Génesis 43:1 - Dios Iwene

¹ Ja̧danö, ina jwiinö a̧wi̧chi̧ tjöbijadötö Jacob itebo Canaán nijitjöma.

Génesis 43:1 Referans Kwoze

Génesis 12:10

Ja̧ mölema jobe Canaán nijima okobe jwiinö batjiju junawa wobö loobetjö̧ kwakwawa yelösöda jwiijetö. Jwiobetjö̧ jojodöma a̧wi̧chö tjöbijadötö. Ja̧danö, jobetjö a̧wi̧chilö̧jawö̧ Abramma i̧'yajawö̧kwö u'da 'yi̧jetö Egiptobe, jobeda ö̧jobö ja'yubeda lekwe.

Génesis 42:5

Ja̧danö, José öpöedö 'ya̧jadöma Egiptobe ichibijadötö kwakwawa emö. Ju'wedöbi Canaánnö ju̧kwadöma Canaánbetjö 'ya̧jadö ichibijadötö Egiptobe, okobe jwiinö Canaán nijima kwakwawa jwiobetjö̧.

Génesis 18:13

Ikenama Isabenö Jo̧ Diosma abebö a̧ja̧kwijetö Abrahamnöma: —Sarama ¿tajawedö obujuda, ötjö puoma isabenö chemakwaji̧ chitjinö, emököjusa, jö̧ba̧lö?

Génesis 26:1

Ja̧ möle jobema okobe jwiinö batjiju junawa wobö loobetjö̧ jojodöma a̧wi̧chö tjöbijadötö. Ajayinö, Abraham ö̧jena kwakwawa jwiinadanö jemitupakwöma yemidanö Isaac ö̧jenama jejenö baibijetö, kwakwawa jwiinö, jojodöma a̧wi̧chö tjötjinö. Ja̧danö, jobetjö a̧wi̧chi̧ tjöbö tjö̧jiökwe Isaacma, ömöledökwö Gerar nijibe 'yi̧jetö tjuju̧kwobö. Jobe la'aka luwo̧, Abimelec mikwo̧ma webö bi̧jetö, filisteos jojodö tjuluwo̧.

Génesis 43:2

Ina a̧wi̧chi̧ tjötjobetjö Jacob i̧tji̧mu Egiptobetjö kwakwawa e'ewö tjȩwa̧jina 'dö̧ibajiökwe webijetö: —Chi̧tji̧mu, yemidanö kwi̧'yaduwo Egiptobe ja'yubeda kwakwawa emö— webijetö Jacobma.

Génesis 47:4

Ditebo Canaán nijima kwakwawa yelösöda jwiitjö̧ jobetjö baikwö dichajabe, kwitebonö. Ja̧danö, jobema da̧jwi̧mubi tjukwobö meje'yema jwiobe. Jo̧kwaobetjö̧ ökwönö adeba: Kwösöditjö̧ma, Gosén nijinö ja'yubeda lekwe du̧ju̧kwena— abebijadötö.

Deuteronomio 26:5

—Jemi ikenama, jobe kwuluwo̧duwi Isabenö Jo̧ Dios öba a'o janö, baikwö yökawaduwonö: –Ötjö cha'döminema, arameo jojo eju jwibo̧ jelobetenia kwebachö ji̧na. Jo̧bama ömöledö ina o̧bukwedöda tjö̧jayi, Egipto nijibe i̧'yinobe, jobe ju'wedö tjitebonö ö̧jobö. Ja̧danö, jobe ichibena ömöledöma o̧bukwedöda tjö̧jinajayonö, jobe ja̧nö jwiinö ba̧jȩkwiyaso batjibanö tjö̧ba̧jekwachinobe, ba̧jȩkwadöbi, juluwadöbi batjibanö.