Génesis 43:18 - Dios Iwene

¹⁸ Ja̧danö, José ömöledöma jejube öbibö i̧'yiawö̧ yebabijadötö. Idödada yöba̧lakwawijadötö: —¡Ayö! Ajayinö dȩwa̧jinanö balada du̧da'wo okwa a̧jinobetjö̧ la'aka luwo̧ma ökwödönö ejube öbibö i̧'yobö weena. Ökwödönö do̧batö, iteda ömöayedö baibanö dö̧jobö omukwatena. Da̧jwi̧mu bu̧lu̧dönöbi 'döebena ökwödönöma— yöba̧lakwawijadötö, yebabinö.

Génesis 43:18 Referans Kwoze

Génesis 42:35

Ikenama, tjabe'donö yöbawö kabatö tju̧kwa tu̧da'wiju ejatö 'wa̧bebijadötö. 'Wa̧bebö tjedemi okobe jwiinö tju̧kwa baladama a̧jijetö. A̧jiawö̧ yebaibijadötö José öpöedöbi, tjabe'dobi.

Romanos 7:8

Ja̧danö, Dios weina cha̧ja̧kwenama, sulabe chujuna̧li̧ ötjönö suli̧ waedinobe ichejekwa, ajayi ju'wedö tjujuna̧li̧ ösödö chedinemi bajalekwönönö ösödö chedinö. Jau chömöledö, ajayinöma, Ötjöma otiwo̧sa, jö̧ba̧lö, chomukwatinobe. Ikenama, Dios weina a̧ja̧kwö, sulabe chujuna̧li̧ chöwaisachibinobe. Ja̧danö, sulabe chujuna̧li̧ chöwaisachibenama, sulabe chujuna̧li̧ma jwiinö juluwinobe ötjönöma, jwaikwöda sulabenö ja̧tinö. Jau chömöledö, Dios weina chöwaisachibakwa̧ abönö, sulabe chujuna̧li̧ma ötjönö juluwinokobe ichejekwa. Jo̧kwaijayonö, chöwaisachibenama, jenada juluwinobe ötjönöma ichejekwa, ö'wö batibanö ja̧bö.

Marcos 6:16

Jo̧kwaijayonö la'aka luwo̧ Herodes jojodö yötja̧lakwawi̧ a̧ja̧kwö jö̧ba̧lijetö: —Bite Jesúsma, Juan Ojwenö Bu̧dato̧ ji̧na. Uu bulatö lotjobö wetinökwema yemidanö 'yabibajö Jesúsda baibinena— jö̧ba̧lijetö Herodesma.

Isaías 7:2

David itji̧ tupadanö jojo Acaznö yötjawinobe, —Siria niji jojodöma bakobe israel niji jojodökwö pjabatakwawö ja̧dötö, —jö̧ba̧lö. Jobekwö yötja̧liökwe, la'aka luwo̧ Acazbi, ömöayedö juda jojodöbi jwiinö yetjaibinobe, baikwö wanedö yöta̧la, jwa̧le'epjo labinö jwa̧le'ewena, towibiya tjö̧awi̧danö, tjomajadenö yebabinö ja̧nö, jwiinö tjö̧bawö tjö̧jinobe Acazbi, ömöayedöbi.

Diosnö ösödo̧ Job mikwo̧ usula emawina jawa 30:14

—Ötjönö mebibö tjujuluwi̧ma, baikwö wanedö yötawa: Tjöekwemi 'dobö lobajadö, tebachö ötjönö metjibobedanö ichejekwa,

Diosnö ösödo̧ Job mikwo̧ usula emawina jawa 15:21

Jobadöma kabatökönö yetjaibanö ökwöi̧ a̧ja̧kwadö, ja̧danö otiwanö tjö̧jemi ja'ötjö, wene jwia jö̧ba̧lö tjomukwatemi ja'ötjö, söbebö lobadö ichibö jobadönö tjujuluwobe.

Jueces 14:4

Ja̧ baledi̧ma Sanson abe'dobi, ojo'dobi wajwitjinobe, ja̧ baledi̧nötjö Isabenö Jo̧ otidakwa̧ma. Ja̧ möle filisteo jojodöma israel jojodö tjuluwedö tjö̧jinobe, ja̧danö Isabenö Jo̧ma omukwatö ujuninobe, ja̧ baledi̧tjö Sanson filisteo jojodönö ujuluwakwa̧ jawa otidobö, jo̧kwaijayonö Isabenö Jo̧ omukwati̧ wajwitjinobe.

Jueces 13:22

Ja̧danö waisachibajo̧, Manoama ilekwonö yöa̧linobe, —¡Ayö, ökwödöwe! Isabenö ö'wö badibakwedösa, Diosnöda dedajobetjö̧, —jö̧ba̧lö.

Deuteronomio 22:17

Ja̧danö, juwibi, chitjijunö öpöjödö sulabenö yöa̧lajabe, Isunö chemakwa̧ abönö, sulabenö jelo̧kwö jö̧jinobe, ja̧danö jobujukwö batibenama iso̧kwö jö̧kuju jö̧ji̧ma öwawinokobe, jö̧ba̧lö chitjijunö yöa̧lajabe. Jo̧kwaijayonö jejenö yöa̧lijayonö, omöna, edaduwi, bi'wo sabana'woma öwawinö i̧sȩkwobe, chitjijunö eminenama, isabenö iso̧kwö ji̧nökujunö eminobe, –jö̧ba̧lö, tjöba a'otjö iso̧kwö jö̧kujunö emina i̧sȩkwa'wo sabana'wo sedatö tji̧sebobö ja̧kobe.

Deuteronomio 22:14

Ja̧danö, ilekwonö öpöjödö, jobujunö yöa̧lena, –Bisu chilekwonö emajo̧, jobujukwö batibenama, ina iso̧kwö ju̧kujunö batibijökötö, ötjönö jemakwa̧ abönö sulabenö jelo̧kwö jö̧jinobe, –jö̧ba̧lö ilekwonö yöba̧lö, jojodö jobujunö sulabenö tjomukwatobö yöa̧lena.

Génesis 42:28

A̧jiökwe öpöedönö jö̧ba̧lijetö: —Ötjö chu̧kwa baladama tjetjatajabe edi, bena tu̧da'wo a'onö a̧ja— jö̧ba̧lijetö. Jejenö balada a̧jiawö̧ yebabijadötö. Tjö̧bawö ja̧nö yöba̧lakwawijadötö: —¿Bi̧yama tajawedö weaja̧da Diosma ökwödönöma— yebabinö yöba̧lijadötö.

Génesis 42:21

Ja̧danö, jobadöma yöba̧lakwawijadötö idödada: —Isabenö belö döjawo̧nö sulabenö ja̧bö, mikwanö diyinobetjö̧ biya̧ma sulabenö baleda ökwödönöma. ¡Ayö! Döjawo̧ma, lelöjinö edaduwitjö, jö̧ba̧lö o̧'wo̧ tjo̧achi̧ma dedijayonö lȩ jwiinö dedijatö. Jo̧kwaobetjö̧ babema usula demawa, balekwa mikwa lȩebi̧ma— jö̧ba̧lijadötö.

Génesis 43:17

Ja̧danö, jo̧bama José weaja̧danö a̧ja̧kwö, José ömöledönöma öbibö 'yi̧jetö José ejube.

Génesis 43:19

Ja̧danö, José eju apjudenö ichibö José ömöayo̧nö 'ya̧wibö jö̧ba̧lijadötö:

Daniel 6:4

Jejenö omukwatiawö̧, ju'wedö presidentebedöbi, gobernadorbedöbi tjöpöjödinobe, ja̧danö Daniel sulabenö ja̧aja̧ yötjawobö tjisakwinobe, Danielma la'aka luwo̧ wei̧ jawa sulabenö otido̧ jö̧ba̧lö yötjawobö. Jo̧kwaijayonö, Daniel isabenö otido jö̧a̧li̧danö otiwanö otidobetjö̧, ja̧danö ja'yubebi 'dö̧welachibökönö otidobetjö̧, jejenö tjisakwi̧ma waekwinobe. Jo̧kwajabetjö̧, jo̧banö sulabenö yötjawotö jö̧ba̧lö tjisakwijayonö, tjöwaekwinobe, sule otiwanö otidaja̧da tjöbadekwajinobe.

Génesis 42:27

Ȩwa̧jadöma ja'ö tjabakwemi ichibö bakwo̧ a̧jwi bulunö kwakwawa iyotö jö̧ba̧lö u̧kwa tu̧da'wo ejatö edemi tu̧da'wo a'onö u̧kwa baladama a̧jijetö.

Génesis 44:8

A̧ja̧kwi, ajayinö ichö döbadekwajina balada, dutu̧da'wiju a'onö baladama, Canaán nijitjö tjedatotö jö̧ba̧lö ichejebö diyatö ökwönö. La'akatjöda dönaukwökötö platabi, orobi kwuluwo̧ ejutjöma.