Génesis 39:21 - Dios Iwene

²¹ Jejunö ö̧jijayonö Isabenö Jo̧ Diosma Josénö pjabatö, lȩlö̧jinö edijetö. Ja̧danö, jeju okwa ba̧jadönö te'ada̧lo̧ma Josenö otiwanö edobö pjabatijetö Isabenö Jo̧ Diosma.

Génesis 39:21 Referans Kwoze

Éxodo 3:21

Jejenö baledena Egipto jojodö ökwödönö otiwanö tjedobö chujunocha. Jo̧kwaobetjö̧ lakebaduwenama tea jwiinöma lakebaduwökakobe.

Isaías 41:10

Yekabiduwoko ökwödö israel jojodö, ötjöda ökwödökwö jo̧chobetjö̧, ja̧danö kwo̧'wo tjo̧bekwö kwö̧jaduwoko, ötjöda kwösödaduwökwe Dioschobetjö̧. Jau, ötjöda kwujuluwaduwachibanö pjatatakwo̧sa, meköbaduwapji jö̧ba̧lö, ötjöda chömamu juluwamu chöwaisobekwöchobesamunö do̧balö pjatatakwo̧sa.

1 Pedro 3:17

Ja̧danö chömöledö, otiwanö ja̧bö kwö̧jaduwijayonö, ina usula kwemawaduwena. Jejenö usula kwemawaduwobö Dios weitjö̧ma, sulökö chömöledö, jo̧kwaijayonö sulabenö ja̧bajadö usula kwemawaduwitjö̧ma sula, sulabenö ja̧köbaduwobetjö̧.

Daniel 1:9

Dios pjaatobetjö̧, Aspenazma Danielnö ösödinobe, ja̧danö lȩlö̧jinö edinobe Danielnö,

Éxodo 12:36

Ja̧danö, Isabenö Jo̧ma Egipto jojodönö Israel jojodönö ösödanö tjedobö junijetö okobe jwiinö atjebi̧ma tjiyakobetjö̧. Jejenö Israel jojodöma Egipto jojodö jwiinö mikwawi̧ tjitjeatjö emibö e'ewijadötö Egiptotjö.

Isaías 43:2

Jau, wene kwöbaledaduwenama, pjatatakwo̧sa, baikwö wanedö yöta̧la: Ojwiyo da̧kwemi kwöbaledaduwena, ökwödökwö chö̧jakwo̧sa, ja̧danö ojwe da̧kwödö pekibaduwijayonö o̧kibaduwökakwedöja, ötjöda tjöbeba̧lö pjatatobetjö̧. Ja̧danö ökwöla nöinö ubola ö'wejenö kwöbaledaduwijayonö, kwubaduwökakwedöja, ökwöla neawanima suli̧ öwaedökakwawö̧ja.

Éxodo 11:3

Ja̧danö, Isabenö Jo̧ma Egipto jojodönöma Israel jojodönö ösödanö tjedobö junijetö. Ja̧danö, Moisésnö otiwanö omukwatijadötö Egipto jojodöma. Faraón ipjea jojodö, ja̧danö okobe deinö Egipto jojodöma Moisésnö edö, inesö jojo, jö̧ba̧lö omukwatijadötö.

Génesis 39:2

Ja̧danö, Isabenö Jo̧ Diosma Josénö pjabatö ö̧jobetjö̧ Joséma uluwo̧ Potifar ejunö ja̧nö okobe jwiinö otidi̧ma otiwijetö.

Génesis 21:22

Ja̧danö, ju'wi möle la'aka luwo̧ Abimelecma, guardia tjuluwo̧ Ficol mikwo̧kwö 'yi̧jetö Abraham ö̧jobekwö. 'Ya̧jo̧ ichibö jö̧ba̧lijetö Abrahamnöma: —Abraham, chedemi Diosma ökwökwö pjabatö ö̧jobe, okobe jwiinö kwö̧ji̧ma.

Proverbios 16:7

Ja̧danö, ju'wibi yötawa: Isabenö Jo̧ma jwiinö ösödobe otiwanö omukwatö jo̧nö, bite ö̧ji̧ma chösöda jö̧ba̧lö. Jobekwö ö̧jobetjö̧ Isabenö Jo̧ma jo̧banö pjaatobe, ite öpöjojodöbi jo̧bakwö wene jwiinö tjö̧jobö.

Romanos 8:37

Jau chömöledö, okobe jwiinö yötawaja̧ baleditjö̧böbi, woditjö̧böbi, ja̧ jawa okobe junibö, ida̧ökö abönö ichibinadösa ökwödöma chömöledö, Jesúsda ökwödönö pjaatinobetjö̧. Jo̧bama ökwödönö ile nibebö pjaatinobetjö̧, ida̧ökö abönö ichibinadösa chömöledö.

Daniel 6:22

Chuluwo̧ Dios öba a'otjö wene jwiinö chö̧jiökwe, Diosma iteda weökwe ángelnö weajabe, didibadö tjaa umu'dudobö, jo̧kwajabetjö̧ ötjönö suli̧ tjöwaedökötö. Jau chuluwo̧, Dios öba a'otjöbi, ökwö kwöba a'otjöbi wene jwiinö chö̧jobe, isabenö suli̧ waedökönö otiwanö chö̧jobetjö̧— jö̧ba̧lö atadinobe Danielma.

Génesis 39:3

Ja̧danö, uluwo̧ma Josénö edö, Chedemi Isabenö Jo̧ Diosma bitenö pjaatobe, okobe jwiinö otidi̧ma otiwanö ji̧nö, jö̧ba̧lö, omukwatijetö.

Génesis 39:4

Jejenöobetjö̧ uluwo̧ Potifarma jwiinö ösödijetö Josénöma, iteda inesö ömöayo̧ baibanö junö. Ju'wedö ömöayedö tjuluwo̧ baibanö junijetö Potifarma Josénöma. Ja̧danö, iteda iteabi, la'aka te'ada̧lakwawa jojo baibanö junijetö Josénöma.