧ chiwenema— jö̧ba̧lijetö Diosma Noénö.

Josué 2:12

Ja̧danö, ökwödönö dösölö̧jinö pjatatobetjö̧, balekwa mikwa ötjönöbi dösölö̧jinö pjakataduwobö atebaduwakwö. Jau, ökwödönö kwö̧jibaduwinö pjatatajabetjö̧, balekwa mikwa ötjönöbi, yö̧ne chömöledönöbi dö̧jibinö pjakataduwobö chösöda. Isabenö pjakataduwakwa̧ yöbawö junö, –Omöna yöda̧litjö̧ma Isabenö Jo̧ Dios ökwödönö lȩebobö jo̧be, –jö̧ba̧lö pjakataduwakwa̧ wene yöbawö kwujunaduwobö atebaduwakwö.