Génesis 7:1 - Dios Iwene

¹ Jemi ikenama Isabenö Jo̧ma webijetö Noénö: —Noé, chedemi böjȩnö ju̧kwadötjö ökwöda ötjö weti̧ a̧ja̧kwö ja̧jibo̧ma. Jo̧kwaitjö̧ wetakwö: Isowi okwa tebachi, kwilekwokwö, kwi̧tji̧mukwö, kwo̧jo̧li̧mukwö.

Génesis 7:1 Referans Kwoze

Génesis 6:9

Biya̧ yöawi̧ma Noé ö̧jina jawa. Noéma i̧tji̧munö ömadönö wa̧medukwanö 'yabebijetö, Sem, Cam, Jafet mikwadönö. Ja̧danö, Noéma otiwanö omukwatö ji̧jetö. Ja̧ möle ju̧kwadötjö Noéda otiwanö omukwatö, Dios wei̧ a̧ja̧kwö ji̧jetö. Ja̧danö, Noéma Dioskwö jwaikwöda 'yi̧abijetö.

Hebreos 11:7

Ja̧danö, da'dömine Noébi Diosnö o̧'wo̧ wana̧lö ji̧na. Diosma jo̧banö yöawinobe jojodönö lȩbebö weakwa̧, wotjinö baibanö ojwe okwatinö baledakwa̧ma. Ja̧danö Noéma, ja̧ yöawi̧ma, jejenö okwatobe la'akatjöda edajiököjayonö Diosnö o̧'wo̧ wana̧lö ö̧jinobe. Ja̧danö, Noéma Diosnö yebabinö ja̧nö, jo̧banö o̧'wo̧ wana̧lö, Dios wei̧ a̧ja̧kwinobe, isowi otidobö wei̧ma. Jo̧kwaobetjö̧ Noéma, Diosnö o̧'wo̧ wana̧lö isowi nöowi otidinobe ömöledönö tjö̧jibinö pjaatobö. Ja̧danö jo̧ba Diosnö o̧'wo̧ wana̧lö isowi otidinama i̧sebinobe, Isabenö, böjȩnö ju̧kwadö Dios wei̧ a̧ja̧kwöködöma sulabedö, Dios lȩebakwawö̧, jö̧ba̧lö. Jo̧kwaijayonö Noéma Diosnö o̧'wo̧ wana̧liökwe Diosma, itenöda ösödadönö jö̧a̧li̧danö jö̧a̧linobe Noénö, Chedemi bitema suli̧ jwibo̧, jö̧ba̧lö.

Génesis 7:13

Ja̧ möle, ojwiyo jamatö o̧bi̧ möle baibena Noé, i̧tji̧mu Sem, Cam, Jafet, ilekwo, o̧jo̧li̧mu isowi okwa tebachajadö a̧jijadötö.

Hechos 2:39

Biya̧ wenema, O̧'wo̧ Luwo̧ tebachibö öjamatakwa̧ wenema, ökwödönöbi, ökwödötjö tupadanö jojodönöbi, ju'wedö ödö ju̧kwadönöbi Dios yöbawö junijetö. Okobe deinö Duluwo̧ Dios jwöinawö̧nöma biya̧ wenema yöbawö junijetö Diosma, iteda O̧'wo̧ Luwo̧ tebachibö öjamatakwa̧ wenema— yöbawijetö Pedroma.

Lucas 17:26

Ja̧danö, jejenö baledaja̧ ikena ja'yubenö lekwajabetjö lȩbebö chichakobe. Ja̧danö, lȩbebö chichakwa̧ abönö, Noé ö̧jinena baledinadanö baledakobe chömöledö, jojodö lȩtebakwa̧ tjomukwatokonö juluwanö chichakobe.

Proverbios 14:26

Ja̧danö, ju'wibi yötawa: Isabenö Jo̧nö yebabinö omukwatö jo̧ma o̧'wo̧ ösöwanö jo̧, Isabenö Jo̧ma ötjönö te'ada̧lo̧ jö̧ba̧lö. Ja̧danö, jo̧ba i̧tji̧mu̧nöbi te'ada̧lo̧ Isabenö Jo̧ma.

Génesis 7:7

Ja̧danö, Noé, i̧tji̧mu, ilekwo, o̧jo̧li̧mu isowi okwa tebachijadötö, ojwiyo okwati̧tjö ju̧kwibadöma.

Proverbios 18:10

Ja̧danö, ju'wibi yötawa: Isabenö Jo̧ma jo̧banö tjo̧'wo̧ wa̧na̧ladönöma te'ada̧lo̧. Wanedö yötawa: Isabenö Jo̧ma o̧do möeju, 'diinö otikwejudanö wanekwacho̧. Jo̧banö tjo̧'wo̧ wa̧na̧ladöma labi̧ jawa ichena jeju jo̧bekwö juluwanö ö'öbakwawö tetjachi̧danö tjö̧jibobö tebachadö.

Proverbios 10:9

Ja̧danö, ju'wibi yötawa: Otiwanö omukwatö jo̧ma jwaikwöda yebabökönö 'yo̧. Jo̧kwaijayonö sulabenö omukwato̧ma jobekwö jwaikwöda i̧'yokobe. Jo̧bama sulabenö öwaedotö jö̧ba̧lö i̧'yijayonö öwaekwakwo̧, jojodöma jo̧ba sulabenö tjo̧mukwati̧ tjöwaisachibobetjö̧.

Lucas 1:6

Jobadö Zacaríasbi, ilekwo Elisabetbi Dios öba a'otjö otiwanö ja̧bö tjö̧jinobe, ja̧danö omukwatönö ja̧bö tjö̧jinobe, okobe jwiinö Duluwo̧ wei̧danö ja̧bö tjö̧jobö.

2 Samuel 22:24

Isabenö Jo̧ öba a'otjö wene jwiinö chö̧jajabe, ja̧danö teada̧lönö chö̧jajabe, jo̧ba weöködanö ja̧tapji jö̧ba̧lö.

Génesis 6:18

Jo̧kwaijayonö Noé, ötjö chiwene yöbawö chujunocha ökwönö, baikwö chiwenema: Noé, ökwö, kwömöledöbi, jwai balawa okwatibena woköbaduwökakobe. Ökwöma isowi okwa tekachakwo̧ja. Ja̧danö, kwi̧tji̧mu, kwilekwo, kwo̧jo̧li̧mu ökwökwö isowi okwa tetjachakwedö. Jejenöobetjö̧ woköbaduwökakwedöja— jö̧ba̧lijetö Diosma Noénöma.