Génesis 50:19 - Dios Iwene

¹⁹ Jejenö yötja̧lökwe Joséma jö̧ba̧lijetö: —Chömöledö, yekabiduwa ötjönöma. Ötjöma Diosbö̧kö̧sa. Ja̧danö, ökwödönö lȩekwa yöbawö lȩtebobö jwibo̧sa.

Génesis 50:19 Referans Kwoze

Romanos 12:19

Chömöledö, ju'wedö ökwödönö sulabenö ja̧tjenama, balekwa mikwa yelösöda ja̧bökönaduwi sulabenöma. Diosda sulabenö ja̧badönö lȩbebo̧ chömöledö, ökwödömaökö. Baikwö laebobe Dios iwenema: Duluwo̧ma baikwö yöawobe: Ötjödasa balekwa mikwa lȩbebo̧ma, ötjöda lȩtebocha jojodö sulabenö ja̧tji̧ mikwa, jö̧ba̧lö laebobe Dios iwenema.

Génesis 45:5

Chömöledö, ötjönö mikwanö kwiyinaduwa omukwatö kwo̧'wo tjo̧bekwaduwökönuwi. Ja̧danö, ökwödödada kwomajadeduwi okwanöma labiduwökönuwi, dakwö sulabenö ja̧dinajö, jö̧ba̧lö. Isabenö yötawaduwakwö: Diosda bai chichobö weinobe ötjönöma ökwödö kwabönöduwi ökwödönö pjatatobö, 'yaba̧lö kwuju̧kwaduwobö.

Génesis 30:2

Ja̧danö Jacob, jejenö jö̧ja̧lökwe jwiinö labijetö: —¿Ötjöma Dioschi̧ji̧? Diosda ökwönö iyobö jo̧be kwi̧tji̧munö— labinö jö̧a̧loko:

Hebreos 10:30

Chömöledö döwaisa, Diosma jobadönö jwiinö lȩebakobe, jö̧ba̧lö. ¿Kwomukwataduwiji̧ Dios iteda lȩebakwa̧ yöawinama? Baikwö laebobe Dios iwenetjö: Otjödasa jojodönö lȩbebo̧ma. Jo̧kwaobetjö̧ ötjöma jojodö sulabenö ja̧tji̧ balekwa mikwa lȩtebakwo̧sa, jö̧ba̧lö laebobe. Ja̧danö baikwöbi laebobe Dios iwenetjö: Duluwo̧ Diosma iteda ömöledö tjö̧jina edö lȩbebö yöawakwo̧. Jejenö laebobe Dios iwenetjö.

2 Reyes 5:7

Jobekwö iyajökwe, yeaibinobe Israel la'aka luwo̧ma, ja̧danö ökamiji̧do̧ kȩ'ekwö lobö yöa̧linobe, —Ötjöma Diosbö̧kö̧sa, ötjöma ö'wö batjibanö wetoböbi, 'yatja̧linö wetoböbi juluwö̧kö̧sa. Siria la'aka luwo̧ ötjönö weaja̧ma, tajawedö weobejö, bite ömöayo̧ ö'wöchi̧tjö ö̧bibajinö pjatatoböma. Ötjönö suli̧ öwaedotö jö̧ba̧lö jobekwö weajena, pjabatökönö chöjiökwe, sulabenö pjabatö̧kö̧ jö̧ba̧lö ötjönö ölakwabikwawakobetjö̧, —jö̧ba̧lö.

Mateo 14:27

Jo̧kwaijayonö Jesúsma juluwanö yöawinobe: —Juluwachibaduwi. Ötjöma Jesússa. Yebabökönaduwi— jö̧ba̧lö yöawinobe.

Deuteronomio 32:35

Isabenö ötjödasa sulabenö ja̧tji̧ balekwa mikwa lȩbebo̧ma, ja̧danö lȩtebobö badekwachenama, lȩtebocha. Baikwö wanedö yötawa: Ja'yubenö lekwajabetjö dusachibö metja̧kwedö, ja̧danö wene tjöbaledakwa̧ma juluwanö badekwachakobe, ja̧danö juluwanö jobadönö söbebö lotakobe, –jö̧ba̧lö yöawobe Diosma.

Génesis 50:18

Ikenama öpöedöma José ö̧jobekwö 'ya̧wibö tjöba nijakwö bȩbachibijadötö, Ökwödöma ökwö weköbi̧da a̧ja̧kwö ja̧dösa, jö̧ba̧lö.

Génesis 50:20

Isabenö ökwödöma kwo̧'wo̧duwi sulinö edö, ötjönö sulabenö baledobö kwomukwataduwinajayonö Diosma ja̧ sulabe baledi̧ma balewö lobö otiwanö baibanö pjaatinobe ötjönöma. Ja̧danö, Diosma ötjönö la'aka luwo̧ baibanö chö̧bobö ujuninobetjö̧ jojodönö, ba̧jekwadönö tjö̧jibinö pjatatobö weinobe.