Génesis 44:15 - Dios Iwene

¹⁵ Ja̧danö, Josȩma jö̧ba̧lijetö jobadönö: — ¿Tajawedö kwönaukwajaduwada ötjö chu̧kwa dȩja̧'do̧ma? ¿Wajwiköbaduwi̧ji̧? Ötjöma la'aka luwo̧sa, ja̧danö baledakwa̧ waiso̧sa— jö̧ba̧lijetö.

Génesis 44:15 Referans Kwoze

Éxodo 32:1

Moisésma mö'ösa'onö lekwe yutubajökönö ö̧jiawö̧ Israel jojodöma Aarón ö̧jobekwö 'ya̧wibö abebijadötö: —Moisés, ökwödönö Egiptotjö labebö öbibajinama dea. Taji waekwinajö wajwida. Jo̧kwaobetjö̧ do̧'wo̧ jawa juluwanö kwotido dökömanö öbibö 'yo̧nö— abebijadötö Israel jojodöma Aarónnö.

Génesis 39:8

Jejenö jö̧ja̧lijayonö Joséma jö̧ba̧lijetö: —Chichökö, sula. Ökwöma chuluwo̧ ilekwoja. Ja̧danö, chuluwo̧ itea weibinökwesa ötjöma. Jo̧bama omukwatökönö ötjönö webö ujunijatö chite'ada̧lobö okobe jwiinö jo̧ba iteama.

Génesis 21:26

Jejenö yöa̧lökwe: —Wajwita tidöda jejenö sulabenö 'döbebinadöma. Ötjöma ja̧ baledinama babeda cha̧ja̧kwa. Ja̧ baledenama yökawinokobe— atadijetö Abimelecma.

Génesis 4:10

Ikenama Isabenö Jo̧ma abebö a̧ja̧kwijetö: —Caín ¿Tajawedö sulabenö ja̧köbaja̧da? Kwöjawo̧ ökwösobu ebawö nijinö 'dukwibajabe. 'Dukwibajobu chedemi jo̧ba jwöeba̧lobedanö nijitjö ökwöa ötjönöma, Lȩbebinö balekwa mikwa, jö̧ba̧lö̧— jö̧ba̧lijetö—.

Génesis 3:13

Jemi ikenama Isabenö Jo̧ Diosma abebö a̧ja̧kwijetö isujunö: —¿Tajawedö jejenö sulabenö omukwatö 'döbebö kwiyaja̧da?— abebö a̧ja̧kwoko: —A̧ko'da sulabenö chomukwatobö omöna yöa̧litjö̧ jowinö wa̧ji̧tjö 'döbebö chukwatö— yöbawijotö isujuma Isabenö Jo̧ Diosnöma.

Génesis 44:16

Jejenö jö̧a̧lökwe atadijetö Judáma: —Chuluwo̧ ¿Dakwö yöda̧lakwajö? Isabenö sulabenö ja̧böködösa, jö̧ba̧lö, yöda̧lökena. Diosma ökwödönö lȩebobe damötjö sulabenö ja̧dinama. Tjo̧wi̧, babeda okobe deinö ökwö kwömöayedöda dö̧jakwedösa, ökwödöbi, dö̧ja̧wo̧bi, utu̧da'wonö owawa'do̧ juna̧lo̧ma— jö̧ba̧lijetö Judáma.