Génesis 41:27 - Dios Iwene

²⁷ Ina yöbawijetö: —Ja̧danö, ju'wedö pa̧ka̧yö̧ jelemutjö du̧ju̧taja 'dalökadö sulabedö ojwetjö wamibajadöma jelemutjö dötölataja a̧yo, a̧wi̧chö̧lö̧ji̧ baledakwa̧ a̧yo jö̧ba̧lö ji̧. Ja̧danö, trigosanutjö ochobiya jelemutjö docholataja jawa ochobiya, pjei̧ochobiya, ja̧wo̧ ichobekwötjö jwa̧lȩ'ewö kököachibaja̧bi, jelemutjö dötölataja a̧yo, a̧wi̧chö̧lö̧ji̧ baledakwa̧ a̧yo jö̧ba̧lö ji̧— yöbawijetö Joséma faraónnöma.

Génesis 41:27 Referans Kwoze

2 Reyes 8:1

Eliseo Sunem jojosuju jitji̧nö, woawatjö tjeataja̧ ikena, ja'yubenö lekwajabetjö, jobujunö yöawinobe: —Chömöledösuju, a̧la̧ibö, ökwöbi kwömöledöbi jelobe ja̧nö kwi̧'yaduwo, baikwö yötawa: Isabenö Jo̧ma weajabe, jelemutjö dötölataja o̧biya baledibanö, bemi israel nijitjö a̧wi̧chi̧ lö̧jobö. Jo̧kwajabetjö̧, jelobe ju'wedö tjitebonö ja̧nö kwi̧'yaduwitjö̧ma, otiwena, usula kwemawaduwapji, —jö̧ba̧lö.

2 Samuel 24:19

Jejenö Isabenö Jo̧ weaja̧ Gad yöawökwe, Davidma jobe önöchinobe ömöayedökwö,

Génesis 41:3

Ikenama ju'wedö pa̧ka̧yö̧ jelemutjö du̧ju̧taja sulabedö 'dalökadö ojwetjö wamibakwawibö tjö̧jobekwö, abönö wamibajadökwö ojwe ö'öbö.

Génesis 41:26

Ja̧danö, pa̧ka̧yö̧ jelemutjö du̧ju̧taja otiwadöma jelemutjö dötölataja a̧yo jö̧ba̧lö ji̧. Ja̧danö, trigosanutjö ochobiya jelemutjö docholataja 'dalachaibaja̧ma, ja̧bi, jelemutjö dötölataja a̧yo jö̧ba̧lö ji̧. Sule bakwai̧ jawada kwi̧'wi̧dikwajabe— yöbawijetö.