Génesis 47:16 - Dios Iwene

¹⁶ Jejenö atjebökwe: —Balada jwiköbaduwitjö̧ma kwa̧jwi̧muduwinö balewöda chiyocha kwakwawama. Jo̧kwaobetjö̧ kwa̧jwi̧muduwinö ichejebaduwi kwiyaduwotjö— webijetö Joséma.

Génesis 47:16 Referans Kwoze

Colosenses 4:5

Chömöledö, ju'wedö Cristonö ösödöködökwö ja̧bö kwö̧jaduwi̧ma waisanö omukwatö ja̧bö kwö̧jaduwo. Jobadönö Cristo jawa kwi̧sebaduwobö jȩnama, i̧sebö kwö̧jaduwo, jobadöbi tjö̧jibo jö̧ba̧lö.

Filipenses 4:8

Bajaleapo yötawi̧ma baikwö yötawaduwakwö, otiwi̧ jawada, jojodö biya̧ma otiwa jö̧ba̧lö tjomukwato jö̧tja̧li̧ jawada kwomukwataduwo jö̧ba̧lö. Jau chömöledö, isabenö ji̧ jawada, ja̧danö otiwanö tjomukwati̧ jawada, ja̧danö jwei̧ jawada, ja̧danö bakwainö wene jwii̧ jawada, ja̧danö tjo̧'wo̧ ösöwi̧ jawada, ja̧danö jojodö tja̧ja̧kwobö otiwi̧ jawada omukwatö kwö̧jaduwo.

1 Corintios 10:32

Ja̧danö, ja̧bö kwö̧ji̧ma, okobe deinö judío jojodöbi, judío jojodöböködöbi, Dios ömöledöbi ökwödönö sulabenö ja̧badö jö̧ba̧lö öpöjödö tjomukwatapji jö̧ba̧lö, ja̧bö kwö̧jaduwo.

Proverbios 12:17

Ja̧danö, ju'wibi yötawa: Lȩekwa yöbawo̧ öba a'o ja̧nö jweinö yöba̧lo̧ma baledina edi̧ma jweinö yöawobe. Jobekwö yöawokobe omöna yöba̧lo̧ma, omönada yöbawo̧ lȩekwa yöbawo̧nö.

Génesis 47:15

Jemi ikenama, kabatökönö baladanö mikwanö jö̧ba̧lö tjemobetjö̧ Egiptonö ju̧kwadöbi, Canaánnö ju̧kwadöbi tju̧kwa baladama 'dö̧bekwajijetö. Jejenö 'dö̧ekwajö Egiptonö ju̧kwadöma José ö̧jobekwö 'ya̧nö, jo̧banö budekwö abebiabijadötö: —¡Dakwö demakwajö balada tjo̧wi̧ jwida ¡Kwakwawama iyabi! kwöba a'otjö debö di̧'yapji jö̧ba̧lö— abebiabijadötö.

Génesis 47:17

Jejenö weawö̧ tja̧jwi̧munö ka̧ba̧yu̧dönöbi, o̧bȩja̧dönöbi, chi̧wo̧dönöbi ichejebijadötö Josénö iyö, balewö kwakwawanö. Ja̧ o̧biyama miamema Joséma jejenö pjabatijetö jobadönöma, tjukwakwa̧ tjemobö.