Génesis 4:17 - Dios Iwene

¹⁷ Ju'wi möle Caínma ilekwonö emijetö. Ja̧danö, ilekwoma ju'wi möle metu'wo ji̧jotö. Metu'wo ja̧juma jitji̧nö emijotö, Henoc mikwo̧nö. Ja̧danö, Caínma comunidad otidijetö. Otidajemima itji̧ iminö, bakwainö midijetö, Henoc, jö̧ba̧lö.

Génesis 4:17 Referans Kwoze

Daniel 4:30

Ja̧danö, edö, yöa̧linobe itedada, isabenö biya̧ inesö otiwobe comunidad Babiloniama, ötjöda otiwanö chotidajabe, yöbawö weti̧ comunidad baibanö. Ötjöda chujulunö otiwanö chotidajabe, chujulu otiwanö öwawobö, okobe deinö edö ötjönö tjöwaisobö, Nabucodonosorma isabenö jwiinö juluwo̧ jö̧ba̧lö, yöa̧linobe Nabucodonosorma itedada.

2 Samuel 18:18

Damötjö̧, Absalon ina 'yaba̧lo̧ ö̧jayi, itji̧mu debö ja̧nö, la'aka luwo̧ wabeko ötjabobe inawa nöawa, iteda imi laebawa ujuninobe. Ja̧wa junö yöa̧linobe, —Chitji̧ dea, ö'wö batibaja̧ okobe jojodö chimi tjomukwatibobö, jo̧kwajabetjö biwa chujunobe, ba̧kwelöjatebö ötjönö tjo̧mukwatobö, —jö̧ba̧lö. Ja̧danö, babe mölebi, jawa ina Absalonnö omukwatakwawa inawa jö̧ba̧lö ötjabobe.

Génesis 11:4

Ikenama yöba̧lakwawijadötö: —Duju̧kwemi comunidad dotido. Ja̧danö, comunidadnö o̧do möeju dotido mölejȩbe ichibanö. Jejenö dotiditjö̧ma okobe deinö böjȩnö ju̧kwadöma ökwödönö tjöwaisakobe, otiwanö tjotidinobe möejuma, jö̧ba̧lö. Ja̧danö, jejenö otidö ökwödöma bakwainö omukwatadö babibajadö benada otiwanö bakobe duju̧kwakobe. Jejenö dö̧jo böjȩ bakwemeachibanö wainökwena duju̧kwökakobetjö̧, ökwödötjö ju'wedö jelobe, ökwödötjö ju'wedö jelobebi— yöba̧lakwawijadötö.

Génesis 5:22

Ja̧danö, Enocma Matusalénnö 'yaebinemi tupakwöma trescientos a̧yo Dioskwö jwaikwöda 'yi̧abijetö. Ja̧danö, i̧tji̧munö ju'wedönö 'yabebijetö, ömadönöbi ya̧dönöbi.

Génesis 5:18

Ja̧danö, Mahalalel itji̧ Jéred mikwo̧ma ciento sesenta y dos a̧yo bo̧ itji̧nö 'yabebijetö, Enoc mikwo̧nö.

Génesis 4:16

Ikenama Caínma Isabenö Jo̧ ö̧jajelöma labebö 'yi̧jetö Nod nijibe ö̧jobö. Nod nijima Edén batjotjöma ja̧wo̧ laebemi badeibö ji̧jetö.

Génesis 4:18

Ja̧danö, jobetjö lekwinemi ikena Henocma itji̧nö 'yabebijetö, Irad mikwo̧nö. Ja̧danö, lekwinemi ikena Iradma itji̧nö 'yabebijetö, Mehujael mikwo̧nö. Ja̧danö, lekwinemi ikena Mehujaelma itji̧nö 'yabebijetö, Metusael mikwo̧nö. Ja̧danö lekwinemi ikena Metusaelma itji̧nö 'yabebijetö, Lamec mikwo̧nö.