Génesis 39:6 - Dios Iwene

⁶ Ja̧danö, Potifarma okobe jwiinö itea, iteda otikwa, ja̧danö, ju'wi jawa, ju'wi jawabi Josénöda ite'ada̧lobö webijetö. Ja̧danö, ja'yubebi omukwatijökötö iteda jawama, Josénöda webö. Kwakwawa ukwakwa̧da omukwatijetö. Ja̧danö, Joséma ujulubi juluwijetö, otiwi̧bi jwiinö otiwijetö.

Génesis 39:6 Referans Kwoze

Proverbios 31:11

Jobuju jilekwema, ilekwonö omukwato̧, Chilekwoma isabenö otiwanöda omukwatö juju, jö̧ba̧lö. Ja̧danö, jobujuma otiwanö waisö jotidobetjö̧ jilekwema okobe jwiinö iteda ösödi̧ma juna̧lo̧.

1 Samuel 16:12

Weökwe, itji̧ bajalia jojonö öbibö tji̧'yobö weinobe Isaima, ja̧danö Isai itji̧ bajalia jojo David mikwo̧nö tjichejebinobe. Jo̧banö edö, Samuelma ö'wöchö̧kö̧ otiwanö duwo̧nö edinobe, öbajalebi, itebiabi otiwo̧nö. Ja̧danö, Isabenö Jo̧ma Samuelnö weinobe, —Biteda omudawö chujunökwema, a̧la̧ibi, uunö o̧tesobu tobebi, omudawö chujunaja̧ wene i̧sebö.

Génesis 29:17

Ja̧danö abönö pöo Leama jöbajalema otiwijotö. Jo̧kwaijayonö jöjawuju Raquelma jwiinö otiwijotö, jöbabi, jitebiyabi.

Lucas 19:17

Yöawökwe uluwo̧ma atadinobe: Otiwanö kwotidajabe chömöayo̧, chömöayo̧ otiwo̧ ja̧danö kwotido jö̧ka̧li̧danö otido̧ja. Ja'yubeda ökwönö wetinama otiwanö kwotido jö̧ka̧li̧danö kwotidajabe, jo̧kwajabetjö̧ tupakwö nöi̧ jawa kwite'ada̧lobö chujunocha. Jau chömöayo̧, ökwönö chujunocha, domulataja jawa comunidad jojodö tjuluwo̧ bakibanö, jö̧ba̧lö.

Hechos 7:20

Ja̧ möle bakwujuma tjemunö emijotö. Jo̧ba tjemuma Moisés mikwijetö. Jo̧bama otiwijetö yelösöda. Ja̧wo̧dö wa̧medukwanö ojo'doma jo̧banö tojibö bötjatijotö, jobadö tjejutjöma.

Lucas 16:10

Tupakwö yöawinobe Jesúsma iteda öba̧ja̧di̧ waisachadönö: —Chömöledö, ja'yubeda Dios weökwe Dios wei̧danö ja̧bo̧ma, ju'wibi nöinö weena Dios wei̧danö ja̧akwo̧, ¿jö̧tö? Ja̧danö, ja'yubeda Dios weökwe Dios weöködanö ja̧bo̧ma, ju'wibi nöinö weena Dios weöködanö ja̧akwo̧, ¿jö̧tö?

Génesis 43:32

Ja̧danö Joséma mesa söte, wainö junawötenö bi̧jetö. Jo̧ba ömöledöma wainö jelötenö ba̧jijadötö. Ja̧danö, ju'wedö Egipto jojodöbi wainö junawötenö ba̧jijadötö, hebreo jojodönö öpöjödö, jobadökwö bakobe ba̧nö dukwoböma sula̧, jö̧ba̧lö.

Génesis 39:23

Ja̧danö, Isabenö Jo̧ Diosma Josénö pjabatö ö̧jobetjö̧ okobe jwiinö José otidi̧ma otiwijetö. Jo̧kwaobetjö̧ jeju ba̧ja̧dadönö te'ada̧lo̧ma jeju okwa ji̧ma omukwatöbi omukwatijökötö, Joséma otiwanö otidobetjö̧.

Génesis 39:8

Jejenö jö̧ja̧lijayonö Joséma jö̧ba̧lijetö: —Chichökö, sula. Ökwöma chuluwo̧ ilekwoja. Ja̧danö, chuluwo̧ itea weibinökwesa ötjöma. Jo̧bama omukwatökönö ötjönö webö ujunijatö chite'ada̧lobö okobe jwiinö jo̧ba iteama.

Génesis 39:4

Jejenöobetjö̧ uluwo̧ Potifarma jwiinö ösödijetö Josénöma, iteda inesö ömöayo̧ baibanö junö. Ju'wedö ömöayedö tjuluwo̧ baibanö junijetö Potifarma Josénöma. Ja̧danö, iteda iteabi, la'aka te'ada̧lakwawa jojo baibanö junijetö Josénöma.

1 Samuel 17:42

Ja̧danö yö̧ne ichibö, Davidnö edö öpöjödinobe, —Bitema juluwö̧kö̧, möayo̧, —jö̧ba̧lö. Davidnö edö, otiwo̧nö edinobe, öba otiwanö duwo̧nö edinobe, ina möayo̧.