Génesis 43:2 - Dios Iwene

² Ina a̧wi̧chi̧ tjötjobetjö Jacob i̧tji̧mu Egiptobetjö kwakwawa e'ewö tjȩwa̧jina 'dö̧ibajiökwe webijetö: —Chi̧tji̧mu, yemidanö kwi̧'yaduwo Egiptobe ja'yubeda kwakwawa emö— webijetö Jacobma.

Génesis 43:2 Referans Kwoze

1 Timoteo 5:8

Ja̧danö, ju'wibi yötawa. Jesúsnö ösödadötjö bakwo̧ iteda ömöledönö ite'ada̧lökötjö̧ma, iteda yöne ömöledönö ite'ada̧lökötjö̧ma, jo̧bama Cristonö ösödö dö̧ji̧ öpöjödo̧, ja̧danö Cristonö öpöjödo̧nötjö o̧penönö sulabo̧ jo̧bama.

Proverbios 31:16

Ikenama, niji tjiyemima 'ya̧nö eduju. Ja̧danö, jemima edö, otiwemi, jö̧ba̧lö jösöditjö̧ma mido jemena. Jemima jujunobö midö emuju isuda jotidaja̧ tjiyina mikwa baladanö. Ja̧danö, jemima jöbatjonöma uba jujunakwuju.

Proverbios 16:18

Ja̧danö, ju'wibi yötawa: Bakwo̧ma itedada omukwatena, ötjödasa ju'wedötjö bajalekwönönö waiso̧ma, jö̧ba̧lö. Isabenö yötawa: Ötjödasa waiso̧ma, jö̧ba̧lö, omukwato̧nöma ju'wi mölȩ jwiinö labi̧ jawa baledakwo̧. Ja̧danö, ju'wibi yötawa: Bakwo̧ma ju'wedönö nijakwönönö edö omukwatena, bidöma mikwawöködö jö̧ba̧lö. Isabenö yötawa: Jobekwö omukwato̧ma ju'wi mölȩ itedada usulaso̧da ö̧jakwo̧.

Proverbios 15:16

Ja̧danö, ju'wibi yötawa, wanedö: Du̧ju̧taja tjö̧jobe. Bakwo̧ balada jwiijayonö Isabenö Jo̧nö yebabinö omukwatö ö̧jobe. Jelo̧ma balada nöinö ujuna̧lijayonö wene nöinö ujuna̧lobe. Ja̧danö, jobadötjö ¿dite otiwanö ö̧jobeda? Isabenö yötawa: Balada jwibo̧ma Isabenö Jo̧nö yebabinö omukwatö ö̧jobetjö̧ otiwanö ö̧jobe, balada jwiijayonö. Jelo̧, balada nöinö ujuna̧lijayonö wene nöinö ujuna̧lobetjö̧ otiwanö ö̧jokobe.

Génesis 43:20

—Duluwo̧, ökwödöma belö du̧kwa kwakwawa emö dȩwa̧jijatö.

Génesis 43:4

Jo̧kwaobetjö̧ Benjamínnö ökwödökwö weköbitjö̧ma du̧kwa kwakwawama emö di̧'yena.

Génesis 43:1

Ja̧danö, ina jwiinö a̧wi̧chi̧ tjöbijadötö Jacob itebo Canaán nijitjöma.

Génesis 43:3

Jo̧kwaijayonö Judáma jö̧ba̧lijetö abe'donö: —Chabe'do, jobe niji la'aka luwo̧ma labinö weijatö ökwödönöma, Kwöjawo̧duwikwöda chöba a'o tebachibö kwöjamataduwo, jö̧ba̧lö.

Génesis 44:25

Ikenama lekwe möle baledajena dabe'doma weijatö ökwödönö yemidanö baikwö dichobö, ja'yubeda kwakwawa emö.