Génesis 41:8 - Dios Iwene

⁸ Ja̧danö, dewachena faraónma i̧'wi̧dikwaja̧ omukwatö jwiinö o̧'wo̧ tjo̧bekwijetö. Jo̧kwaobetjö̧ jwöbijetö okobe deinö ma̧li̧mu̧nö, ja̧danö okobe deinö jwiinö waisadönö tjichobö. Ichajadönö i̧'wi̧dikwaja̧ yöawijayonö bakwo̧bi deijetö, jo̧ba i̧'wi̧dikwaja̧ labebö loawa waiso̧ma.

Génesis 41:8 Referans Kwoze

Daniel 4:7

Jo̧kwajabetjö̧ mea bobadöbi, tupakwö baledakwa̧ yöbawadöbi, si̧li̧'idönö waisachadöbi chöba a'o tjichibinobe. Ichibajadönö chi̧'wi̧dikwaja̧ yötawijatö, jo̧kwaijayonö labebö lobö yötjawobö wajwitjinobe, baikwö jö̧ba̧lö kwi̧'wi̧dikwajabe jö̧ba̧lö.

Éxodo 7:22

Ja̧danö, faraón ömöayedö mea boawa waisadöma bakwainö webijadötö ojwe kwu̧kwinö baibanö, idöda mea boawa tjöwaisinö. Ja̧danö, wetjaja̧danö baibijetö. Jobekwö balediökwe faraónma ina omajade 'diinö ji̧jetö, Aarón, Moisés atjebi̧ma öpöjödö. Isabenö Jo̧ ajayinö yöa̧linadanö öpöjödijetö faraónma Aarón Moisés atjebi̧ma.

Mateo 2:1

Jesús ojo'do Judea niji comunidad Belentjö Jesúsnö jemenama, Herodes mikwo̧ la'aka luwo̧ ö̧jinobe. Ja̧danö, jawo̧ laebobekwötjö, ju'wedö waisadöma tjichinobe, ja̧danö ichajadö Jerusalén comunidadnö ichibö abebö tja̧ja̧kwinobe:

Daniel 4:5

Ja̧danö, cho̧'wo̧ ösöwanö chö̧jemi ja'ötjö, chi̧'wi̧dikwijatö, ja̧danö chi̧'wi̧dikwajabetjö yetaibijatö, taji jö̧ba̧lö chi̧'wi̧dikwaja̧jö jö̧ba̧lö. Ja̧danö, kamapjonö ba̧nö chi̧'wi̧dikwaja̧ omukwatö yebabinö chö̧bijatö abökönö.

Daniel 1:20

Isabenö otiwanö waisanö tjomukwatinobe jobadöma. La'aka luwo̧ma nöinö abebö a̧ja̧kwinobe jobadönö, waisanö tjatadojobö jö̧ba̧lö. Waisanö omukwatakwawa ji̧ jawabi, waisakwawa ji̧ jawabi abebö a̧ja̧kwinobe, ja̧danö okobe deinö ju'wedötjö o̧penönö waisanö tjatadinobe. Okobe deinö Nabucodonosor ömöayedö mea boawa luwedötjöbi, yuawa luwedötjöbi jwiinö bajalekwönönö waisanö omukwatö tjatadinobe, domulatajanö baibanö jwiinö bajalekwönönö waisanö omukwatö tjatadinobe, Danielbi, ömöledöbi.

Isaías 29:14

Jo̧kwajabetjö̧ yemidanö tjöbajale jalaka baibanö, jojodö edajitjökö jawa chi̧sebocha, yemidanöbi, yemidanöbi. Jobekwö i̧sȩbö, jobadötjö –Waisadösa, –jö̧ba̧ladö tjöwaisi̧ 'dö̧ibajobö ja̧takwo̧sa, jadanö jobadötjö, –Okwa jawa döwaisachibanö omukwatadösa, –jö̧ba̧lö yöba̧ladöma, labebö lobö yötjawobö jwitjakwedö, —jö̧ba̧lö yöawobe Diosma.

Éxodo 7:11

Jo̧kwaiökwe faraónma jwöbijetö ömöayedö mea boawa waisadönö, ja̧danö, malimunö tjichobö. Jobadöma bakwainö i̧sebijadötö idöda mea boawa tjöwaisi̧tjö̧.

Daniel 4:19

Jejenö yöawiökwe, Daniel, ju'wi imi Beltsasarma o̧'wo̧ tjo̧bekwö ö̧jinobe, yöbawökönö, ja̧danö Nabucodonosor i̧'wi̧dikwina jawa omukwatö, Ayö jö̧ba̧lö omukwatö ö̧jinobe. Jejenö ö̧jiökwe, Nabucodonosorma jo̧banö yöa̧linobe: —Yebabökönui, chi̧'wi̧dikwina omukwatö yebabökönui, ja̧danö labebö loawa omukwatöma yebabökönui, yebabökönö jweinö yöbawitjö— jö̧ba̧lö. Yöa̧liökwe, Daniel ju'wi imi Beltsasarma atadinobe: —Chuluwo̧, kwi̧'wi̧dikwina jawa ökwönö baledobö chöpöjöda, kwöpöjojodönöda baledobö chösöda, isabenö labi̧ jawa baledakwa̧ kwi̧'wi̧dikwinobetjö̧.

Isaías 8:19

Ja̧danö chömöledö, wene baledi̧ edö, ju'wedöma ökwödönö wetjena: —Ö'wö babibinadö tjo̧'wo luwokwö yöa̧lakwawa jojodönöbi, ju'wedö debö 'yi̧nadökwö seboba̧lö yöa̧lakwawa jojodönöbi abebö kwa̧ja̧kwaduwo, tupakwö baledakwa̧ yötjawakobetjö̧, —jö̧ba̧lö. Jo̧kwaijayonö baikwö abebö cha̧ja̧kwaduwakwö, —Jojodöma idöda tjösödökwe Diosnö abebö tja̧ja̧kwobö jwienaji̧? Ja̧danö ina 'yaba̧ladö tjö̧ji̧ jawa tjöwaisakobetjö̧, isabenö 'debö 'yi̧nadönö abebö tja̧ja̧kwobö jȩnaji̧? Ja̧maökö chömöledö, tjösödökwe Diosnöda abebö tja̧ja̧kwobö jo̧be.

Éxodo 8:7

Jo̧kwaijayonö maliba luwama idödada tjöwaisinö wetjajabetjö̧ bakwainö baledijetö, jwo̧i̧dönö ojwebiyatjö latjekwibinö.

Génesis 40:8

—¡Ayö! Ökwödöma jo̧da yö̧tema, bakwo̧nökwena, wainö di̧'wi̧dikwatö. Waiso̧ma labebo loobö jö̧da̧lijayonö bakwo̧bi dea 'wi̧dikwakwawa labebö loawa waiso̧ma— jö̧tja̧lökwe: —Diosda 'wi̧dikwakwawa labebö loobö yöa̧lakwawa waiso̧ma. Diosma ötjönö pjaatobetjö̧ kwi̧'wi̧dikwaja̧duwa yöba̧laduwitjö— jö̧ba̧lijetö.

Génesis 40:6

Ja̧danö, Joséma yȩayi jobadö tjöba̧jobekwö 'ya̧nö edemi tjo̧'wo̧ tjo̧bekwö ba̧jijadötö.

1 Corintios 1:19

Baikwö laebobe Dios iwenesa'da chömöledö, Dios böjȩ jojodönö yöawinama: Böjȩ jojodö waisadö tjöwaisi̧ma söbebö lotocha. Ja̧danö waisanö omukwatadö tjomukwati̧ma waekwobö ja̧tocha, jö̧ba̧lö laebobe Dios iwene.

Hechos 17:18

Ju'wedö jojodöbi Atenasnö ju̧kwijadötö. Jobadöma epicureos ötjabiwö̧bi, estoicos ötjabiwö̧bi. Epicureo jojodöma jelo̧ Epicureo mikwo̧ yöawina yöbawadö, Dios iwenemaökö. Ja̧danö, estoico jojodöbi jelo̧ yöawina, Estoico mikwo̧ yöawina, yöbawadö, Dios iwenemaökö. Ja̧danö, Pablokwö jobadö, estoico jojodökwö epicureo jojodökwö yöba̧lakwawijadötö, Dios jawa. Jobadötjö ju'wedöma Pablo yöawi̧ öpöjödö jö̧ba̧lijadötö: —Bitema omöna yöbawo̧— jö̧ba̧lijadötö. Jo̧kwaijayonö ju'wedöma jejenö omukwatijöködötö. Jobadöma jö̧ba̧lijadötö: —Omöna yöawökena. Ökwödöma domukwata bitema jelobe ju̧kwadö tjo̧'wo̧ tjöwana̧lawö̧ tjujuluda yöawena— jö̧ba̧lijadötö. Pabloma Jesús ö̧jina wenebi, ja̧danö jojodö wotjaja̧ ikena yemidanö tjeachajakwawa wenebi yöawiawö̧ jejenö jö̧ba̧lijadötö, Jelobe ju̧kwadö tjo̧'wo̧ tjöwana̧lawö̧ tjujuluda yöawena, jö̧ba̧lö.

Hechos 7:22

Ja̧danö, Moisésma okobe jwiinö Egiptonö ju̧kwadö tjöwaisi̧ jawa waisachijetö. Jojodöma Moisésnö edö jö̧ba̧lijadötö, Jo̧bama waisö yöba̧lo̧, otiwanö ja̧bo̧, jö̧ba̧lö— yöbawijetö Estebanma.

Daniel 8:27

Jemi ikenama ötjö Danielma jwiinö chime'dawachibijatö, ja̧danö ju'wi mölekwena chö'wöchijatö. Jemi ikenama, a̧laibö la'aka luwo̧ wei̧ yemidanö otidö chö̧jijatö. Jo̧kwaijayonö, yemidanö otidö chö̧jijayonö, chedina jawa omukwatö cho̧'wo̧ tjo̧bekwö chö̧jijatö, ja̧ baledakwa̧ma, diya̧jö jö̧ba̧lö.

Daniel 7:28

Jobekwö chedatö chi̧'wi̧dinö. Ja̧danö ötjö Danielma, ja̧ jawa omukwatö yetaibatö, tajijö jö̧ba̧lö, ja̧danö chöbama deöja baibatö. Jo̧kwaijayonö ju'wedönö yötawökötö ja̧ chedaja̧ma.

Daniel 5:11

Isabenö kwömöayedötjö bakwo̧ ö̧jobe, juluwadö diosbedö tjo̧'wo̧ luwo̧ tjö̧jökwema. Kwabe'do Nabucodonosor ina yöbawö ö̧jayi, jo̧banö tjöbadekwajinobe, nöinö waiso̧nö, waisanö omukwato̧nö, bakwainö diosbedö tjomukwati̧danö omukwato̧nö tjöbadekwaijinobe. Ja̧danö ökwötjö ajayinö ji̧na la'aka luwo̧bina Nabucodonosorma jo̧banö ujuninobe, okobe deinö mea bobadötjöbi, si̧li̧'idönö waisachadötjöbi, tupakwö baledakwa̧ yöbawadötjöbi inesö la'aka luwo̧ baibanö.

Isaías 19:3

—Egipto jojodö waisanö omukwatö tjujunaja̧ma waekwobö wetocha, ja̧danö waekwiawö̧, tjo̧'wo tjo̧bekwö tjö̧jakwedö, –Ayö, dakwö ja̧dakwajö, –jö̧ba̧lö. Ja̧tjakwa̧ tjöwaisachibotö jö̧ba̧lö, o̧'wo jawa tjösödawö̧nöbi atjebakwedö, jadanö ö'wö babibinadö tjo̧'wo luwo̧nö abebö tja̧ja̧kwotö jö̧ba̧lö, mea boawa otidadönöbi, ju'wedö ö'wö babibinadö tjo'wo luwo̧nö yöbaladönöbi abebö tja̧ja̧kwakwedö.

Éxodo 9:11

Ja̧danö, mea boawa waisadö tji̧yȩdo̧nöbi ju'wedö Egipto jojodödanö tutiyubiyada saduwaibijetö. Jo̧kwaobetjö̧ Moisés ö̧jobekwö idöda tjujulu i̧sebö tji̧'yo jö̧tja̧lijayonö 'yi̧jöködötö.

Génesis 41:7

Ikenama ja̧ pjei̧ochobiya otiwi̧ ochoawi kwibobekwö. Faraónma jejenö 'wi̧di̧kwibö wiluibijetö. Wiluibö, ¡Ayö! ¡'Wi̧di̧kwöda chi̧'wi̧dikwajabe! jö̧ba̧lö waisachibijetö.

Génesis 41:15

Ikenama faraónma ichajo̧nö yöbawijetö: —Ötjöma chi̧'wi̧dikwatö, ja̧danö bakwo̧bi chi̧'wi̧dikwaja̧ labebö lobö yöawotjöwe jö̧ta̧lemi deatö. Ja̧danö, yötjawi̧ cha̧ja̧kwatö ökwönöma, 'wi̧di̧kwakwawa labebö loawa waiso̧, jö̧ba̧lö— yöbawijetö.

1 Samuel 6:2

Jemi ikenama, filisteo jojodöma o̧'wo jawa tjösödawönö ösödakwawa luwedönöbi, tupakwö baledakwa̧ yöbawadönöbi jwötjinobe, ko̧ko̧kwö yötja̧lakwawobö. Ja̧danö ko̧ko̧kwajadönö abebö tja̧ja̧kwinobe: —Bipjo Isabenö Jo̧ iteapjoma, dakwö ja̧dakwa̧da? Yemidanö japjo itebobe wedenama, dakwö ja̧bö wedakwa̧da, wene dujuna̧lakwawi söawoböma? —jö̧ba̧lö abebö tja̧ja̧kwinobe.

Daniel 4:6

Jo̧kwajabetjö̧, wetijatö okobe deinö Babilonia nijinö ju̧kwadö waisanö omukwatadönö chöba a'o öbibö tjichejebobö, chi̧'wi̧dikwaja̧ jawa labebö lobö yötjawobö.

Daniel 4:18

Ötjö inesö la'aka luwo̧ Nabucodonosorma jobekwö chi̧'wi̧dinö chedina yötawakwö Beltsasar, ja̧danö labebö loköbobö atebakwö. Jau Beltsasar, okobe deinö ju'wedö chömöayedö waisanö omukwatadöma, labebö lobö yötjawobö jwibadö, jo̧kwaijayonö jobadö yötjawobö jwitjijayonö, chöwaisa ökwönö Beltsasar, isabenö yökawobö jo̧be jö̧ba̧lö. Jau Beltsasar, chöwaisa, isabenö diosbedö tjo̧'wo̧ luwo̧ tjö̧jökweja, ja̧danö isabenö yökawobö jo̧be— jö̧ba̧lö yöawinobe Nabucodonosorma Danielnö.

Génesis 41:24

Ikenama ja̧ pjei̧ochobiya otiwi̧ ochoawi kwibobekwö. Jejenö chedijatö chi̧'wi̧dinö. Ikenama 'wi̧di̧kwakwawa labebö lobö yöbawadönö chi̧'wi̧dikwaja̧ yötawijayonö bakwo̧bi ötjö chi̧'wi̧dikwaja̧ labebö lobö yöbawo̧ma deatö— yöbawijetö fararónma Josénöma.