Génesis 4:23 - Dios Iwene

²³ Ju'wi möle Lámecma jö̧ba̧lijetö i̧lȩkwa̧munö Adanö, Zilanö: —A̧ja̧kwaduwitjö. Bakwo̧ ötjönö kwakwaitjö̧ma chökwösobu kwu̧kwinö, jo̧banö kwabö lotena. Ja̧danö, möayo̧bi ötjönö inia tjötinö kwakwaitjö̧ma kwabö lotena. Balekwa mikwanö kwabö lotena.

Génesis 4:23 Referans Kwoze

Éxodo 20:13

Ja̧danö, ju'wibi wetaduwakwö: Bakwo̧ jelo̧nö kwabö loköbaduwoko.

Jueces 9:7

Ja̧ baledaja̧ yötjawi̧ a̧ja̧kwinobe Jotanma, ja̧danö a̧ja̧kwajo̧, Siquen comunidad badeibösa'o Guerizin mösa'obe i̧'yinobe, jobetjö Siquen comunidad jojodönö yöa̧lobö. Ja̧danö, ichibö labinö jwöbö yöawinobe baikwö: —Ökwödö Siquen comunidad luwedönö yötawa, ja̧danö yötawi̧ kwa̧ja̧kwaduwobö jo̧be, yötawi̧ kwaja̧kwaduwiökwe, Diosma ökwödönöbi a̧ja̧kwakobetjö̧.

Génesis 4:22

Ja̧danö Lamech jeluju ilekwo Zilama jitji̧nö emijotö Tubal-caín mikwo̧nö. Jo̧bama 'dobö jalinö sedatö otidiabijetö, 'dieba jawatjö otikwama. Jo̧ba öjawujuma Naama mikwijotö.

Deuteronomio 32:35

Isabenö ötjödasa sulabenö ja̧tji̧ balekwa mikwa lȩbebo̧ma, ja̧danö lȩtebobö badekwachenama, lȩtebocha. Baikwö wanedö yötawa: Ja'yubenö lekwajabetjö dusachibö metja̧kwedö, ja̧danö wene tjöbaledakwa̧ma juluwanö badekwachakobe, ja̧danö juluwanö jobadönö söbebö lotakobe, –jö̧ba̧lö yöawobe Diosma.