Génesis 8:6 - Dios Iwene

⁶ Ikenama cuarentanö möle baibena Noéma po̧bebijetö otidinowi ja'ösa'doma.

Génesis 8:6 Referans Kwoze

Génesis 6:16

Ja̧danö okobe jwiinö 'dö̧pjö̧kanöma kwotidoko. Mötjö medio metro nijakwö öwawinö kwotido. Ja̧danö, apjudebi junö kwotido, isowi ometupanö. Ja̧danö, jowi isowi möakwöma wa̧pötakwanö jenanö möeju baibanö kwotido— webijetö Diosma Noénöma.

Daniel 6:10

Danielma ja̧ weawa wȩyudö sello dobö ödina wene a̧ja̧kwinobe, ja̧danö a̧ja̧kwajo̧, ba̧kwȩlö̧jatebö abebajiadanö o̧do okwa tebachö Diosnö aebinobe. Jo̧bama ba̧kwȩlö̧jatebö mö̧sȩko̧ ventana po̧bebö, Jerusalénkwö edö Diosnö o̧'wo̧ wana̧lö abebiainobe, ja̧danö la'aka luwo̧ weaja̧ a̧ja̧kwajo̧, yayonö mösȩko̧nö uyu̧ko̧nö bamatö ventanasa'donö banö aebinobe, ju̧kwawökönö. Ba̧kwȩlö̧jatebö abebajiadanö, mölekwena wa̧pötakwanö jejenö Diosnö aebinobe, otiwanö pjabato̧ja jö̧ba̧lö.

Génesis 8:5

Ja̧danö, jwai balawama tjo̧'omanö öibajijetö isowima Ararat mikwa'onö wonö. Ja̧wo̧dö du̧ju̧tajanö ichibenanö baibaja̧ bajalekwö ja'yubeda ida̧ökö okobe jwiinö mö'ösa'iju bajalema öwawachijetö.

Génesis 8:7

Po̧bebajo̧ ja'donö pjiyuwanö, cuervo mikwo̧nö köbebö webijetö Noéma jwai balawa okobe jwiinö öbibajö niji öwawachojobö edobö. Ja̧danö, köbebö weajökwe pjiyuwama okobe jwiinö köba̧löda köba̧lijetö böjȩnö jwai balawa öibajonö te'ada̧lö.