Génesis 8:21 - Dios Iwene

²¹ Ja̧danö, Isabenö Jo̧ Diosma Noé ujuwi̧ söinö 'dö̧ekwobe 'dö̧batö jö̧ba̧lijetö itedada: —Yemidanöma lȩbebö wetökakwo̧sa niji suli̧ waekwobö, jojodö sulabenö omukwatö tjö̧ji̧ balekwa mikwama. Chöwaisawö̧ jojodönöma. La'akatjöda, tjemu tjö̧jemitjö̧ damö batjibanö sulabenö omukwatö ja̧badö. Jejenö tjö̧jijayonö yemidanöma lȩbebö wetökakwo̧sa niji suli̧ waekwinö. Ja̧danö, yemidanöma söbeböbi lotökakwo̧sa babe söbebö lotinanöma, okobe deinö böjȩnö 'yaba̧ladönö söbebö lobö— jö̧ba̧lijetö Isabenö Jo̧ Diosma itedada, söinö 'dö̧ekwobe 'dö̧atena.

Génesis 8:21 Referans Kwoze

2 Corintios 2:15

Jau chömöledö, Diosma ökwödönö ujuninobe ökwödönötjö böjȩ jojodö ja̧kwawa wene tjöwaiso jö̧ba̧lö. Ja̧danö wanedö yötawa: Ökwödö Cristo jawa wene yöbawadöma, Cristo Diosnö iyawa söinö omewi̧ iyawadanö ichejekwadösa, ja̧danö wanedö yötawa: Cristo jawa wene yödawenama, ja̧ söinö omewi̧ 'dö̧batadö böjȩ jojodöma, tjö̧jibakwedötjöbi, Dios lȩebakwawö̧tjöbi.

Efesios 5:2

Cristoma ökwödönö ile niebobetjö̧ dumusidi̧ midawö ö'wöchijetö, dö̧jibinö pjabatö. Jejenö pjabatö, Diosnö söinö nöekwi̧ jawa juwö tjiyinadanö Cristoma midawö iyijetö Diosnöma. Ja̧danö chömöledö, Cristo ökwödönö ile niebi̧danö ökwödöbi kwömöledöduwinö ile nibebö ja̧duwi.

Génesis 6:5

Jojodöma jwiinö sulabeda ja̧bö ju̧kwijadötö böjȩnö, ba̧kwelöjatebö. Tjomajadenö tjomukwati̧ma sulabeda omukwatijadötö, okobe jwiinö. Isabenö Jo̧ma jobadö jwiinö sulabenö ja̧bö tjuju̧kwobe edijetö.

Filipenses 4:18

Jau chömöledö, otiwanö balada kwiyinaduwobetjö̧, otiwanö chujuna̧lobe. Wanedö yötawa: Su̧'bȩ babibö welachibanö chujuna̧lobe ichejekwa. Epafroditoma ökwödö kwiyaduwaja̧ balada ichejebinobetjö̧, okobe jwiinö chujuna̧lobe babema. Ja̧danö, kwiyinaduwama, Diosnö iyawadanö ichejekwinobe chömöledö. Wanedö yötawa: Söinö 'dö̧ekwi̧ iyawadanö ichejekwinobe, ja̧danö ja̧ 'dö̧batö ösödinobe Diosma chömöledö.

Mateo 15:19

Jau chömöledö, okobe jwiinö sulabenö tjomukwati̧ma, tjomajadetjö laebi̧, jojodönö kwabö lotjobö tjomukwati̧bi, tji̧lȩkwa̧muböködökwö sulabenö ja̧awa ja̧danö ju'wibi sulabenö 'da̧'da̧akwawa ja̧awa ja̧tjobö tjomukwati̧bi, tjönaukwobö tjomukwati̧bi, omöna yötja̧lobö tjomukwati̧bi, jojodönö sulabenö yötja̧lobö tjomukwati̧bi.

Génesis 3:17

Ja̧danö, iso̧nö jö̧ba̧lijetö: —Kwilekwo jö̧ja̧li̧ wene ösödö kukwoko jö̧ta̧linowinö wa̧ji̧ kwukwajabetjö̧ nijima suli̧ baibanö lȩteba. Bemi tupakwöma 'yaka̧lemi baibanö juluwachiböda labinö kwotidajenada, ku̧kwama pokwiakwo̧ja.

Juan 3:6

Böjȩ jojodö tjemawö̧ma böjȩ jojodöda ¿jö̧tö? Jejenömaökö Dios O̧'wo̧ Luwo̧tjö emawö̧ma. Dios O̧'wo̧ Luwo̧tjö emawö̧ma Dios O̧'wo̧ Luwo̧ jojodö.

Isaías 53:6

Jau, obejadö le'dewö tji̧'yidanö, okobe deinö ökwödöma bakwo̧nökwena dösödobekwö 'ya̧nö, Diostjö 'da̧bachibö di̧'yajabe, ja̧danö 'da̧bachibö di̧'yiökwe, ökwödönö lȩebo jö̧a̧linobe. Jo̧kwaijayonö, ökwödö dusulama, joba iteda ömöayo̧nöda öwaninobe Isabenö Jo̧ma, jo̧bada lȩekwa emakobetjö̧.

1 Juan 5:19

Ja̧danö chö̧ja̧wo̧dö döwaisa, Ökwödöma Dios i̧tji̧mu babibinadösa, jö̧ba̧lö. Ja̧danö, böjȩnö ju̧kwadö Jesúsnö öpöjödadöma Dios i̧tji̧muböködö. Jobadöma sulabo̧ Awetja sulabenö ja̧tjobö öibawö̧, jo̧ba i̧tji̧mubedö.

Romanos 1:21

Jobadö, Diosnö öpöjödadönöma yötawaduwakwö chömöledö: Diosnö tjöwaisijayonö jo̧banö ösödöködö, ökwöma Duluwo̧ Dios, jö̧ba̧lö. Ju'wibi, Diosma jobadönö otiwanö pjaatijayonö, pjaataja̧ yelösöda omukwatöködö. Jemi tupakwö, Diosnö omukwatökönö, sulabe jawada, böjȩ jawada omukwatadö. Ja̧danö, okobe jwiinö tjomukwati̧ma, sulabenö omukwatadöda babibadö.

Proverbios 20:9

Ja̧danö, ju'wibi yötawa: Bakwo̧, ötjöma chomajadenö chomukwati̧ma chidewachibinö otiwanöda omukwato̧sa, jö̧ba̧lo̧ma ¿ö̧jobeji̧? Deobe. Ja̧danö, ötjöma tjo̧wi̧ chusuli̧ma jwibo̧sa, jö̧ba̧lo̧ma ¿ö̧jobeji̧? Kwöwaisaduwa, Deobe.

Diosnö ösödo̧ Job mikwo̧ usula emawina jawa 14:4

Kwöwaisa Dios, ökwödö bö̧jȩ jojodöma okobe deinö dusula juna̧ladösa, bakwo̧bi bakwainö usula jwiinö ö̧joböma jwibo̧, jö̧tö?

Éxodo 29:25

Ikenama, tjömamiju yemidanö nijakwö jwitjatena tjömamijutjö emö kwödo okobe jwiinö juwö iyawapjo wame kwujuwobö, ajayinö kwujuwajökwe wamenö. Ja̧ juwö kwiyaduwakwa̧bi imiyupjo kaami̧ 'dö̧ekwi̧, söinö 'dö̧ekwi̧ kaama, jö̧ba̧lö, chösödocha.

Éxodo 29:18

Ikenama, ötjö, Isabenö Jo̧nö ösödö okobe jwiinö kwujuwo. Kabamö 'dö̧ekwi̧ma, söinö 'dö̧ekwi̧ kaama, jö̧ba̧lö, chösödocha.

Génesis 6:17

Ja̧danö, jö̧ba̧lijetö Diosma: —Noé, a̧ja̧kwi. Ötjöma jwai balawa okwatibanö wetakwo̧sa böjȩ bakwemeachibanö. Jejenö okobe deinö tjo̧'wo̧nö emadönöma söbebö lotakwo̧sa. Noé, okobe deinö böjȩnö ju̧kwadöma o̧bibö debö tji̧'yakobe— jö̧ba̧lijetö—.

Isaías 65:6

Jobekwö sulabenö ja̧bö tjö̧ji̧ wajwitenaji̧? Isabenö waiso̧sa, ja̧bö tjö̧ji̧ wȩyukwa'yema chöba a'o juna̧lo̧sa chömöledö, ja̧danö baikwö yötawaduwakwö, jobekwö sulabenö ja̧bö tjö̧ji̧tjö, wi̧inö chö̧jökakwo̧sa. Ja̧bö tjö̧ji̧ mikwa baibanö, isabenö balekwa mikwa lȩtebocha, ba̧jȩkwachenanö baibanö isabenö lȩtebakwo̧sa.

Isaías 48:8

Ja̧u, babe ökwödönö yötawi̧ma, ina kwa̧ja̧kwinaduwökö jawa, ina wajwiköbaduwii̧ jawa, ina ökwödönö yötjawinökö jawada yötawocha, a̧ja̧kwajadö, —Ida̧ökö chöwaisi̧ jawada yöawajabe Diosma, —jö̧ba̧lö yöka̧laduwapji jö̧ba̧lö. Ökwödönö chöwaisawö̧ja chömöledö, omöna yöba̧ladö kwö̧jaduwi̧ma. Ja̧danö israelsaso bakibinaduwelö, baikwö bajalenö ba̧kwelöjatebö, Dios wei̧ a̧ja̧kwöködö jö̧ba̧lö ötjabi̧wö̧ja, jö̧ba̧lö chöwaisawö̧ja.

Isaías 47:15

Jobekwö pjatjatökakwedö, okobe deinö kwömöledöma. Tjemu bayuju kwö̧jinelö ba̧kwelöjatebö jobadökwö kwotidinajayonö, okobe deinö jelobekwö, jelobekwö tjösödobekwö latjebakwedö, ökwönö omukwatökönö, ja̧danö bakwo̧bi deakobe, kwö̧jibinö pjabato̧ma. Jau, ökwönö lȩtebakwa̧ badekwachenama, bakobe ji̧kwawa jwibö kwö̧jakwujuja, ökwö Babilonia jojosujuma, jö̧ba̧lö wanedö yöawinobe Diosma, Babilonia jojodönö lȩebakwa̧ma.

Isaías 47:12

Ökwöma omukwatö ju̧juja: —'Diinö ja̧nö, okobe jwiinö mea 'boawa jawa ja̧tocha, ja̧danö tjemu bayuju chö̧jinelö baikwö bajalenö, ba̧kwelöjatebö mea 'boawa yöa̧lakwawa jawa yöba̧liachinadanö, tupakwönönö, yöta̧locha. Jobekwö jwaikwöda mea 'botitjö̧ma, sulabenö baledakwa̧ baledökönö, chöpöjojodö yetjabobö ja̧tena, —jö̧ba̧lö omukwatujuja.

Génesis 5:29

Jo̧ba itji̧nö midijetö Noé, jö̧ba̧lö. Ja̧ imi, Noé jö̧ba̧löma baikwö wanekwachobe: Bitema ökwödönö pjaatakwo̧. Jo̧bama bemi niji, Isabenö Jo̧ leebinemi labinö dotodi̧tjö dö'wachobö pjaatakwo̧, jö̧ba̧lö. Jejenö jö̧ba̧lö, wanekwachobe ja imi, Noé jö̧ba̧löma.

Génesis 4:12

Bena niji junö kwotidobö jö̧ka̧lijayonö wa̧ji̧ökakwo̧ja. Jo̧kwaobetjö̧ jelobe jelobebi kwejunö kwö̧ji̧ jwiinö ö'öba̧liböda kwö̧jakwo̧ja— jö̧ba̧lijetö Isabenö Jo̧ma, Caínnö lȩbebö.

Génesis 6:7

Jejenö o̧'wo̧ tjo̧bekwö omukwatö: —Böjȩtjö söbebö lotakwo̧sa ötjö chotidinawö̧nö, jojodönöma. Isabenö sulabeda omukwatö tjö̧jitjö̧ jwiinö cho̧'wo̧ tjo̧bekwo̧sa, sulabedöwe, la'akatjöda chotidinökötjö̧bö, jö̧ba̧lö. Ja̧danö, a̧ji̧kwakwawedönöbi, nijinö töbawadönöbi, mö köba̧lö ju̧kwadönöbi sobebö lotakwo̧sa, okobe deinö— jö̧ba̧lijetö Isabenö Jo̧ Diosma.

Génesis 6:13

Ja̧danö, Diosma Noénö jö̧ba̧lijetö: —Noé, jojodöma sulabenö omukwatö tjö̧jobetjö̧ böjȩ ba̧kwemeachibanö inia tjötjinö ja̧bö, ölakwabikwawö tjuju̧kwobe. Jejenö tjö̧jitjö̧ baikwö omukwatö chujunajabe: Böjȩnö ju̧kwadönö söbebö lotakwo̧sa, okobe deinö jojodönöbi, a̧ji̧kwakwawedönöbi, tebonö ju̧kwadönöbi, mö köba̧lö ju̧kwadönöbi, okobe deinö böjȩnö ju̧kwadönö— jö̧ba̧lijetö—.

1 Samuel 26:19

Chuluwo̧, ötjönö kwa̧ja̧kwobö atebakwö, ötjö kwömöayo̧ yöta̧li̧ kwa̧ja̧kwobö ateba. Isabenö Jo̧ Diosda ötjönö kwöpöjödobö weatjö̧ma, jo̧banö iyawa chiyobö jȩna, ötjönö ödameakwi̧ kaatakwawobö. Jo̧kwaijayonö jojodöda ötjönö kwölabobö ja̧tjatjö̧ma, Isabenö Jo̧ jobadönö lȩebobö jo̧be. Jau, ötjönö kwölabobö ja̧badöma sulabenö ötjönö a'dewö lotjobe, Duluwo̧ Isabenö Jo̧ iyinemi nijitjöma, ja̧danö ötjönö wetjobe, –Isabenö Jo̧nö ösödökönö, ju'wedö tjösödawö̧nöda ösödö kwö̧jo,–jö̧ba̧lö.