Génesis 50:17 - Dios Iwene

¹⁷ ökwödönö weijatö, yökawaduwo kwö̧ja̧wo̧ Josénöma, jwiinö sulabenö ja̧köbaduwinama o̧'wo̧ sököbo, jö̧ba̧lö. Jo̧kwaobetjö̧ ökwönö adeba: Kwo̧'wo sököbo ökwödö jwiinö sulabenö ja̧dina ökwönöma. Ökwödö, kwabe'do uluwo̧ Dios ömöayedöma ökwönö adeba, kwo̧'wo sököbo sulabenö ja̧dinama, yemidanö kwomukwatoko, jö̧ba̧lö— jejenö José öpöedöma webijadötö tjö̧mö̧ayo̧nö José yöawobö. Ja̧danö, Joséma jobadö atjebi̧ a̧ja̧kwö o̧'wo̧ jwiinö tjo̧bekwibö budekwabijetö.

Génesis 50:17 Referans Kwoze

Efesios 4:32

Chömöledö, kwömöledöduwinö otiwanö ja̧böda ja̧duwi. Kwömöledöduwinö ösödöda ja̧duwi. Jau chömöledö, Diosma ökwödö kwusuladuwi̧ omukwatökönö söbebö loinobe ¿jö̧tö? Ja̧danö, ökwödöbi kwömöledöduwi sulabenö ja̧tji̧ma kwomukwataduwoko, kwo̧'wo̧ söbibö ju̧kwö.

Proverbios 28:13

Ja̧danö, ju'wibi yötawa: Ökwödö jojodöma, sulabenö ja̧daja̧ma Diosnö yöbawö lodobö jo̧be. Bakwo̧, suli̧ ja̧aja̧ yöbawö loökötjö̧ma bö̧jȩnö ja̧nö otidawama sulabenö baledakwo̧. Jobekwö baledokobe suli̧ ja̧aja̧ yöbawö lobo̧nöma. Jo̧ba̧nö Diosma lȩ lö̧jinö edö pjaatakwo̧, sulabenö ja̧aja̧ yöbawö lobö, kabatibö öbalewachobetjö̧.

Génesis 49:25

Jau, Chuluwo̧ Diosma pjaatakobe jobadönö, ökwötjö tupadanö jojodönö. Jo̧ba, Jwiinö Juluwo̧ Diosma jobadönö dösölö̧jinö edö pjabatö mölejȩbetjö weakobe ojwiyo o̧bobö tjö̧jemi nijinö. Ja̧danö, niji okwatjö ojwese'do okwatinö weakobe, otiwanö tjö̧jakobetjö̧. Ja̧danö, tji̧tji̧munö ba̧jekwadönö 'yatjebobö pjaatakobe, ökwötjö tupadanö jojodönöma. Tja̧jwi̧mubi tjö̧ba̧jekwachobö pjaatakobe Diosma ökwötjö tupadanö jojodönöma. José ökwöma kwömöledö tjuluwo̧köbobetjö̧ Diosnö atebbobe ökwötjö tupdanö jojodönö ösödinö pjaatobö— yöbawijetö Jacobma itji̧ Josénöma.

Génesis 45:8

Jo̧kwaobetjö̧ chömöledö, Diosda weinobe bai chichoböma, ökwödö weköbinaduwama̧kö̧. Ja̧danö, Diosma faraón ipjea luwo̧ baibanö ujuninobe ötjönöma, faraónnö pjabatö yötawobö. Diosda weinobe ötjönöma faraón ömöayedö tjuluwo̧bi, Egypto jojodö tjuluwo̧bi baibanö chö̧jobö.

Santiago 5:16

Isabenö yötawaduwakwö. Jojodö atjebiökwe pjabato̧ Duluwo̧ma, ö'wöchadönö tjö̧bibajinö pjabatöbi, sulabenö ja̧tji̧ yöbawö lobadö tjusuli̧ söbebö loböbi. Jo̧kwaobetjö̧ chö̧ja̧wo̧dö suli̧ ja̧köbaduwi̧ma yökawakwawaduwo ökwödödada. Ja̧danö, ökwödödada Diosnö akebakwawaduwo kwö̧bibaduwinö pjaatobö. Isabenö, bakwo̧ Dios ösödi̧danö ja̧bö jo̧ma Diosnö aebena, Pjabati, jö̧ba̧lö, Diosma iteda ujulunö pjaatobe.

Gálatas 6:16

Okobe deinö yötawaja̧danö omukwatö ju̧kwadönö, Dios isabenö ömöledönöma, Dios jobadönö lȩlö̧jinö edobö chösöda, tjo̧'wo̧ luwo̧ ösöwachibanö.

Gálatas 6:10

Jo̧kwajabetjö̧, otiwanö ja̧dobö ji̧tjö̧ma, otiwanö ja̧bö dö̧jo okobe deinö jojodönö chömöledö, ja̧danö ju'wedönö otiwanö ja̧di̧tjö bajalekwönönö otiwanö ja̧bö dö̧jo dömöledö Jesúsnö ösödadönöma chömöledö.

Marcos 10:41

Ikenama ju'wedö Jesús öba̧ja̧di̧ waisachadö domulatajabedöma, Jacobo, Juan, yötja̧lobe a̧ja̧kwö öpöjödijadötö.

Mateo 25:40

Atjebitjö̧, ötjö la'aka luwo̧ma chatadakwo̧sa: Isabenö yötawaduwakwö, bidö chömöledötjö ju'wedötjö nijakwönönö mikwawö̧kö̧nö jejenö pjakatinaduwenama, ötjönöda pjakatinaduwobe, jö̧ba̧lö.

Mateo 18:35

Tupakwö yöawinobe Jesúsma: —Mölejȩbe jo̧ Chabe'dobi ja̧danö chömöledö. Ökwödöma kwöjawo̧ sulabenö ja̧aja̧ omukwatökönö isabenö jo̧banö kwösödökötjö̧ma, Diosma ökwödö sulabenö ja̧köbaduwaja̧bi söbebö loökena— jö̧ba̧lö yöawinobe.

Mateo 10:42

Ja̧danö, isabenö ökwödönö pjabatadönö pjaatakwo̧ Chabe'doma chömöledö. Baikwö yötawa: Jelo̧ ötjö chöba̧ja̧di̧ waisacho̧nö pjabatö ojwiyo tiyuwobu iyitjö̧ma, chöba̧ja̧di̧ waisachadötjö nijakwönönö mikwawö̧kö̧nöda pjabatö iyitjö̧böbi, otiwanö iyaja̧ mikwa baibanö Diosma isabenö balekwa mikwa iyakwo̧— jö̧ba̧lö yöawinobe Jesúsma.

Mateo 6:12

Ja̧danö, ökwödönö sulabenö ja̧bajadö sulabenö ja̧tjaja̧ omukwatökönö, jobadönö dösödi̧danö, sulabenö ja̧daja̧ omukwatökönö kwösödo ökwödönö.

Génesis 50:20

Isabenö ökwödöma kwo̧'wo̧duwi sulinö edö, ötjönö sulabenö baledobö kwomukwataduwinajayonö Diosma ja̧ sulabe baledi̧ma balewö lobö otiwanö baibanö pjaatinobe ötjönöma. Ja̧danö, Diosma ötjönö la'aka luwo̧ baibanö chö̧bobö ujuninobetjö̧ jojodönö, ba̧jekwadönö tjö̧jibinö pjatatobö weinobe.

Génesis 31:42

Isabenö yöta̧la. Chabe'do Isaac Uluwo̧ Dios, yebabinö omukwatökwe Dios, cha'dö Abraham Uluwo̧ Diosma ötjönö pjaatökötjö̧ma belö, Da̧ji̧, jö̧ba̧lö, chitea jwibö chȩwa̧jobö wetoköbinobe. Jo̧kwaijayonö Diosma ötjö usula chemawi̧ma edinobe, juluwanö otidiachinama. Jejenö edinobetjö̧ jo̧da yöte ökwönö jweinö yöawajabe, Sulabenö ja̧köbinobe, jö̧ba̧lö— jö̧ba̧lijetö Jacobma Labánnö.

Génesis 50:16

Jejenö yetjabobetjö̧ webijadötö tjö̧möayo̧nö Josénö yöawobö, baikwö: —Duluwo̧, kwabe'do ö'wö baibakwa̧ abönö

Génesis 50:18

Ikenama öpöedöma José ö̧jobekwö 'ya̧wibö tjöba nijakwö bȩbachibijadötö, Ökwödöma ökwö weköbi̧da a̧ja̧kwö ja̧dösa, jö̧ba̧lö.