Génesis 45:14 - Dios Iwene

¹⁴ Ikenama Benjamínnö wo̧batö ibekasa'wonö du̧batö budekwijetö. Benjamínbi budekwijetö.

Génesis 45:14 Referans Kwoze

Romanos 1:31

Jobadöma ja'yubebi otiwanö omukwatöködö, yötja̧li̧danöma ja̧böködö. Ja̧danö, ju'wedönöma ösödöködö, ja'yubebi lȩlö̧jinöma edöködö jojodönöma.

Génesis 46:29

Joséma jelobe ja̧nö kolukanö a̧jibö 'yi̧jetö Gosénbe, abe'donö edö Jobe ichibö, Chabe'do, jö̧ba̧lö, abe'do ö̧jobekwö 'ya̧wibö jo̧banö wo̧ba̧lö budekwijetö Joséma, lekwe.

Génesis 33:4

Esaúma Jacob ichobe edö te'ada̧lökönö ichobekwö ö'öbakwawijetö. Jacobnö 'ya̧wibö wo̧batö 'du̧batijetö ibekasa'wonö, öjawo̧nö ösödö. Jobadöma tjo̧'wo̧ jwiinö ösödö budekwabijadötö.

Génesis 29:11

Ikenama Raquelnö 'ya̧wibö, du̧batö budekwijetö, o̧'wo̧ ösöwanö.

Lucas 15:20

Ja̧danö, jejenö omukwatajo̧, a̧laibö abe'do ö̧jobekwö ȩwa̧jinobe. Abe'do ejube ichibakwa̧ abönö, ina ödö ö̧jayi, abe'doma jo̧banö edinobe, ja̧danö lȩlö̧jinö edö, itji̧ ö̧jobekwö ö'öakwawinobe, ja̧danö itji̧nö wo̧batö, du̧atinobe.

Génesis 42:24

Ja̧danö, Joséma jobadö yötja̧li̧ a̧ja̧kwö jwiinö o̧'wo̧ baibiökwe labebijetö öpöedö tjö̧jelöma ubudekwobö. Ja̧danö, budekwö kabatö yemidanö öpöedö tjö̧jobekwötebachibö jobadötjö bakwo̧nö, Simeónnö do̧batö nu'yijetö öpöedö tjeda̧lonö.

Génesis 43:30

Jejenö jö̧ba̧lö o̧'wo̧ tjo̧bekwibijetö Joséma, chö̧jawo̧we, jö̧ba̧lö. Ömöna, ömöledö tjö̧jelö labeibö tebachibijetö iteda ö̧lȩkobe. Jȩko̧nö tebachibö budekwijetö.

Génesis 45:2

Ja̧danö, latjebaja̧ okobetjö labinö budekwijetö Joséma, Egypto jojodöma ba̧jekwadö tja̧ja̧kwinö. La'aka luwo̧ faraón ejunö ju̧kwadöbi José ubudekwi̧ yötjawi̧ma a̧ja̧kwijadötö.

Génesis 45:15

Ikenama okobe deinö öpöedönö tjibekasa'wijunö du̧batö budekwijetö. O̧'wo̧ jwiinö ösöwanö budekwijetö Joséma, ömöledönö ösödö. Jejenö ösödiawö̧ öpöedöma bajaliyanö yebabökönö yöba̧lijadötö tjö̧ja̧wo̧ Josénöma.