Génesis 7:10 - Dios Iwene

¹⁰ Ja̧danö, isowi okwa tetjachaja̧ ikena jelemutjö dötölataja möle baibena jwai balawa ma jamatö okwatijetö böjȩnöma.

Génesis 7:10 Referans Kwoze

Lucas 17:27

Jau chömöledö, Noé ö̧jena jojodöma, tjo̧'wo̧ söba̧lö kwanöbi tjukwinobe, ja̧danö owöbi tjowinobe, ja̧danö ömadöma tji̧lȩkwa̧munö tjeminobe, ja̧danö ya̧döma tji̧lȩkwa̧munö tjeminobe, Noé isowi nöowinö teachakwa̧ möle baibenanö kabatö, ja̧danö ojwe okwatö okobe deinö jobadönö söbebö loenanö kabatö, ¿jö̧tö?

Génesis 7:4

Ina yöba̧lijetö: —Noé, jelemutjö dötölataja möle baibena ojwiyo o̧binö wetakwo̧sa cuarentanö möle, cuarentanö yö̧te o̧bobö, jwai balawa okwatinö. Jejenö ötjö chotidinawö̧ jojodönöbi, ju'wedö böjȩnö ju̧kwadönöbi okobe deinö söbebö lotakwo̧sa— yöba̧lijetö Isabenö Jo̧ma Noénöma.

Diosnö ösödo̧ Job mikwo̧ usula emawina jawa 22:16

Jobadönö baledina kwomukwatibo Job, ina pöe waekwöködö tjö̧jayi, sulabenö ja̧tjiökwe, Diosma ojwe okwatibobö weinobe, ja̧danö jwaikwöda jobadönö söbebö loinobe, jö̧tö?

Génesis 6:17

Ja̧danö, jö̧ba̧lijetö Diosma: —Noé, a̧ja̧kwi. Ötjöma jwai balawa okwatibanö wetakwo̧sa böjȩ bakwemeachibanö. Jejenö okobe deinö tjo̧'wo̧nö emadönöma söbebö lotakwo̧sa. Noé, okobe deinö böjȩnö ju̧kwadöma o̧bibö debö tji̧'yakobe— jö̧ba̧lijetö—.

Génesis 7:9

Bakwo̧nökwenada tjilekwokwena tebachijadötö, Isabenö Jo̧ Dios weaja̧danö.