Génesis 39:8 - Dios Iwene

⁸ Jejenö jö̧ja̧lijayonö Joséma jö̧ba̧lijetö: —Chichökö, sula. Ökwöma chuluwo̧ ilekwoja. Ja̧danö, chuluwo̧ itea weibinökwesa ötjöma. Jo̧bama omukwatökönö ötjönö webö ujunijatö chite'ada̧lobö okobe jwiinö jo̧ba iteama.

Génesis 39:8 Referans Kwoze

Proverbios 22:14

Ja̧danö, ju'wibi yötawa: Isuju jilekwebö̧kö̧kwö 'da̧jawobö ösödujuma iso̧nö obö yöba̧luju, jobujukwö ja̧nö ösödobö. Isabenö, jobuju yöja̧li̧ma 'daliwadanö ji̧, iso̧ ö̧libobö. Ja̧danö, Isabenö Jo̧ma bakwo̧nö iso̧nö jwiinö ölabökwenöma, ja̧ 'daliwanö ö̧libobö webo̧.

Proverbios 7:5

Ja̧danö, ju'wibi yötawakwö chitji̧: Ötjö jwebebö yötawi̧ a̧ja̧kwö kwö̧jobetjö̧ ja̧ yötawi̧ma sulabenö obuju ökwökwö bakobe jö̧jobö ichujutjö kwö̧jibinö pjaatakobe. Isabenö, ötjö yötawi̧ a̧ja̧kwö kwö̧jobetjö̧ jobujuma ökwönö ösödö ötjökwö kwö̧jo ichi, jö̧ba̧lö, yöja̧lijayonö kwa̧ja̧kwökakobe.

Proverbios 1:10

Chitji̧ ju'wibi yötawakwö ¡a̧ja̧kwitjö! Sulabenö omukwatadö, Dios weina öpöjödadöma ökwönö ötjibena, ökwödökwö ichi di̧'yo, jö̧ba̧lö. Jobekwö ötibonö chichökö ökwödökwöma, jö̧ba̧lö kwatatodönö.

Proverbios 18:24

Ja̧danö, ju'wibi yötawa: Bakwo̧ma yö̧a̧lena ökwönö, chömöledöso̧, jö̧ba̧lö. Jobekwö yöa̧lijayonö omöna yöba̧lo̧, isabenö kwömöledöso̧bö̧kö̧. Jo̧kwaijayonö jelo̧ma isabenö kwömöledöso̧ ö̧jobe. Jo̧ba isabenö kwömöledöso̧ma yö̧ne kwömöledö pjatjati̧tjö bajalekwönönö pjabato̧ ökwönöma ba̧kwȩlö̧jatebö.

Proverbios 6:29

Chitji̧, jobekwö labi̧ jawa baledakobe ökwönöma jelo̧ ilekwo̧kwö bakwobe kwö̧jitjöma. Isabenö ökwönö lȩtjebakwo̧ja.

Proverbios 2:10

Jao chitji̧, jobekwö ötjö yötawi̧ a̧ja̧kwö otiwanö kwö̧jobetjö̧ kwomajade okwa kwöwaisakwo̧ja jweinö omukwatö kwö̧jobö. Ja̧danö, jobekwö jweinö omukwatö kwö̧jobetjö̧ kwo̧'wo̧ ösöwanö kwö̧jakwo̧ja.

Génesis 39:4

Jejenöobetjö̧ uluwo̧ Potifarma jwiinö ösödijetö Josénöma, iteda inesö ömöayo̧ baibanö junö. Ju'wedö ömöayedö tjuluwo̧ baibanö junijetö Potifarma Josénöma. Ja̧danö, iteda iteabi, la'aka te'ada̧lakwawa jojo baibanö junijetö Josénöma.

Génesis 39:23

Ja̧danö, Isabenö Jo̧ Diosma Josénö pjabatö ö̧jobetjö̧ okobe jwiinö José otidi̧ma otiwijetö. Jo̧kwaobetjö̧ jeju ba̧ja̧dadönö te'ada̧lo̧ma jeju okwa ji̧ma omukwatöbi omukwatijökötö, Joséma otiwanö otidobetjö̧.