Génesis 41:50 - Dios Iwene

⁵⁰ Ja̧danö, kwakwawa pokwi̧ma 'dö̧ibaji̧ möle baibakwa̧ abönöma Joséma i̧tji̧mu du̧ju̧taja ömadönö 'yabebijetö, Asenat ji̧tji̧munö.

Génesis 41:50 Referans Kwoze

Génesis 48:5

Ina yöbawijetö: —Chitji̧, ökwö kwi̧tji̧mu, bena chichakwa̧ abönö 'yakebinawö̧ma, Efraín, Manasés ötjöda chi̧tji̧mu batjibanö 'da̧batö chujuna. Jobadöma ötjö chi̧tji̧mu Rubéndanö, Simeóndanö, ja̧danö ju'wedö chi̧tji̧mudanö ja̧dö babema. Ja̧danö, ötjö chi̧tji̧mutjobetjö̧ chitea weti̧ma, ö'wö batibaja̧ okobe tjemobö weti̧ma jobadöbi tjemakwedö.

Génesis 46:20

Ja̧danö José i̧tji̧mu, Egiptonö 'yaebinawö̧ma bidö: Manasés, Efraín. Jobadöma Potifera itjiju Asenat 'yajebinawö̧. Jabe'do Potiferama On comunidadnö ju̧kwadötjö idöda tjo̧'wo̧ tjöwa̧na̧lökwetjö tjö̧'da̧de pjabato̧.

2 Samuel 8:18

Joyada itji̧ Benaias mikwo̧ma, la'aka luwo̧nö tjöbeba̧lö teada̧ladö tjuluwo̧ ö̧jinobe. Ja̧danö David itji̧mubi, luwedö tjö̧jinobe.

Génesis 41:45

Ikenama faraónma balekwa imi iyö midijetö Josénö, Zafnat-panea, jö̧ba̧lö. Ikenama webijetö bakwujunö, Asenat mikwujunö José ilekwo baibanö. Jobujuma Potifar itjiju. Potifarma On comunidadnö ju̧kwadötjö idöda tjo̧'wo̧ tjöwa̧na̧lökwetjö ö'wejenö pjabato̧.

Génesis 41:49

Ja̧danö, Joséma nöinö kwakwawa webijetö ko̧ko̧dö tjödobö. Ja̧ kwakwawama jwiinö nöijetö, niji sopja̧danö. Yelösöda, ba̧ja̧döbi ba̧ja̧dakwawökenanö baibijetö, nöinö baibobetjö̧.

Génesis 41:51

Abönö pöenö midijetö, Manasés, jö̧ba̧lö, Diosma pjaatajabe cho̧'wo̧ jwitibanö ötjönö sulabe baledinabi, ja̧danö, ötjö chömöledönöbi, jö̧ba̧lö.