Génesis 42:27 - Dios Iwene

²⁷ Ȩwa̧jadöma ja'ö tjabakwemi ichibö bakwo̧ a̧jwi bulunö kwakwawa iyotö jö̧ba̧lö u̧kwa tu̧da'wo ejatö edemi tu̧da'wo a'onö u̧kwa baladama a̧jijetö.

Génesis 42:27 Referans Kwoze

Éxodo 4:24

Ja̧danö, Moisés, ilekwo, i̧tji̧mu Egiptobe ȩwa̧jö ja'ö yi̧bekwijadötö. Yi̧bekwobetjö̧ tjabakweju otidajadö tebachijadötö tjeju okwa tjabobö. Jejutjö Isabenö Jo̧ma öwawachijetö Moisénö, kwabö lotakwö, jö̧ba̧lö. Moisésma Isabenö Jo̧ damötjö weina, kwi̧tji̧mu ömadönö tjötade bajalesa̧do̧ 'wibebö loköbo, jö̧ba̧lö weinama a̧ja̧kwokobetjö̧ kwabö loobö omukwatijetö Isabenö Jo̧ma, Moisésnöma.

Lucas 10:34

Jo̧banö edö, ö̧bobekwö i̧'yinobe, ja̧danö o̧tenöbi ubasobu o̧'do̧bunöbi kwakwatjaja̧ niemi idichinobe, ja̧danö otiwanö jwainobe. Ikenama, iteda ajwinö jojonö wanö, jo̧banö e'ewinobe, jojodö midö abajitjejube, ja̧danö jo̧banö otiwanö ite'ada̧linobe.

Lucas 2:7

Ja̧danö, abaweju ida̧ökö su̧'bȩ baibajiawö̧, jobe tetjachoböma jwiinobe. Jo̧kwajabetjö̧ jelobeda ajikwakwawedö tjeju okwada tetjachinobe, ja̧danö jobetjöda jitji̧nö abönö pöenö jeminobe, iso̧nö. Ja̧danö, jitji̧nö emajuma, iya̧nö tjemawö̧nö jwaekwa'wo sabana'wonö otiwanö jwajebinobe jitji̧nö, ja̧danö jwabebaju, pa̧ka̧yö̧ tju̧kwa meje'yesapjo okwa janinobe, jobe abobö.

Génesis 44:11

Ikenama bakwo̧nökwena juluwanö tjutu̧da'wijukwena kabebö lödijadötö nijinö. Lödajadö, bakwo̧nökwena ejatijadötö tjutu̧da'wijukwena.

Génesis 24:25

Ökwödöma ka̧mȩyu̧dö tjabemibi, tjukwi̧bi nöinö dujuna̧lobe. Ja̧danö, kwabaduwakwemibi jo̧be— yöba̧lijotö.

Génesis 42:26

Ikenama, José öpöedöma trigo a̧ji̧ tu̧da'wijuma kabebö bu̧ludö tjoma'anö wa̧nibö e'ewö ȩwa̧jijadötö.

Génesis 42:35

Ikenama, tjabe'donö yöbawö kabatö tju̧kwa tu̧da'wiju ejatö 'wa̧bebijadötö. 'Wa̧bebö tjedemi okobe jwiinö tju̧kwa baladama a̧jijetö. A̧jiawö̧ yebaibijadötö José öpöedöbi, tjabe'dobi.

Génesis 43:18

Ja̧danö, José ömöledöma jejube öbibö i̧'yiawö̧ yebabijadötö. Idödada yöba̧lakwawijadötö: —¡Ayö! Ajayinö dȩwa̧jinanö balada du̧da'wo okwa a̧jinobetjö̧ la'aka luwo̧ma ökwödönö ejube öbibö i̧'yobö weena. Ökwödönö do̧batö, iteda ömöayedö baibanö dö̧jobö omukwatena. Da̧jwi̧mu bu̧lu̧dönöbi 'döebena ökwödönöma— yöba̧lakwawijadötö, yebabinö.