Génesis 48:5 - Dios Iwene

⁵ Ina yöbawijetö: —Chitji̧, ökwö kwi̧tji̧mu, bena chichakwa̧ abönö 'yakebinawö̧ma, Efraín, Manasés ötjöda chi̧tji̧mu batjibanö 'da̧batö chujuna. Jobadöma ötjö chi̧tji̧mu Rubéndanö, Simeóndanö, ja̧danö ju'wedö chi̧tji̧mudanö ja̧dö babema. Ja̧danö, ötjö chi̧tji̧mutjobetjö̧ chitea weti̧ma, ö'wö batibaja̧ okobe tjemobö weti̧ma jobadöbi tjemakwedö.

Génesis 48:5 Referans Kwoze

Génesis 46:20

Ja̧danö José i̧tji̧mu, Egiptonö 'yaebinawö̧ma bidö: Manasés, Efraín. Jobadöma Potifera itjiju Asenat 'yajebinawö̧. Jabe'do Potiferama On comunidadnö ju̧kwadötjö idöda tjo̧'wo̧ tjöwa̧na̧lökwetjö tjö̧'da̧de pjabato̧.

2 Corintios 6:18

ja̧danö ökwödö kwabe'doduwi chö̧jakwo̧sa, ja̧danö chi̧tji̧mu ömadöbi, chi̧tji̧mu ya̧döbi kwö̧jaduwakwedöja, jö̧ba̧lö laebobe Dios iwene, okobe jwiinö juluwo̧ Duluwo̧ yöbawö ujunina wenema.

Josué 13:7

Ja̧danö, ina tjitebo jwibadö jelemutjö̧ ö'wejemusasobi, Manasessaso ja'öbi, tjitebo baibanö niji 'da̧batö kwiyobö badekwachajabe Josue. Okobe jwiinö ida̧ökö kwemaduwaja̧ nijibi, tupakwö kwemaduwakwa̧ nijibi 'da̧batö kwiyo, bakwasokwena jojodö tjitebo niji̧ tjujuna̧lobö, —jö̧ba̧lö yöa̧linobe Isabenö Jo̧ma, Josuenö.

Efesios 1:5

Chömöledö, Diosma ökwödönö ile niebobetjö̧ ida̧ökö ajayitjöda omukwatijetö ökwödönöma, Bidönöma ötjö chi̧tji̧mu batjibanö 'da̧batö chujunakwo̧sa, Jesús imidawakobetjö̧, jö̧ba̧lö. Jejenö omukwatö ösödinobetjö̧ Diosma omudawö junijetö ökwödönöma, iteda i̧tji̧mu badibobö.

Isaías 43:1

Sulabenö ja̧diökwe, ökwödö Jacob itji̧mu tupadanö jojodönö otidina, israelsaso badibanö otidina Isabenö Jo̧ Diosma ökwödönö lȩebinobe. Jo̧kwaijayonö, ökwödönö lȩbebajo̧, baikwö yöawobe: Ökwödö Israel jojodöma, yekabiduwoko, ötjöma kwö̧ji̧baduwinö pjatatinobetjö̧. Isabenö ötjöda chömöledöja, ja̧danö ötjöda chömöledököbaduwobetjö̧, otiwanö jweinö kwimiduwi yöba̧lö ökwödönö jwötajabe, jo̧kwajabetjö̧ yekabiduwoko.

Hebreos 11:21

Ja̧danö da'dömine Jacobma, Diosnö o̧'wo̧ wana̧lö ö̧jobetjö̧ jwiinö pöe, ida̧ökö woawa yöneawachenama, otokwa'onö ja̧nö Diosnö ösödö yöawinobe ö̧'dö̧dö José i̧tji̧munöma du̧ju̧tajanö bakwo̧nökwena, Diosma isabenö ökwönö pjaatakwo̧, jö̧ba̧lö.

Génesis 48:1

Ju'wi möle, Joséma abe'donö, weköbi̧ isabenö ja̧tocha, jö̧ba̧lö, yöawinemitjö tupakwö bakwo̧ma yöbawijetö Josénö: —¡Chuluwo̧! kwabe'doma jwiinö ö'wöcha!— yöbawijetö. Jejenö yöawökwe i̧tji̧mu Manasésnö, Efraínnö öbibö 'yi̧jetö abe'do ö̧jobekwö.

Génesis 48:6

Jo̧kwijayonö tupakwö kwi̧tji̧munö 'yakebitjöma, jobadönö ötabökena, chitji̧mu̧, jö̧ba̧löma. Jobadöma chitea nijitjö tjemijayonö tjemakwa̧ma Efraínnö chiyitjö̧da, ja̧danö Manasésnö chiyitjö̧da tjemakwedö— yöbawijetö Jacobma Josénö.