Génesis 41:57 - Dios Iwene

⁵⁷ Ju'wedöbi, böjȩ ba̧kwachö̧jȩtjö ichijadötö Egiptobe kwakwawa midö emö, Josénötjö̧, böjȩ okobe jwiinö a̧wi̧chö̧lö̧ji̧ jobetjö̧.

Génesis 41:57 Referans Kwoze

Génesis 42:5

Ja̧danö, José öpöedö 'ya̧jadöma Egiptobe ichibijadötö kwakwawa emö. Ju'wedöbi Canaánnö ju̧kwadöma Canaánbetjö 'ya̧jadö ichibijadötö Egiptobe, okobe jwiinö Canaán nijima kwakwawa jwiobetjö̧.

Génesis 41:56

Jo̧kwaobetjö̧ Egipto niji okobe jwiinö ju̧kwadö a̧wi̧chö tjötjena Joséma po̧chijetö okobe jwiinö kwakwawa ju̧kwi̧ ejubiya. Ejubiya po̧chajo̧ma Egipto jojodönö kwakwawa mikwanö iyijetö Joséma.

Génesis 41:54

Ikenama jelemutjö dötölataja a̧yo baledenanö, böjȩ okobe jwiinö batjiju junawa wobö loobetjö̧ jojodöma a̧wi̧chö tjöbijadötö, José yöawinadanö. Jo̧kwaijayonö okobe jwiinö Egipto nijinö kwakwawa tjujuninama ji̧jetö.

Deuteronomio 9:28

Jau chuluwo̧, jobadönö söbebö loköbitjö̧ma, Egipto jojodöma söbebö loköbaja̧ wene tja̧ja̧kwena, ja̧danö a̧ja̧kwö yötja̧lena, Aaa, Isabenö Jo̧ma ujuluwinokobe, yöbawö ujuninemi tjichibanö israel jojodönö öiboböma, jö̧ba̧lö. Ja̧danö tjitebotjö lakebina jawa yötja̧lena, Isabenö Jo̧ma israel jojodönö öpöjödinobe, ja̧danö jwiinö öpöjödinobetjö̧, ditebotjö jojodö deobe öibinobe, jobe jojodö deobe ja̧nö ö'wö batjibakobetjö̧, jö̧ba̧lö yötja̧lena chuluwo̧. Jo̧kwajabetjö̧ jejenö omukwatö yötja̧lapji jö̧ba̧lö, israel jojodönö söbebö loköboko.

Génesis 50:20

Isabenö ökwödöma kwo̧'wo̧duwi sulinö edö, ötjönö sulabenö baledobö kwomukwataduwinajayonö Diosma ja̧ sulabe baledi̧ma balewö lobö otiwanö baibanö pjaatinobe ötjönöma. Ja̧danö, Diosma ötjönö la'aka luwo̧ baibanö chö̧bobö ujuninobetjö̧ jojodönö, ba̧jekwadönö tjö̧jibinö pjatatobö weinobe.

Génesis 42:1

Ja̧danö, Jacobma, ju'wedö, Egipto nijibema kwakwawa jo̧be, jö̧ba̧lö, yötjawi̧ a̧ja̧kwijetö. Jejenö a̧ja̧kwö jö̧ba̧lijetö i̧tji̧munö: —¿Tajawedö benama kwo̧'wo̧duwi söba̧lö kwö̧jaduwa?

Génesis 12:10

Ja̧ mölema jobe Canaán nijima okobe jwiinö batjiju junawa wobö loobetjö̧ kwakwawa yelösöda jwiijetö. Jwiobetjö̧ jojodöma a̧wi̧chö tjöbijadötö. Ja̧danö, jobetjö a̧wi̧chilö̧jawö̧ Abramma i̧'yajawö̧kwö u'da 'yi̧jetö Egiptobe, jobeda ö̧jobö ja'yubeda lekwe.

Génesis 43:1

Ja̧danö, ina jwiinö a̧wi̧chi̧ tjöbijadötö Jacob itebo Canaán nijitjöma.

Génesis 42:6

Ja̧danö, Joséma Egipto niji la'aka luwo̧ ji̧jetö. Jo̧bada kwakwawa emö ichajadönö iyiabina. Ja̧danö, öpöedöma ichibö, José ö̧jeju okwa tebachibö José öba a'o jamatö tjöba nijakwö bȩbachibijadötö. Jobadöma, wajwibijadötö José, jö̧ba̧lö.

Génesis 47:14

Ja̧danö, a̧wi̧chö tjöbö tjö̧jenama Josénö baladanö mikwanö jö̧ba̧lö emijadötö ajayinö pokwina tjujuninatjö, kwakwawama. Jejenö Joséma emijetö okobe jwiinö Canaánnö ju̧kwadöbi, Egiptonö ju̧kwadöbi tju̧kwa baladama. Ja̧ midö tjemaja̧ baladama faraón ejunö lödiabijetö.