Génesis 43:29 - Dios Iwene

²⁹ Ikena Joséma edijetö ojo'do jitji̧ Benjaminnö. Jo̧banö edö abebö a̧ja̧kwijetö: —Isabenö ¿Bitema kwöjawo̧duwi̧ji̧, belö ötjönö yöka̧winaduwökweji̧?— abebö a̧ja̧kwijetö. Jemi Ikenama Benjaminnö jö̧ba̧lijetö: —Chitji̧, Diosma ösödinö pjaatobö ateba— jö̧ba̧lijetö Joséma Benjaminnö.

Génesis 43:29 Referans Kwoze

Génesis 42:13

—Duluwo̧, ökwödöma ökwö kwömöayedösa, a̧li̧nösamutjö du̧ju̧tajanöbedösa. Bakwo̧ i̧tji̧musa, Canaán niji jojo. Ja̧danö, dö̧ja̧wo̧ bajalia luwo̧ma yada ö̧jibajabe dabe'dokwö. Jelo̧ döjawo̧ma damötjö woinobe— jö̧tja̧lijayonö:

Hebreos 13:1

Chömöledö yötawaduwakwö. Babe kwö̧ja̧wo̧döduwinö ösödabikwawö kwö̧jaduwi̧danö jemi tupakwöbi jwaikwöda ösödabikwawö kwi̧'yaduwo.

1 Timoteo 1:2

Ja̧danö, böja kwialusöja chiwȩyuda ökwönö Timoteo. Ökwöma ötjöda chitji̧danöbo̧ja bakobe Jesúsnö ösödö dö̧jobetjö̧. Dabe'do Diosnöbi, Duluwo̧ Cristo Jesúsnöbi ateba, mikwa jwiinö otiwa jawa iyö ökwönö pjatjatobö, ja̧danö lȩlö̧jinö edö ökwönö pjatjatobö, ja̧danö kwo̧'wo̧ luwo̧nö wene jwiinö kwö̧jobö pjatjatobö.

Marcos 10:24

Jejenö jö̧a̧li̧ a̧ja̧kwö jobadöma, ¡Ayö! jö̧ba̧lö, tjöbajale jalaka baibanö ji̧jadötö, tjo̧'wo̧ tjo̧bekwibö. Ikenama Jesús yemidanö jö̧ba̧lijetö jobadönö: —Chömöledö, Dios La'aka Luwo̧ ö̧jobekwö teachakwawama 'diobe—jö̧ba̧lijetö—.

Mateo 9:22

Jejenö majiökwe, Jesúsma jalachibö jobujunö edinobe, ja̧danö jobujunö yöa̧linobe: —Chitjiju, kwujuluwachibanö yötawakwö, isabenö juluwo̧ jö̧ba̧lö ötjönö kwösödobetjö̧, otiwanö babibajuja— jö̧ba̧lö yöa̧linobe. Ja̧danö, jenada jö'wöchi̧tjö otiwanö bajibinobe.

Mateo 9:2

Ja̧danö, ju'wedö jo̧ba ö̧jobekwö bakwo̧ 'wabo̧nö, wa̧kwawapjonö bo̧nö tjichejebinobe, jo̧ba ö'wöchi̧ Jesús otidö loobö. Jejenö tjömöledöso̧nö tjichejebiökwe, Jesúsma öwaisinobe, Bidöma isabenö chujulu ösödadö, jö̧ba̧lö. Jo̧kwaijayonö jenadama ö'wöchi̧ otidö loinokobe Jesúsma. O̧'wo̧ luwo̧ jawada yöa̧linobe 'wabo̧nö: —Chitji̧, kwujuluwachibanö yötawakwö, kwo̧'wo̧ luwo̧ jawa kwusula söbebö lotakwö— jö̧ba̧lö.

Isaías 33:2

Chuluwo̧ Isabenö Jo̧, ökwödönö lȩlöjinö edö pjakatobö atebakwö, lekwe möle pjakatakwa̧ diteada̧lajabe chuluwo̧, —Duluwo̧ Dios isabenö pjaatakwo̧, —jö̧ba̧lö. Mölekwena ökwöda kwujulunö, tjöbeba̧lö pjakatobö atebakwö, wene döbaledenama, dö̧jibinö pjakatobö atebakwö.

Isaías 30:19

Yadakwö isabenö Sion mösa'onö tjö̧jakwedö jojodöma, ja̧danö Jerusalennö ju̧kwadöma budekwö katjatibakwedö. Kwo'woduwi tjo̧bekwö pjaatobö jwökeba̧laduwiökwe, a̧ja̧kwakwo̧ Diosma, jadanö a̧ja̧kwajo̧, isabenö lȩlöjinö edö pjaatakwo̧. Jau, a̧ja̧kwenama, isabenö juluwanö atadö pjaatakwo̧.

Josué 7:19

Jejenö i̧sȩbiökwe, Josuema Acan mikwo̧nö weinobe: —Chitji̧ Acan, sulabenö ja̧köbina wene yöbawitjö, ökwödö israel jojodö duluwo̧ Isabenö Jo̧ Dios ujulu öwaetjöda öwawobö. Dios öba a'otjö okobe jwiinö sulabenö ja̧köbina wene yöbawö, ja'yubebi tojata̧lökönö yöbawi, —jö̧ba̧lö weinobe.

Génesis 45:8

Jo̧kwaobetjö̧ chömöledö, Diosda weinobe bai chichoböma, ökwödö weköbinaduwama̧kö̧. Ja̧danö, Diosma faraón ipjea luwo̧ baibanö ujuninobe ötjönöma, faraónnö pjabatö yötawobö. Diosda weinobe ötjönöma faraón ömöayedö tjuluwo̧bi, Egypto jojodö tjuluwo̧bi baibanö chö̧jobö.

Génesis 42:11

Ja̧danö, ökwödöma bakwo̧ i̧tji̧musa. Isabenö, omönama yöba̧löködösa. Abönö isakwöma dichajokobe— atadijadötö.

Génesis 35:24

Ja̧danö, ilekwo Raqueltjö i̧tji̧mu̧ma bidö: Abönö pöe José, ikena luwo̧ Benjamin.

Génesis 44:21

—Chuluwo̧, ökwöma akeba̧lijatö ökwödö kwömöayedönöma, Kwöja̧wo̧duwinö kwichejebaduwo chedonö, jö̧ba̧lö.