Génesis 9:1 - Dios Iwene

¹ Ja̧danö, Diosma Noénöbi, i̧tji̧munöbi, dösölö̧jinö edö pjatatakwo̧sa, jö̧ba̧lö webijetö: —Nöinö yebawö kwuju̧kwaduwo böjȩ ba̧kwemeachibanö kwöba̧jekwachaduwakobetjö̧— jö̧ba̧lijetö—.

Génesis 9:1 Referans Kwoze

Génesis 9:7

Ina jö̧ba̧lijetö: —Ja̧danö Noé, ökwödönö weta. Nöinö yebawö kwuju̧kwaduwo böjȩ ba̧kwemeachibanö kwöba̧jekwachaduwakobetjö̧— jö̧ba̧lö webijetö Diosma Noénö, Noé i̧tji̧munö.

Génesis 1:28

Otidajawö̧nöma yöba̧lijetö, Ökwödönö kwöba̧jekwachaduwobö dösölö̧jinö edö pjatatakwo̧sa, jö̧ba̧lö. Jejenö jö̧ba̧lö webijetö: —Nöinö yekawaduwo, böjȩ ba̧kwemeachibanö kwöba̧jekwachaduwo. Ja̧danö, böjȩnö ju̧kwadö tjuluwedö baibanö webö kwuju̧kwaduwo. Ba̧i̧bi, mö köba̧lö ju̧kwadöbi, a̧ji̧kwakwawedöbi okobe deinö böjȩnö kwebachö ju̧kwadö tjuluwedö baibanö webö kwuju̧kwaduwo— jö̧ba̧lö webijetö Diosma jojodönö, otidö ujunajawö̧nöma, ökwödönö ösödanö edö pjatatakwo̧sa jö̧ba̧lö.

Génesis 8:17

Ja̧danö, labebö a'dewaduwi okobe deinö ökwökwö ju̧kwibajadönöma, mö köba̧lö ju̧kwadönöbi, a̧ji̧kwakwawedönöbi, ju'wedö nijinö kwebachadönöbi, nijinö töbawadönöbi, böjȩnö ja̧nö idöda yebawö tjöba̧jekwachakobetjö̧— webijetö Diosma.

Génesis 1:22

Ikenama Diosma jö̧ba̧lijetö öwa̧pedajawö̧nö, Ökwödönöma kwöba̧jekwachaduwobö ösödanö edö pjatatakwo̧sa, jö̧ba̧lö. Jejenö jö̧ba̧lö webijetö: —Nöinö yebawaduwi kwöba̧jekwachaduwo. Ökwödö jwai balawa okwanö kwebachö lö̧jadö kwöba̧jekwachaduwo jwai balawa okwatjö, böjȩ bakwemeachibanö. Ja̧danö, ökwödö mö köba̧lö ju̧kwadöbi kwöba̧jekwachaduwo böjȩ ba̧kwemeachibanö— webijetö Diosma jwai balawa okwanö kwebachö lö̧jadönöma, ja̧danö, mö kö̧ba̧lö ju̧kwadönöma, dösölö̧jinö edö pjatatakwo̧sa, jö̧ba̧lö.

Isaías 51:2

Jau chömöledö, ökwödötjö ajayinö ji̧na Abrahamnö kwomukwataduwo, ja̧danö ilekwo Sara ökwödönö ajayinö eminujunö kwomukwataduwo. Baikwö yöa̧lobe Diosma, kwadömine Abrahamnö: Abrahamnö jwötijatö, ötjö chömöledöso̧ baibobö, ja̧danö jobekwö jo̧banö jwötenama, bakwo̧da, itji̧mu debo̧da ö̧jinobe kwa'döduwima. Jo̧kwaijayonö, jemi ikenama jo̧banö pjatatijatö, ja̧danö pjatatiökwe, ba̧jȩkwaso baibinobe, jö̧tö?

Génesis 24:60

Ji̧'yakwa̧ abönö jömöledöma jö̧ba̧lijadötö Rebecanö: —Chömöledösuju, Diosnö adeba ökwönö ösödinö pjaatobö, ökwötjö tupadanö jojodöma nöinö ba̧ja̧dakwökenanö tjöba̧jekwachobö. Ja̧danö adebanö ökwönötjö̧ tupadanö jojodönö pjaatobö tjöpöjojodönö tjujuluwobö— jö̧ba̧lijadötö tjömöledösuju Rebecanö.

Génesis 10:32

Ja̧danö, Biya̧ wȩyukwi̧ma Noé i̧tji̧mu ömadö, Sem, Cam, Jafet mikwadötjö tupadanö jojodö tji̧mi̧biya ba̧ji wȩyukwi̧. Dios ojwe okwatinö weina okobema, jobadö Noé i̧tji̧mutjö tupadanö jojodöma böjȩ ba̧kwemeachibanö ju̧kwijadötö, bakwasokwena.

Génesis 2:3

Ja̧ möle, jelemutjö dötölataja mölema omukwatö dösölö̧jinö edö jö̧ba̧lijetö Diosma: —Biya möle, jelemutjö dötölataja mölema inesö möle baibanö chujuna— jö̧ba̧lijetö Diosma, ja̧ mölema iteda otidawatjö ö'wachö kaatakwawina mölȩobetjö̧.

Génesis 9:19

Jobadö Noé i̧tji̧mu wa̧medukwama okobe deinö böjȩ ba̧kwemeachibanö ju̧kwadö abönö ji̧nadö.

Génesis 9:2

Okobe deinö tebonö ju̧kwadöbi, mö köba̧lö ju̧kwadöbi, nijinö töbawadöbi, ojwe okwanö ju̧kwadöbi ökwödönö edö yetjabikwedö. Ökwödönöma jobadö tjuluwedö baibanö 'da̧batö chujunawö̧ja.

Génesis 35:11

Ina jö̧ba̧lijetö: —Ötjöma Jwiinö Juluwo̧ Diossa. Ökwönö pjatatakwo̧sa ökwötjö tupadanö jojodö böjȩ ba̧kwemeachibanö tjöba̧jekwachinö. Tjöba̧jekwachobetjö̧ idödada webawö tjuju̧kwakwedö, tjitebokwena jelobebi, jelobe. Ja̧danö, ökwötjö tupadanö jojodötjöma la'aka luwedö tjö̧jakobe.