Génesis 49:7 - Dios Iwene

⁷ Ina yöbawijetö jobadönö, Dios lȩebakwa̧ jawa: —Ökwödöma Dios lȩebakwawö̧ja jwiinö labidököbaduwobetjö̧. Ja̧danö lȩebakwawö̧ja ju'wedönö labinö inia tjötjinö ja̧köbaduwobetjö̧. Baikwö lȩebakobe Diosma ökwödönöma: Ökwödötjö tupadanö jojodöma bakobe, bakwasonö tjuju̧kwökakwedö. Idöda tjitebonö tjuju̧kwökakobe, ju'wedö tjömöledö bakwasokwena tjitebonö tjuju̧kwi̧danö. Jobadötjö ju'wedöma jelobe, ju'wedöma jelobe, ju'wedöma jelobe, Israel niji okobe jwiinö, bakwemeachibanö tjuju̧kwakwedö, bakobe jö̧kö̧nö— yöbawijetö i̧tji̧mu Simeónnö, Levínö jobadötjö tupadanö jojodönö baledakwa̧ma.

Génesis 49:7 Referans Kwoze

Proverbios 27:3

Ja̧danö, ju'wibi yötawa, wanedö: Bakwo̧ inawa ömökawa e'ewö jwöbo̧, jwu'we, chime'dawachiba ömöka jö̧ba̧lö. Ja̧danö, so̧bi̧ya̧pu̧ bade'donö su̧'bȩinö anibö e'ewo̧ma jwöbo̧, jwu'we, chime'dawachiba ömöka jö̧ba̧lö jö̧ba̧lö. Ja̧danö, jweinö omukwatö̧kö̧ma jelo̧nö wene nöinö jwöebobetjö̧, wene jwöebökwema ömöki̧ e'ewi̧danö jwöbo̧, jwu'we, me'dawachibo̧sa, jö̧ba̧lö. Isabenö, ömöki̧ e'ewi̧ ime'dawachibi̧tjö̧ bajalekwönönö ime'dawachibobe wene nöinö jwöebökwema, jweinö omukwatö̧kö̧ jo̧banö wene jwöebobetjö̧.

1 Crónicas 6:65

Judasaso jojodöbi, Simeonsaso jojodöbi, Benjaminsaso jojodöbi tjiyina comunidadbiya imima ida̧ökö laebajabe.

2 Samuel 13:15

Ikenama, öjawujunö 'da̧bö kabatajo̧, Amnonma jwiinö öpöjödachibinobe öjawuju Tamarnö. Ajayinö ösödaja̧tjö bajalekwönönö jwiinö öpöjödachibinobe. Jobujunö öpöjödö, —A̧la̧ibö da̧ji, —weinobe.

Proverbios 29:22

Ja̧danö, ju'wibi yötawa: Bakwo̧ juluwanö dameakwö jo̧ma ju'wedökwö wene tjuna̧lobö isakwo̧. Ja̧danö, jo̧ba dameakwabo̧ma ju'wi jawabi ju'wi jawa sulabenö ja̧bö jo̧, ba̧kwȩlö̧jatebö.